म.टा. प्रतिनिधी, नागपूर
यवतमाळ जिल्ह्यातील पांढरकवडा येथून नागपुरात आणलेल्या वाघिणीवरील उपचारांची वनमंत्री संजय राठोड यांनी शनिवारी विस्तृत माहिती घेतली. एकांतात ठेवण्यात आलेल्या वाघिणीबद्दल माहिती घेण्यासाठी वनमंत्री सेमिनरी हिल्स येथील प्राणी बचाव केंद्राला भेट दिली.
पांढरकवडा येथून पकडलेल्या उपद्रवी वाघिणीवर नागपुरातील प्राणी बचाव केंद्रात उपचार सुरू आहेत. राठोड यांनी शनिवारी सकाळी या ठिकाणी जाऊन जेरबंद वाघिणीच्या प्रकृती आणि उपचारांविषयी माहिती जाणून घेतली. यावेळी वन्यजीव प्रधान मुख्यसंरक्षक नितीन काकोडकर, नागपूरचे मुख्य वनसंरक्षक कल्याणकुमार यांच्यासह इतर अधिकारी आणि कर्मचारी यावेळी उपस्थित होते. वाघिणीच्य़ा तब्येतीची आणि उपचारांची संपूर्ण चौकशी करून वनमंत्री राठोड यवतमाळला रवाना झाले.
एकांतवास कायम
पांढरकवडा येथून आणलेल्या वाघिणीला पुन्हा एकदा जंगलात सोडण्याच्या दृष्टीने विचार सुरू आहे. तिच्या संदर्भात निर्णय घेण्यासाठी समितीची स्थापना करण्यात आली आहे. तूर्त तिला प्राणी बचाव केंद्रात एकांतात ठेवण्यात आले असून माणसांचा कमीत कमी संपर्क यावा या दृष्टीने प्रयत्न करण्यात येतो आहे. या पार्श्वभूमीवर राठॊड यांनी या केंद्राला भेट दिल्याने अनेकांच्या भुवया उंचावल्या होत्या. मात्र, वनमंत्र्यांनी वाघिणीचे 'व्हर्च्युअल दर्शन' घेतल्याचे वन विभागाने म्हटले आहे. 'वनमंत्री राठोड यांनी सीसीटीव्हीच्या माध्यमातून वाघिणीवरील उपचारांची माहिती घेतली. वाघिणीला ठेवलेल्या परिसरात कुणीही गेले नाही', असे वन्यजीव विभागाचे प्रमुख नितीन काकोडकर यांनी सांगितले आहे.
यवतमाळ जिल्ह्यातील पांढरकवडा येथून नागपुरात आणलेल्या वाघिणीवरील उपचारांची वनमंत्री संजय राठोड यांनी शनिवारी विस्तृत माहिती घेतली. एकांतात ठेवण्यात आलेल्या वाघिणीबद्दल माहिती घेण्यासाठी वनमंत्री सेमिनरी हिल्स येथील प्राणी बचाव केंद्राला भेट दिली.
पांढरकवडा येथून पकडलेल्या उपद्रवी वाघिणीवर नागपुरातील प्राणी बचाव केंद्रात उपचार सुरू आहेत. राठोड यांनी शनिवारी सकाळी या ठिकाणी जाऊन जेरबंद वाघिणीच्या प्रकृती आणि उपचारांविषयी माहिती जाणून घेतली. यावेळी वन्यजीव प्रधान मुख्यसंरक्षक नितीन काकोडकर, नागपूरचे मुख्य वनसंरक्षक कल्याणकुमार यांच्यासह इतर अधिकारी आणि कर्मचारी यावेळी उपस्थित होते. वाघिणीच्य़ा तब्येतीची आणि उपचारांची संपूर्ण चौकशी करून वनमंत्री राठोड यवतमाळला रवाना झाले.
एकांतवास कायम
पांढरकवडा येथून आणलेल्या वाघिणीला पुन्हा एकदा जंगलात सोडण्याच्या दृष्टीने विचार सुरू आहे. तिच्या संदर्भात निर्णय घेण्यासाठी समितीची स्थापना करण्यात आली आहे. तूर्त तिला प्राणी बचाव केंद्रात एकांतात ठेवण्यात आले असून माणसांचा कमीत कमी संपर्क यावा या दृष्टीने प्रयत्न करण्यात येतो आहे. या पार्श्वभूमीवर राठॊड यांनी या केंद्राला भेट दिल्याने अनेकांच्या भुवया उंचावल्या होत्या. मात्र, वनमंत्र्यांनी वाघिणीचे 'व्हर्च्युअल दर्शन' घेतल्याचे वन विभागाने म्हटले आहे. 'वनमंत्री राठोड यांनी सीसीटीव्हीच्या माध्यमातून वाघिणीवरील उपचारांची माहिती घेतली. वाघिणीला ठेवलेल्या परिसरात कुणीही गेले नाही', असे वन्यजीव विभागाचे प्रमुख नितीन काकोडकर यांनी सांगितले आहे.