म. टा. प्रतिनिधी, नागपूर
पशुपक्ष्यांच्या संवर्धनासाठी काम करणाऱ्या डब्लूओआरआरसी संघटनेतर्फे नुकताच नि:शुल्क जलकुंड वितरणाचा उपक्रम राबविण्यात आला.
दरवर्षीच उन्हाची तीव्रता वाढली की पाणी न मिळाल्याने अनेक प्राणी प्राणाला मुकतात. त्यामुळे संस्थेचे स्वप्निल बोधाने यांनी सोशल मीडियामधून लोकांना यासाठी पुढे येण्याचे आवाहन केले होते. त्याला अनेक पशुप्रेमींनी प्रतिसाद दिले. सिमेंट वर्क आर्टिस्ट उत्तमसिंग ठाकूर यांनी सिमेंटचे १६० जलकुंभ तयार केले. नीलेश रामटेके, ऋतुजा काकडे, स्वप्निल बोधाने यांनी ते रंगवून आकर्षक केले. अजय तिरपुड़े, संजय टोपरे, पल्लवी ढाले, पीयूष आकरे, कृतल आकरे, कल्याणी नागलकर यांनीही या उपक्रमासाठी सहकार्य केले.
वाठोडा परिसरात या जलकुंभांचे नि:शुल्क वितरण करण्यात आले. पशुकल्याण अधिकारी अंजली वैद्यार यावेळी प्रमुख अतिथी होत्या. कार्यक्रमाला रती जैन, अंकित खलोडे, अजय तिरपुड़े, रजत वासनिक, एकांश ढोबळे, सौरभ पराये, दीपक बछेरे, आशिष राहेकवाड प्रभृती उपस्थित होते.
.....