सिनेस्टाइल पकडले,१२ लाखांचे दागिने जप्त
म. टा. प्रतिनिधी, नागपूर
उपराजधानीत हैदोस घालणाऱ्या तोतया पोलिसांच्या टोळीतील दोघांना सिनेस्टाइल पाठलाग करून सीताबर्डी पोलिसांनी मध्यप्रदेश व छत्तीसगडमध्ये जेरबंद केले. तोतयांचा पाठलाग करताना सीताबर्डी पोलिस स्टेशनचा एक शिपाई जखमी झाला. हमायून जाफरी (वय ४३, रा. मुंबई) व इरफान अली नाजीर अली (वय २५, रा. टिकरी टोला, शहडोल, मध्यप्रदेश),अशी अटकेतील तोतयांची, तर सूत्रधार झाकीर ऊर्फ सलमान फिरोज जाफरी (वय ४२ रा. बुढार) व अबुझर जाफरी (२५), अशी फरार तोतया पोलिसांची नावे आहेत. ही टोळी इराणी टोळी नावाने कुख्यात आहे, अशी माहिती पोलिस उपायुक्त राकेश ओला यांनी मंगळवारी पत्रकार परिषदेत दिली.
या इराणी टोळीने नागपुरात हैदोस घातला होता. चार महिन्यांत या टोळीने १८ पेक्षा अधिक ज्येष्ठ नागरिकांची फसवणूक केली होती. या टोळीच्या अटकेचे आदेश पोलिस आयुक्त डॉ. के. व्यंकटेशम यांनी दिले. ३० एप्रिलला तोतया पोलिसांनी सीताबर्डी भागातून एका ज्येष्ठ नागिरकांचे दागिने लंपास केले होते. पोलिस उपायुक्त राकेश ओला यांच्या मार्गदर्शनाखाली सीताबर्डी पोलिस स्टेशनचे वरिष्ठ पोलिस निरीक्षक हेमंतकुमार खराबे, परमार, उपनिरीक्षक अरुण यादवराव बकाल, शिपाई गजानन निशितकर,ओमप्रकाश भरतीया, पंकज रामटेके, प्रकाश राजपल्लीवार, पंकज निकम, अंकुश घटी यांनी सीसीटीव्ही फुटेज काढून तोतया पोलिसांचा शोध सुरू केला. ही टोळी इटरासीमार्गे मुंबईला जाणार असल्याची माहिती पोलिसांना मिळाली. सीताबर्डी पोलिसांचे पथक इटारसी येथे गेले. मात्र ही टोळी बिहारला गेल्याचे पोलिसांना कळले. पोलिस त्यांचा मागावर असतानाच टोळी छत्तीसगडमधील अम्बिकापूर येथे असल्याची माहिती मिळाली. पोलिस तेथे पोहोचले. पोलिसांनी शोध घेऊन हमायून याला अटक केली. सूत्रधार सलमान याच्यासह तिघे बुढार येथे असल्याचे त्याने सांगितले. पथक बुढार येथे पोहोचले. तिघेही गच्चीवर होते. पोलिसांनी छापा टाकताच तिघांनी छतावरून उडी घेतली. पळायला लागले. पोलिसांनी त्यांचा पाठलाग सुरू केला. जाफरी याचा पंकज रामटेके यांनी पाठलाग केला. सुमारे अर्धा किलो मीटरपर्यंत पाठलाग करून रामटेके यांनी जाफरीला पकडले. त्याने सुटण्यासाठी झटापट केली. याचदरम्यान रामटेके यांच्या हाताला मार लागला. ते जखमी झाले. त्यानंतरही त्यांनी त्याला सोडले नाही. सहकारी तेथे पोहोचले. त्यांनी जाफरीला अटक केली. त्याच्याकडे दागिन्यांची पिशवी आढळली. दोघांना घेऊन पोलिसांचे पथक नागपुरात आले. दोघांची २५ मेपर्यंत पोलिस कोठडी घेण्यात आली आहे.
