नागपूर: भाजप नेत्या पंकजा मुंडे पक्षातच राहतील, माझा काही भरवसा नाही, असं गोपीनाथ गडावरून जाहीर भाष्य करणारे भाजपचे नाराज नेते एकनाथ खडसे यांनी आज पुन्हा राष्ट्रवादी काँग्रेसचे अध्यक्ष शरद पवार यांची भेट घेणार आहेत. त्यामुळे खडसे लवकरच राष्ट्रवादी काँग्रेसमध्ये सहभागी होण्याची शक्यता वर्तवण्यात येत आहे. खडसेंना मंत्रिमंडळ विस्तारापूर्वीच राष्ट्रवादीत प्रवेश दिला जाईल, अशी शक्यताही सूत्रांनी वर्तवली आहे.
दोन आठवड्यापूर्वी एकनाथ खडसे यांनी दिल्लीत जाऊन शरद पवार यांची भेट घेतली होती. त्यानंतर आज पुन्हा नागपूर दौऱ्यावर आलेल्या पवारांची खडसे भेट घेणार आहेत. त्यामुळे सर्वांच्या भुवया उंचावल्या आहेत. आज रात्री या दोन्ही नेत्यांची भेट होणार आहे. या भेटीत राष्ट्रवादीत प्रवेश करण्यावरच प्रामुख्याने चर्चा होणार असल्याचं सांगण्यात येतं. पवार यांच्या भेटीनंतर खडसे हे मुख्यमंत्री उद्धव ठाकरे यांची भेट घेणार असल्याचंही सूत्रांनी सांगितलं. खडसे यांनी पवार आणि ठाकरे यांच्या सुरू केलेल्या भेटीगाठी आणि बंडाचे दिलेले संकेत या पार्श्वभूमीवर खडसे नेमका काय निर्णय घेणार? याकडे संपूर्ण महाराष्ट्राचे लक्ष लागले आहे.
खडसे-पवारांचे अर्धातास खलबतं!
एकनाथ खडसे यांची भाजपला सोडचिठ्ठी?
दरम्यान, मुख्यमंत्री उद्धव ठाकरे यांची मुंबईत भेट घेतल्यानंतर रिलॅक्स झालेल्या खडसे यांनी भाजपच्या कार्यपद्धतीवर अप्रत्यक्षपणे टीका केली होती. 'मला कोअर ग्रुपमधून काढून टाकलं, कोणत्याही कार्यक्रमाला बोलावलं जात नाही. असं जर वारंवार करत असाल तर मी काही देव नाही. मीही शेवटी माणूस आहे. माझ्यावर असाच अन्याय होत राहिला तर मला वेगळा विचार करावा लागेल,' असा इशारा खडसे यांनी दिला होता. तर भाजप नेते गोपीनाथ मुंडे यांच्या जयंती दिनी गोपीनाथ गडावरून मनातील खदखद व्यक्त करताना मी पक्षात राहिल की नाही माहीत नाही. माझा काहीच भरवसा नाही, असं त्यांनी म्हटलं होतं.
दोन आठवड्यापूर्वी एकनाथ खडसे यांनी दिल्लीत जाऊन शरद पवार यांची भेट घेतली होती. त्यानंतर आज पुन्हा नागपूर दौऱ्यावर आलेल्या पवारांची खडसे भेट घेणार आहेत. त्यामुळे सर्वांच्या भुवया उंचावल्या आहेत. आज रात्री या दोन्ही नेत्यांची भेट होणार आहे. या भेटीत राष्ट्रवादीत प्रवेश करण्यावरच प्रामुख्याने चर्चा होणार असल्याचं सांगण्यात येतं. पवार यांच्या भेटीनंतर खडसे हे मुख्यमंत्री उद्धव ठाकरे यांची भेट घेणार असल्याचंही सूत्रांनी सांगितलं. खडसे यांनी पवार आणि ठाकरे यांच्या सुरू केलेल्या भेटीगाठी आणि बंडाचे दिलेले संकेत या पार्श्वभूमीवर खडसे नेमका काय निर्णय घेणार? याकडे संपूर्ण महाराष्ट्राचे लक्ष लागले आहे.
खडसे-पवारांचे अर्धातास खलबतं!
एकनाथ खडसे यांची भाजपला सोडचिठ्ठी?
दरम्यान, मुख्यमंत्री उद्धव ठाकरे यांची मुंबईत भेट घेतल्यानंतर रिलॅक्स झालेल्या खडसे यांनी भाजपच्या कार्यपद्धतीवर अप्रत्यक्षपणे टीका केली होती. 'मला कोअर ग्रुपमधून काढून टाकलं, कोणत्याही कार्यक्रमाला बोलावलं जात नाही. असं जर वारंवार करत असाल तर मी काही देव नाही. मीही शेवटी माणूस आहे. माझ्यावर असाच अन्याय होत राहिला तर मला वेगळा विचार करावा लागेल,' असा इशारा खडसे यांनी दिला होता. तर भाजप नेते गोपीनाथ मुंडे यांच्या जयंती दिनी गोपीनाथ गडावरून मनातील खदखद व्यक्त करताना मी पक्षात राहिल की नाही माहीत नाही. माझा काहीच भरवसा नाही, असं त्यांनी म्हटलं होतं.