नागपूर : माजी महापौर देवराव गणपतराव उमरेडकर यांचे अल्पशा आजाराने शनिवारी पहाटे निधन झाले. महाल येथील निवासस्थानावरून त्यांची अंत्ययात्रा निघाली. त्यांच्या पार्थिवावर गंगाबाई घाट येथे अंत्यसंस्कार करण्यात आलेत. त्यांच्या पश्चात आई, पत्नी, मुलगी, मुलगा व मोठा आप्तपरिवार आहे. अंत्यसंस्काराप्रसंगी भाजपचे शहराध्यक्ष प्रवीण दटके, ज्येष्ठ नगरसेवक दयाशंकर तिवारी, विनायक डेहनकर, राम आंबुलकर आदी उपस्थित होते. २००७मध्ये उमरेडकर गांधीबाग वॉर्ड क्रमांक ६५ मधुन निवडून आले होते. त्यावेळी महापौरपद अनुसूचित जाती प्रवर्गासाठी आरक्षित होते. त्यावेळी भाजपची सत्ता मनपात आली होती. त्यामुळे पक्षाने यापदासाठी त्यांची निवड केली. ते सहा महिन्यांसाठी महापौर पदावर कार्यरत होते. त्यांची ही कारकीर्दही गाजली.
माजी महापौर देवराव उमरेडकरांचे निधन
माजी महापौर देवराव गणपतराव उमरेडकर यांचे अल्पशा आजाराने शनिवारी पहाटे निधन झाले महाल येथील निवासस्थानावरून त्यांची अंत्ययात्रा निघाली...
महाराष्ट्र टाइम्स.कॉम 1 Mar 2020, 4:00 am