म.टा. प्रतिनिधी, नागपूर
करोनामुळे ज्येष्ठ नागरिकांचे विरंगुळा केंद्र कुलुपबंद आहेत. त्यामुळे एकमेकांशी प्रत्यक्ष भेटणे नाही की वाढदिवस साजरे करणे नाही. अशा स्थितीत एकाकी वाटणाऱ्या या पिकल्या पानांनी व्हॉट्सअॅपच्या माध्यमातून आयुष्यातील विरंगुळ्याचे क्षण जगण्यास सुरुवात केली आहे. दररोज ऑनलाइन येत ख्यालीखुशाली विचारत एकमेकांचा आधार बनत आहेत.
करोनामुळे एकीकडे काही कुटुंबे एकत्र आली आहेत. त्यामुळे ज्येष्ठ सदस्यांना मुलामुलीचा, नातवंडांचा सहवास लाभत आहे. तर काही कुटुंबे मात्र चांगलीच दुरावली आहेत. विशेषत: मुले देशाबाहेर वा दुसऱ्या शहरात असणाऱ्या ज्येष्ठांना गेल्या पाच महिन्यांपासून एकाकी जीवन जगावे लागत आहे. करोनाच्या वाढत्या प्रादुर्भावामुळे बाहेर निघणेदेखील कठीण होऊन बसले आहे. करोनापूर्वी विरंगुळा केंद्रांमुळे किमान काही तास दररोज आपल्याच वयातील लोकांची भेट व्हायची, मनोरंजन व्हायचे. आता भेटणे शक्य नाही. त्यामुळे रोज ऑनलाइन संवाद सुरू झाला आहे. याबाबत अधिक सांगताना सहकारनगर ज्येष्ठ नागरिक मंडळाचे अध्यक्ष हुकुमचंद मिश्रीकोटकर म्हणाले, 'शहरातील सर्व ज्येष्ठ नागरिक मंडळांनी आपापल्या सदस्यांचे व्हॉट्सअॅप ग्रुप तयार केले आहेत. त्याद्वारे विरंगुळा केंद्रात होणाऱ्या अॅक्टिव्हिटी ऑनलाइन स्वरूपात सुरू आहे. सकाळची सुरुवातच अनुलोम-विलोम, योगाद्वारे होते. दिवसभर विनोदी संदेशांची देवाणघेवाण सुरू असते. कुणाचा वाढदिवस असेल तर तो साजरा करणे शक्य नसल्याने ऑनलाइन शुभेच्छा देण्यात येतात.'
काही मंडळांद्वारे तज्ज्ञ डॉक्टरांच्या टिप्स व्हॉट्सअॅप ग्रुपवर अपलोड करून शक्य ते मार्गदर्शन करण्यात येत आहे.
रोजचा कॉल हाच आधार!
बऱ्याचशा विरंगुळा केंद्रांतील ज्येष्ठ नागरिक एकटेच राहतात. त्यांना या कठीण काळात मंडळातील सदस्यांची साथ मोलाची ठरत आहे. व्हॉट्सअॅप वा इतर सोशल मीडियावर नसलेले नागरिक एकमेकांना रोज कॉल करत आहेत. रोज येणारा हा कॉल अनेकांसाठी आधार ठरत असल्याची प्रतिक्रिया ज्येष्ठ नागरिक रमेश कुकडे यांनी दिली.
करोनामुळे ज्येष्ठ नागरिकांचे विरंगुळा केंद्र कुलुपबंद आहेत. त्यामुळे एकमेकांशी प्रत्यक्ष भेटणे नाही की वाढदिवस साजरे करणे नाही. अशा स्थितीत एकाकी वाटणाऱ्या या पिकल्या पानांनी व्हॉट्सअॅपच्या माध्यमातून आयुष्यातील विरंगुळ्याचे क्षण जगण्यास सुरुवात केली आहे. दररोज ऑनलाइन येत ख्यालीखुशाली विचारत एकमेकांचा आधार बनत आहेत.
करोनामुळे एकीकडे काही कुटुंबे एकत्र आली आहेत. त्यामुळे ज्येष्ठ सदस्यांना मुलामुलीचा, नातवंडांचा सहवास लाभत आहे. तर काही कुटुंबे मात्र चांगलीच दुरावली आहेत. विशेषत: मुले देशाबाहेर वा दुसऱ्या शहरात असणाऱ्या ज्येष्ठांना गेल्या पाच महिन्यांपासून एकाकी जीवन जगावे लागत आहे. करोनाच्या वाढत्या प्रादुर्भावामुळे बाहेर निघणेदेखील कठीण होऊन बसले आहे. करोनापूर्वी विरंगुळा केंद्रांमुळे किमान काही तास दररोज आपल्याच वयातील लोकांची भेट व्हायची, मनोरंजन व्हायचे. आता भेटणे शक्य नाही. त्यामुळे रोज ऑनलाइन संवाद सुरू झाला आहे. याबाबत अधिक सांगताना सहकारनगर ज्येष्ठ नागरिक मंडळाचे अध्यक्ष हुकुमचंद मिश्रीकोटकर म्हणाले, 'शहरातील सर्व ज्येष्ठ नागरिक मंडळांनी आपापल्या सदस्यांचे व्हॉट्सअॅप ग्रुप तयार केले आहेत. त्याद्वारे विरंगुळा केंद्रात होणाऱ्या अॅक्टिव्हिटी ऑनलाइन स्वरूपात सुरू आहे. सकाळची सुरुवातच अनुलोम-विलोम, योगाद्वारे होते. दिवसभर विनोदी संदेशांची देवाणघेवाण सुरू असते. कुणाचा वाढदिवस असेल तर तो साजरा करणे शक्य नसल्याने ऑनलाइन शुभेच्छा देण्यात येतात.'
काही मंडळांद्वारे तज्ज्ञ डॉक्टरांच्या टिप्स व्हॉट्सअॅप ग्रुपवर अपलोड करून शक्य ते मार्गदर्शन करण्यात येत आहे.
रोजचा कॉल हाच आधार!
बऱ्याचशा विरंगुळा केंद्रांतील ज्येष्ठ नागरिक एकटेच राहतात. त्यांना या कठीण काळात मंडळातील सदस्यांची साथ मोलाची ठरत आहे. व्हॉट्सअॅप वा इतर सोशल मीडियावर नसलेले नागरिक एकमेकांना रोज कॉल करत आहेत. रोज येणारा हा कॉल अनेकांसाठी आधार ठरत असल्याची प्रतिक्रिया ज्येष्ठ नागरिक रमेश कुकडे यांनी दिली.