नागपूर : पुण्याच्या फिल्म अॅण्ड टेलिव्हिजन इन्स्टिट्युट (एफटीआयआय) आणि कोलकाता येथील सत्यजित रे फिल्म अॅण्ड टेलिव्हिजन इन्स्टिट्युटमध्ये (एसआरएफटीआय) प्रवेशासाठी होणाऱ्या जॉइंट एंटरन्स टेस्ट (जेट) परीक्षेपूर्वी त्याची माहिती देण्यासाठीची कार्यशाळा नागपुरात रविवार, १३ जानेवारीला आयोजित करण्यात आली आहे. श्रद्धा हाउसमधील विवेकानंद सभागृहात सकाळी ११ ते दुपारी १ या वेळेत ही कार्यशाळा घेण्यात येईल. या कार्यशाळेत परीक्षेची तयारी, त्यात विचारण्यात येणारे प्रश्न व इतर महत्त्वाच्या बाबींची माहिती देण्यात येणार आहे. ही कार्यशाळा सर्वांसाठी खुली असून, त्यासाठी आधी कुठल्याही नोंदणीची आवश्यकता नसल्याचे कळवण्यात आले आहे. या दोन्ही संस्था केंद्र सरकारच्या माहिती व प्रसारण मंत्रालयाअंतर्गत येतात. २०१९ या वर्षात होणारी जेट परीक्षा तीन तासांची असून ती देशभरातील २६ केंद्रांवर घेण्यात येणार आहे.
एफटीआयआय प्रवेश; उद्या मार्गदर्शन
पुण्याच्या फिल्म अॅण्ड टेलिव्हिजन इन्स्टिट्युट (एफटीआयआय) आणि कोलकाता येथील सत्यजित रे फिल्म अॅण्ड टेलिव्हिजन इन्स्टिट्युटमध्ये (एसआरएफटीआय) ...
30 12 Jan 2019, 4:00 am