नागपूर : गृहविभागाने बुधवारी राज्यातील वरिष्ठ पोलिस अधिकाऱ्यांच्या पदोन्नतीचे आदेश जारी केले असून यात गुन्हे शाखेचे उपायुक्त नीलेश भरणे यांचाही समावेश आहे. त्यांची उपमहानिरीक्षकपदी पदोन्नती करण्यात आली आहे. त्यांच्याकडे गुन्हे शाखेचा कारभार कायम ठेवण्यात आला आहे. नीलेश भरणे हे नागपूर पोलिस दलात उपायुक्त गुन्हे या पदावर कार्यरत आहेत. भरणे हे मूळचे नागपूरकर आहेत. भारतीय पोलिस सेवतील २००५ तुकडीचे ते अधिकारी आहेत. उत्तराखंड कॅडरचे अधिकारी असलेले भरणे हे १ मे २०१७मध्ये प्रतिनियुक्तीवर नागपुरात आले. त्यांनी विशेष शाखा, परिमंडळ चार, वाहतूक शाखेत उल्लेखनीय कार्य केले. सध्या त्यांच्याकडे गुन्हेशाखेची जबाबदारी आहे. पदोन्नतीमुळे आनंद झाला असून, जबाबदारी आणखी वाढली आहे, अशा शब्दात भरणे यांनी भावना व्यक्त केल्या.
भरणेंना उपमहानिरीक्षकपदी बढती
गृहविभागाने बुधवारी राज्यातील वरिष्ठ पोलिस अधिकाऱ्यांच्या पदोन्नतीचे आदेश जारी केले असून यात गुन्हे शाखेचे उपायुक्त नीलेश भरणे यांचाही समावेश आहे...
MT 16 May 2019, 4:00 am