नागपूरः यवतमाळ स्थानिक स्वराज्य संस्थेच्या विधानपरिषदेच्या पोटनिवडणुकीत महाविकास आघाडीचे उमेदवार दुष्यंत चतुर्वेदी हे विजयी झालेत. या विजयामुळे दुष्यंत चतुर्वेदी चर्चेत आलेत. पाहूया कोण आहेत दुष्यंत चतुर्वेदी...
दुष्यंत चतुर्वेदी हे विदर्भातील काँग्रेसचे माजी मंत्री आणि नेते सतीश चतुर्वेदी यांचे पुत्र आहेत. सतीश चतुर्वेदी हे नागपुरातून पाच वेळा काँग्रेसचे आमदार झाले. तसंच ते नागपूरचे पालकमंत्री ही होते. नागपूरमधील महापालिका निवडणुकीत पक्षविरोधी काम केल्याच्या आरोपावरून त्यांना काँग्रेसमधून निलंबित करण्यात आलं होतं. त्यावेळी अशोक चव्हाण हे काँग्रेसचे प्रदेशाध्यक्ष होते. यानंतर बाळासाहेब थोरात हे काँग्रेसचे प्रदेशाध्यक्ष झाले. त्यांनी सतीश चतुर्वेदींवरील निलंबन मागे घेत त्यांना पुन्हा पक्षात स्थान दिलं. सतीश चतुर्वेदींचे पुत्र दुष्यंत चतुर्वेदी यांनी काँग्रेसला सोडचिठ्ठी देत गेल्या वर्षी जूनमध्ये शिवसेना पक्षप्रमुख उद्धव ठाकरे यांच्या उपस्थितीत मातोश्री येथे शिवसेनेत प्रवेश केला होता.
नागपूर विद्यापीठातून वाणिज्य शाखेचे पदवीधर असललेले दुष्यंत, नागपूरमधील लोकमान्य टिळक जनकल्याण शिक्षणसंस्थेचे विश्वस्त म्हणून काम करतात. या शिक्षणसंस्थेच्या मुंबई आणि नागपूरमध्ये २८ हून अधिक शैक्षणिक संस्था आहेत. यात २० हजारांहून अधिक विश्वस्त आहेत. विदर्भात आणि प्रामुख्याने नागपूर आणि आजूबाजूच्या परिसरात शिवसेनेचे नेतृत्व करणारे फारसे नेते नसल्याने चतुर्वेदी यांना शिवसेनेत आणून पक्ष मजबूत करण्याचा प्रयत्न आहे.
दुष्यंत चतुर्वेदी हे विदर्भातील काँग्रेसचे माजी मंत्री आणि नेते सतीश चतुर्वेदी यांचे पुत्र आहेत. सतीश चतुर्वेदी हे नागपुरातून पाच वेळा काँग्रेसचे आमदार झाले. तसंच ते नागपूरचे पालकमंत्री ही होते. नागपूरमधील महापालिका निवडणुकीत पक्षविरोधी काम केल्याच्या आरोपावरून त्यांना काँग्रेसमधून निलंबित करण्यात आलं होतं. त्यावेळी अशोक चव्हाण हे काँग्रेसचे प्रदेशाध्यक्ष होते. यानंतर बाळासाहेब थोरात हे काँग्रेसचे प्रदेशाध्यक्ष झाले. त्यांनी सतीश चतुर्वेदींवरील निलंबन मागे घेत त्यांना पुन्हा पक्षात स्थान दिलं. सतीश चतुर्वेदींचे पुत्र दुष्यंत चतुर्वेदी यांनी काँग्रेसला सोडचिठ्ठी देत गेल्या वर्षी जूनमध्ये शिवसेना पक्षप्रमुख उद्धव ठाकरे यांच्या उपस्थितीत मातोश्री येथे शिवसेनेत प्रवेश केला होता.
नागपूर विद्यापीठातून वाणिज्य शाखेचे पदवीधर असललेले दुष्यंत, नागपूरमधील लोकमान्य टिळक जनकल्याण शिक्षणसंस्थेचे विश्वस्त म्हणून काम करतात. या शिक्षणसंस्थेच्या मुंबई आणि नागपूरमध्ये २८ हून अधिक शैक्षणिक संस्था आहेत. यात २० हजारांहून अधिक विश्वस्त आहेत. विदर्भात आणि प्रामुख्याने नागपूर आणि आजूबाजूच्या परिसरात शिवसेनेचे नेतृत्व करणारे फारसे नेते नसल्याने चतुर्वेदी यांना शिवसेनेत आणून पक्ष मजबूत करण्याचा प्रयत्न आहे.