१२ भाषा अवगत
बुढार येथील ही टोळी दागिन्यांची वाटणी करण्याच्या तयारीत होती. याचवेळी पोलिसांनी जाफरी याला पकडले. या टोळीतील चोरट्यांना मराठी, हिंदी, बंगाली, बिहारी आदी भांषांसह तब्बल १२ भाषा अवगत आहेत. त्यामुळे ते सहजरित्या नागपुरात ज्येष्ठ नागरिकांची फसवणूक करीत होते. शरीरयष्टी असल्याने त्यांच्यावर कोणाचाही संशय येत नव्हता. सुरुवातील दोघे मोटरसायकलवर यायचे. पोलिस असल्याची बतावणी करून समोर तपासणी सुरू असल्याचे सांगायचे. काही वेळाने टोळीतील अन्य दोघे मोटरसायकलवर यायचे. काही अंतरावर पोलिस तपासणी करीत असल्याचे सांगायचे. त्यामुळे नागरिकांचा विश्वास बसायचा. दिशाभूल करून ही टोळी ज्येष्ठांचे दागिने लंपास करीत होती. ते नागपुरात कुठे वास्तव्यास होते, त्यांनी मोटरसायकली कुठून आणल्या, याचा तपास पोलिस करीत आहे.
नऊ गुन्हे उघडकीस
या टोळीतील दोघांकडून आतापर्यंत एकूण नऊ गुन्हे उघडकीस आणण्यात सीताबर्डी पोलिसांना यश आले आहे. यात सीताबर्डीतील तीन, अंबाझरी ,बेलतरोडी व हुडकेश्वर पोलिस स्टेशनमधील प्रत्येकी दोन गुन्हे उघडकीस आले आहेत. पोलिसांनी दोघांकडून सहा मंगळसूत्र, सात नेकलेस, ५४ अंगठ्या, ७ सोनसाखळी, चार बांगड्या, चार पाटल्या, ब्रेसलेट, २९ कानातले डुल आदी सोन्याचे दागिने जप्त केले.
.....
म. टा. प्रतिनिधी, नागपूर
उपराजधानीत हैदोस घालणाऱ्या तोतया पोलिसांच्या टोळीतील दोघांना सिनेस्टाइल पाठलाग करून सीताबर्डी पोलिसांनी मध्यप्रदेश व छत्तीसगडमध्ये जेरबंद केले. तोतयांचा पाठलाग करताना सीताबर्डी पोलिस स्टेशनचा एक शिपाई जखमी झाला. हमायून जाफरी (वय ४३, रा. मुंबई) व इरफान अली नाजीर अली (वय २५, रा. टिकरी टोला, शहडोल, मध्यप्रदेश),अशी अटकेतील तोतयांची, तर सूत्रधार झाकीर ऊर्फ सलमान फिरोज जाफरी (वय ४२ रा. बुढार) व अबुझर जाफरी (२५), अशी फरार तोतया पोलिसांची नावे आहेत. ही टोळी इराणी टोळी नावाने कुख्यात आहे, अशी माहिती पोलिस उपायुक्त राकेश ओला यांनी मंगळवारी पत्रकार परिषदेत दिली.
