नागपूर : अल्पावधीत कोट्यधीश बनविण्याचे आमिष दाखवून नागपुरातील गुंतवणूकदारांची दीड कोटीने फसवणूक केल्याप्रकरणात आर्थिक गुन्हे शाखा पोलिसांनी मुंबईसह विदर्भातील तीन शहरांमध्ये छापे टाकले. पोलिसांनी या ठिकाणांहून प्रकरणाशी संबंधित दस्तऐवज जप्त केले आहेत. या प्रकरणाचे सूत्रधार आशिष लुनावत रा. मुंबई व किशोर भांडारकर अद्याप पसार आहेत. पोलिसांनी डॉ. मृणाल प्रशांत धार्मिक (४२), डॉ.प्रशांत दत्तात्रय धार्मिक (४५ दोन्ही रा. नंदनवन ले-आऊट),डॉ. प्रज्ञा प्रशांत डाखोळे (४४) डॉ. कविता अविनाश खोंड (समर्थनगर), प्रशांत श्यामराव डाखोळे (५१ रा. न्यू मनीषनगर) , यांना अटक केली आहे. लुनावत व भांडारकरशिवाय पोलिसांना मंगेश चिकारे, ऋतुजा चिकारे व श्रीकांत रामटेकेही हवे आहेत. आतापर्यंत २० तक्रारदार समोर आले असून त्यांची दीड कोटी रुपयांपेक्षा अधिकने फसवणूक झाली आहे. आंचल एस. लाल (४९ रा.स्वावलंबीनगर) यांच्या तक्रारीवरून पोलिसांनी गुन्हा दाखल करून पाच डॉक्टरांना अटक केली होती.
विहानमधून क्यूनेटमध्ये गुंतवणूक
धार्मिक या लुनावतच्या संपर्कात आल्या. विहान डायरेक्ट सेलिंग प्रायव्हेट लिमिटेड कंपनीचे देशविदेशात क्लब व फार्म हाऊसेस आहेत. या क्लबचे सदस्यत्व मिळविण्यासाठी तीन लाख रुपयांचे शुल्क आहे. मलेशिया येथे परिषद होते,असे लुनावतने सांगितले.धार्मिक व अन्य आरोपींच्या माध्यमातून पीडितांनी तीन लाख रुपये लुनावत याच्या विहानमध्ये जमा केले. सर्व जण मलेशियाला गेले. तेथील पॉश हॉटेलमध्ये परिषद झाल्याने सर्वच भारावले. त्यांनी अन्य गुंतवणूकदारांना गुंतवणूक करून मालामाल होण्याचे आमिष दाखविले.गुंतवणूकदारांनी दीड कोटी रुपयांपेक्षा अधिक गुंतवणूक केली. लुनावत याने ही रक्कम क्यूनेटमध्ये गुंतवली. याबाबत गुंतवणूकदारांना काहीच माहिती नव्हती,असे आर्थिक गुन्हे शाखेच्या उपायुक्त श्वेता खेडकर यांनी दिली.
विहानमधून क्यूनेटमध्ये गुंतवणूक
धार्मिक या लुनावतच्या संपर्कात आल्या. विहान डायरेक्ट सेलिंग प्रायव्हेट लिमिटेड कंपनीचे देशविदेशात क्लब व फार्म हाऊसेस आहेत. या क्लबचे सदस्यत्व मिळविण्यासाठी तीन लाख रुपयांचे शुल्क आहे. मलेशिया येथे परिषद होते,असे लुनावतने सांगितले.धार्मिक व अन्य आरोपींच्या माध्यमातून पीडितांनी तीन लाख रुपये लुनावत याच्या विहानमध्ये जमा केले. सर्व जण मलेशियाला गेले. तेथील पॉश हॉटेलमध्ये परिषद झाल्याने सर्वच भारावले. त्यांनी अन्य गुंतवणूकदारांना गुंतवणूक करून मालामाल होण्याचे आमिष दाखविले.गुंतवणूकदारांनी दीड कोटी रुपयांपेक्षा अधिक गुंतवणूक केली. लुनावत याने ही रक्कम क्यूनेटमध्ये गुंतवली. याबाबत गुंतवणूकदारांना काहीच माहिती नव्हती,असे आर्थिक गुन्हे शाखेच्या उपायुक्त श्वेता खेडकर यांनी दिली.