भंडारा : सततची नापिकी व कर्जबाजारीपणाला कंटाळून शेतात कीटकनाशक प्राशन केलेल्या शेतकरीपुत्राचा उपचारादम्यान मृत्यू झाला. ही घटना गुरूवारी लाखनी तालुक्यातील पोहरा येथे घडली़ लक्ष्मीकांत परसराम रामटेके (४०) रा. पोहरा असे मृतकाचे नाव आहे. वडील वयोवृद्ध असल्याने कुटुंबाच्या पालनपोषणाची जबाबदारी लक्ष्मीकांतवर होती. पण सततच्या नापिकीमुळे कुटुंबाचा गाडा कसा हाकावा यासाठी तो नेहमीच विवंचनेत असायचा. सध्या मोहफुल गोळा करण्याचा हंगाम असून तो २८ मार्च रोजी पहाटेलाच शेतात गेला होता. मात्र, दुपार होऊनही घरी परतला नाही. लक्ष्मीकांत मोहाचे झाडाखाली अत्यवस्थ स्थितीत पडून असल्याचे दिसताच कुटुंबीयास मााहिती देण्यात आली. प्रा.आ. केंद्र पोहरा येथे प्रथमोपचार करून सामान्य रूग्णालय भंडारा येथे पाठविण्यात आले. उपचारादरम्यान त्याचा मृत्यू झाला.
शेतकरीपुत्राची आत्महत्या
सततची नापिकी व कर्जबाजारीपणाला कंटाळून शेतात कीटकनाशक प्राशन केलेल्या शेतकरीपुत्राचा उपचारादम्यान मृत्यू झाला...
Maharashtra Times 1 Apr 2018, 5:00 am