वर्धा: पोलीस अधीक्षक कार्यालयात आग, कंट्रोल रूम खाक

वर्धा: जिल्हा पोलिस अधीक्षक कार्यालयाला आज, बुधवारी अचानक आग लागली. या आगीत सीसीटीव्ही कंट्रोल रूम जळून खाक झाले. शॉर्ट सर्किटने आग लागल्याचा प्राथमिक अंदाज असून, पोलीस कर्मचाऱ्यांनी आग आटोक्यात आणण्याचे प्रयत्न केले.

संचारबंदी आणि लॉकडाऊनमध्ये ठिकठिकाणी तैनात असलेल्या आणि कर्तव्य बजावण्यात व्यग्र असलेल्या पोलीस यंत्रणेच्या कार्यालयालाच आज अचानक आग लागली. दुपारच्या सुमारास पोलीस अधीक्षक कार्यालयातील नियंत्रण कक्ष आणि सीसीटीव्ही कंट्रोल रुम या दोन्ही ठिकाणी भीषण आग लागली. या आगीत सीसीटीव्ही युनिट जळून खाक झाले. शॉर्ट सर्किटने आग लागली असावी असा अंदाज व्यक्त करण्यात येत आहे. आग आटोक्यात आणण्यासाठी अग्निशमन दलाला पाचारण करण्यात आले. पोलीस कर्मचारी आणि अग्निशमन दलाच्या कर्मचाऱ्यांनी शर्थीचे प्रयत्न करून आगीवर नियंत्रण मिळविले. या आगीत जीवितहानी झाली नाही. सीसीटीव्ही कंट्रोल रूम जळून खाक झाल्यानं लाखो रुपयांचे नुकसान झाले आहे.

मस्तच! अन्य कंपन्यांचंही नेटवर्क वापरता येणार?

ठाणे: करोना झाल्याची 'त्यानं' पसरवली अफवा