या इराणी टोळीने नागपुरात हैदोस घातला होता. चार महिन्यांत या टोळीने १८ पेक्षा अधिक ज्येष्ठ नागरिकांची फसवणूक केली होती. या टोळीच्या अटकेचे आदेश पोलिस आयुक्त डॉ. के. व्यंकटेशम यांनी दिले. ३० एप्रिलला तोतया पोलिसांनी सीताबर्डी भागातून एका ज्येष्ठ नागिरकांचे दागिने लंपास केले होते. पोलिस उपायुक्त राकेश ओला यांच्या मार्गदर्शनाखाली सीताबर्डी पोलिस स्टेशनचे वरिष्ठ पोलिस निरीक्षक हेमंतकुमार खराबे, परमार, उपनिरीक्षक अरुण यादवराव बकाल, शिपाई गजानन निशितकर,ओमप्रकाश भरतीया, पंकज रामटेके, प्रकाश राजपल्लीवार, पंकज निकम, अंकुश घटी यांनी सीसीटीव्ही फुटेज काढून तोतया पोलिसांचा शोध सुरू केला. ही टोळी इटरासीमार्गे मुंबईला जाणार असल्याची माहिती पोलिसांना मिळाली. सीताबर्डी पोलिसांचे पथक इटारसी येथे गेले. मात्र ही टोळी बिहारला गेल्याचे पोलिसांना कळले. पोलिस त्यांचा मागावर असतानाच टोळी छत्तीसगडमधील अम्बिकापूर येथे असल्याची माहिती मिळाली. पोलिस तेथे पोहोचले. पोलिसांनी शोध घेऊन हमायून याला अटक केली. सूत्रधार सलमान याच्यासह तिघे बुढार येथे असल्याचे त्याने सांगितले. पथक बुढार येथे पोहोचले. तिघेही गच्चीवर होते. पोलिसांनी छापा टाकताच तिघांनी छतावरून उडी घेतली. पळायला लागले. पोलिसांनी त्यांचा पाठलाग सुरू केला. जाफरी याचा पंकज रामटेके यांनी पाठलाग केला. सुमारे अर्धा किलो मीटरपर्यंत पाठलाग करून रामटेके यांनी जाफरीला पकडले. त्याने सुटण्यासाठी झटापट केली. याचदरम्यान रामटेके यांच्या हाताला मार लागला. ते जखमी झाले. त्यानंतरही त्यांनी त्याला सोडले नाही. सहकारी तेथे पोहोचले. त्यांनी जाफरीला अटक केली. त्याच्याकडे दागिन्यांची पिशवी आढळली. दोघांना घेऊन पोलिसांचे पथक नागपुरात आले. दोघांची २५ मेपर्यंत पोलिस कोठडी घेण्यात आली आहे.
१२ भाषा अवगत
बुढार येथील ही टोळी दागिन्यांची वाटणी करण्याच्या तयारीत होती. याचवेळी पोलिसांनी जाफरी याला पकडले. या टोळीतील चोरट्यांना मराठी, हिंदी, बंगाली, बिहारी आदी भांषांसह तब्बल १२ भाषा अवगत आहेत. त्यामुळे ते सहजरित्या नागपुरात ज्येष्ठ नागरिकांची फसवणूक करीत होते. शरीरयष्टी असल्याने त्यांच्यावर कोणाचाही संशय येत नव्हता. सुरुवातील दोघे मोटरसायकलवर यायचे. पोलिस असल्याची बतावणी करून समोर तपासणी सुरू असल्याचे सांगायचे. काही वेळाने टोळीतील अन्य दोघे मोटरसायकलवर यायचे. काही अंतरावर पोलिस तपासणी करीत असल्याचे सांगायचे. त्यामुळे नागरिकांचा विश्वास बसायचा. दिशाभूल करून ही टोळी ज्येष्ठांचे दागिने लंपास करीत होती. ते नागपुरात कुठे वास्तव्यास होते, त्यांनी मोटरसायकली कुठून आणल्या, याचा तपास पोलिस करीत आहे.
नऊ गुन्हे उघडकीस
या टोळीतील दोघांकडून आतापर्यंत एकूण नऊ गुन्हे उघडकीस आणण्यात सीताबर्डी पोलिसांना यश आले आहे. यात सीताबर्डीतील तीन, अंबाझरी ,बेलतरोडी व हुडकेश्वर पोलिस स्टेशनमधील प्रत्येकी दोन गुन्हे उघडकीस आले आहेत. पोलिसांनी दोघांकडून सहा मंगळसूत्र, सात नेकलेस, ५४ अंगठ्या, ७ सोनसाखळी, चार बांगड्या, चार पाटल्या, ब्रेसलेट, २९ कानातले डुल आदी सोन्याचे दागिने जप्त केले.
.....