म. टा. प्रतिनिधी, नागपूर
'देशाच्या संरक्षणासाठी उपयोगात येणाऱ्या संहारक शस्त्रास्त्रांच्या स्वदेशीकरणावर अधिकाधिक भर द्या,' असे निर्देश संरक्षणमंत्री राजनाथसिंह यांनी रविवारी दिले. संरक्षणमंत्र्यांनी नागपूर भेटीदरम्यान डॉ. बाबासाहेब आंबेडकर आंतरराष्ट्रीय विमानतळावर 'यंत्र इंडिया लिमिटेड'च्या पदाधिकाऱ्यांची भेट घेऊन अंबाझरी आयुध निर्माणीतील शस्त्रास्त्रनिर्मितीची माहिती जाणून घेतली.
राजनाथसिंह यांची वर्षभराच्या कालावधीतील ही दुसरी नागपूरभेट ठरली. अत्यंत छोटेखानी अशा या दौऱ्यात त्यांनी नागपूर विमानतळावरच 'यंत्र इंडिया लिमिटेड'च्या अधिकाऱ्यांची भेट घेतली. या वेळी 'यंत्र इंडिया'चे मुख्य प्रबंध संचालक राजीव पुरी, अंबाझरी आयुध निर्माणीचे व्यवस्थापकीय संचालक राजीव गुप्ता यांची उपस्थिती होती. बैठकीदरम्यान 'आत्मनिर्भर भारत'अंतर्गत शस्त्रास्त्रांच्या अधिकाधिक स्वदेशीकरणावर लक्ष केंद्रित करण्यावर चर्चा झाली. भारतीय लष्कराची क्षमता वाढविणाऱ्या 'पिनाका'च्या अद्ययावत आवृत्तीची पोखरणमध्ये यशस्वी चाचणी झाली. 'पिनाका मल्टिबॅरल रॉकेट लाँचर' ही प्रणाली ४५ सेकंदांत ४५ किलोमीटरपर्यंत १२ रॉकेट्स डागू शकते. या 'पिनाका'ची निर्मिती अंबाझरी येथील आयुध निर्माणीने केल्याचे सांगण्यात आले. काही महिन्यांपूर्वीच 'यंत्र इंडिया'च्या नेतृत्वात रेल्वेच्या सुट्या भागाची निर्मिती सुरू झाली असून, रेल्वेगाडीच्या चाकांमध्ये बसविण्यात येणाऱ्या अॅक्सलची पहिली खेप पाठविण्यात आल्याच्या माहितीवर संरक्षणमंत्र्यांनी समाधान व्यक्त केले. तत्पूर्वी, 'मेंटेनन्स कंमाड मुख्यालयाचे प्रमुख आणि अतिविशिष्ट सेवा पदकप्राप्त एअर मार्शल शशिकर चौधरी यांनी संरक्षणमंत्र्यांचे विमानतळावर स्वागत केले. नागपूर भेटीदरम्यान राजनाथसिंह यांनी केंद्रीय मंत्री नितीन गडकरी यांची भेट घेतली. संरक्षणमंत्र्यांनी गडकरी कुटुंबीयांशी संवाद साधला.
'देशाच्या संरक्षणासाठी उपयोगात येणाऱ्या संहारक शस्त्रास्त्रांच्या स्वदेशीकरणावर अधिकाधिक भर द्या,' असे निर्देश संरक्षणमंत्री राजनाथसिंह यांनी रविवारी दिले. संरक्षणमंत्र्यांनी नागपूर भेटीदरम्यान डॉ. बाबासाहेब आंबेडकर आंतरराष्ट्रीय विमानतळावर 'यंत्र इंडिया लिमिटेड'च्या पदाधिकाऱ्यांची भेट घेऊन अंबाझरी आयुध निर्माणीतील शस्त्रास्त्रनिर्मितीची माहिती जाणून घेतली.
राजनाथसिंह यांची वर्षभराच्या कालावधीतील ही दुसरी नागपूरभेट ठरली. अत्यंत छोटेखानी अशा या दौऱ्यात त्यांनी नागपूर विमानतळावरच 'यंत्र इंडिया लिमिटेड'च्या अधिकाऱ्यांची भेट घेतली. या वेळी 'यंत्र इंडिया'चे मुख्य प्रबंध संचालक राजीव पुरी, अंबाझरी आयुध निर्माणीचे व्यवस्थापकीय संचालक राजीव गुप्ता यांची उपस्थिती होती. बैठकीदरम्यान 'आत्मनिर्भर भारत'अंतर्गत शस्त्रास्त्रांच्या अधिकाधिक स्वदेशीकरणावर लक्ष केंद्रित करण्यावर चर्चा झाली. भारतीय लष्कराची क्षमता वाढविणाऱ्या 'पिनाका'च्या अद्ययावत आवृत्तीची पोखरणमध्ये यशस्वी चाचणी झाली. 'पिनाका मल्टिबॅरल रॉकेट लाँचर' ही प्रणाली ४५ सेकंदांत ४५ किलोमीटरपर्यंत १२ रॉकेट्स डागू शकते. या 'पिनाका'ची निर्मिती अंबाझरी येथील आयुध निर्माणीने केल्याचे सांगण्यात आले. काही महिन्यांपूर्वीच 'यंत्र इंडिया'च्या नेतृत्वात रेल्वेच्या सुट्या भागाची निर्मिती सुरू झाली असून, रेल्वेगाडीच्या चाकांमध्ये बसविण्यात येणाऱ्या अॅक्सलची पहिली खेप पाठविण्यात आल्याच्या माहितीवर संरक्षणमंत्र्यांनी समाधान व्यक्त केले. तत्पूर्वी, 'मेंटेनन्स कंमाड मुख्यालयाचे प्रमुख आणि अतिविशिष्ट सेवा पदकप्राप्त एअर मार्शल शशिकर चौधरी यांनी संरक्षणमंत्र्यांचे विमानतळावर स्वागत केले. नागपूर भेटीदरम्यान राजनाथसिंह यांनी केंद्रीय मंत्री नितीन गडकरी यांची भेट घेतली. संरक्षणमंत्र्यांनी गडकरी कुटुंबीयांशी संवाद साधला.