म.टा. प्रतिनिधी, नागपूर
पाकपुरस्कृत दहशतवादी बुरहान वनी याच्या हत्येनंतर पाकिस्तानने १९ जुलै काळा दिवस पाळण्याचे जाहीर केला. त्यांच्या या कृत्याचा संपूर्ण भारतभरातून निषेध व्यक्त करण्यात आला. त्याला उत्तर म्हणून ‘लष्कर नमन दिन’ साजरा करण्याचे आवाहन सोशल मीडियावर करण्यात आले होते. त्याला नागपुरातील माजी सैनिकांसह प्रहार या संस्थेने प्रतिसाद देत जाहिर कार्यक्रम घेतला.
माजी सैनिकांसाठी कार्य करणारी महाराष्ट्र माजी हवाई सैनिक कल्याण संघटनेने भारतीय लष्कर नमन दिनाला सर्वांत पहिला प्रतिसाद दिला. रात्री ११ नंतर अवघ्या काही मिनीटांच्या आवाहनावर १८-१९ जुलैच्या मध्यरात्री माजी सैनिक अजनी चौकात एकत्र आले. या अजनी चौकात पाकिस्तान लष्कराकडून हस्तगत केलेला शेरमन रणगाडा ठेवण्यात आला आहे. नेमक्या त्याच रणगाड्यासमोर माजी सैनिकांनी फटाके फोडून बुरहान वनीसारख्या दहशतवाद्याला यमसदनी धाडणाऱ्या भारतीय लष्कराच्या सैनिकांना अभिवादन केले.
दुसरीकडे १९६५ आणि १९७१ च्या युद्धातील वीर विशिष्ट सेवा पदक विजेते कर्नल (निवृत्त) सुनील देशपांडे यांच्या ‘प्रहार’ समाज जागृती संस्थेतर्फेदेखील सायंकाळी त्याच ठिकाणी हा कार्यक्रम घेण्यात आला. स्वत: कर्नल देशपांडे त्यांची कन्या निवृत्त फ्लाइंग ऑफिसर शिवाली देशपांडे यांच्यासह प्रहारमधील स्वयंसेवक, कार्यकर्ते आणि विद्यार्थ्यांनी यावेळी ‘भारत माता की जय’ च्या घोषणा देऊन परिसर दुमदुमून टाकला. पाकिस्तानकडून दहशतवाद्यांचा आसरा घेऊन कशाप्रकारे छुपे युद्ध सुरू आहे, हे यावेळी उपस्थितांना सांगण्यात आले. यामुळेच पाकिस्तानच्या या कृत्याचा निषेध करण्यात आला.
पाकपुरस्कृत दहशतवादी बुरहान वनी याच्या हत्येनंतर पाकिस्तानने १९ जुलै काळा दिवस पाळण्याचे जाहीर केला. त्यांच्या या कृत्याचा संपूर्ण भारतभरातून निषेध व्यक्त करण्यात आला. त्याला उत्तर म्हणून ‘लष्कर नमन दिन’ साजरा करण्याचे आवाहन सोशल मीडियावर करण्यात आले होते. त्याला नागपुरातील माजी सैनिकांसह प्रहार या संस्थेने प्रतिसाद देत जाहिर कार्यक्रम घेतला.
माजी सैनिकांसाठी कार्य करणारी महाराष्ट्र माजी हवाई सैनिक कल्याण संघटनेने भारतीय लष्कर नमन दिनाला सर्वांत पहिला प्रतिसाद दिला. रात्री ११ नंतर अवघ्या काही मिनीटांच्या आवाहनावर १८-१९ जुलैच्या मध्यरात्री माजी सैनिक अजनी चौकात एकत्र आले. या अजनी चौकात पाकिस्तान लष्कराकडून हस्तगत केलेला शेरमन रणगाडा ठेवण्यात आला आहे. नेमक्या त्याच रणगाड्यासमोर माजी सैनिकांनी फटाके फोडून बुरहान वनीसारख्या दहशतवाद्याला यमसदनी धाडणाऱ्या भारतीय लष्कराच्या सैनिकांना अभिवादन केले.
दुसरीकडे १९६५ आणि १९७१ च्या युद्धातील वीर विशिष्ट सेवा पदक विजेते कर्नल (निवृत्त) सुनील देशपांडे यांच्या ‘प्रहार’ समाज जागृती संस्थेतर्फेदेखील सायंकाळी त्याच ठिकाणी हा कार्यक्रम घेण्यात आला. स्वत: कर्नल देशपांडे त्यांची कन्या निवृत्त फ्लाइंग ऑफिसर शिवाली देशपांडे यांच्यासह प्रहारमधील स्वयंसेवक, कार्यकर्ते आणि विद्यार्थ्यांनी यावेळी ‘भारत माता की जय’ च्या घोषणा देऊन परिसर दुमदुमून टाकला. पाकिस्तानकडून दहशतवाद्यांचा आसरा घेऊन कशाप्रकारे छुपे युद्ध सुरू आहे, हे यावेळी उपस्थितांना सांगण्यात आले. यामुळेच पाकिस्तानच्या या कृत्याचा निषेध करण्यात आला.