नागपूर : देहव्यापार प्रकरणात जामीन मिळवून देणे व कारवाई न करण्यासाठी १५ हजार रुपयांची लाच घेणारा, सीताबर्डी पोलिस स्टेशनमधून फरार लाचखोर पंटर रजत सुभाष ठाकूर (वय २९, रा. म्हाडा कॉलनी, एमआयडीसी) याचा कसून शोध सुरू आहे. गुन्हेशाखा व सीताबर्डी पोलिस त्याच्या मागावर असून, लवकरच त्याला हुडकून काढू व जेरबंद करू, अशी ग्वाही सीताबर्डी पोलिस स्टेशनचे वरिष्ठ पोलिस निरीक्षक जग्वेंद्रसिंग राजपूत यांनी सोमवारी पत्रपरिषदेत दिली. ते म्हणाले, 'संपूर्ण यंत्रणा ठाकूरचा शोध घेत आहे. हायटेक पद्धतीनेही त्याचा माग काढण्यात येत आहे. तो कोठे-कोठे लपू शकतो, याची माहिती घेऊन त्याठिकाणी छापे टाकण्यात येत आहेत. त्याच्या नातेवाइकांचीही कसून चौकशी करण्यात येत आहे. २३ एप्रिलला एसीबीच्या पथकाने १५ हजार रुपयांची लाच घेताना ठाकूरला रंगेहाथ अटक केली होती. त्याला सीताबर्डी पोलिस स्टेशनमध्ये नेले. अटकेच्या दस्तऐवजाची पूर्तता सुरू असतानाच ठाकूर हा संधी साधून पोलिस स्टेशनमधून फरार झाला होता.'
‘फरार पंटरला हुडकून काढू’
देहव्यापार प्रकरणात जामीन मिळवून देणे व कारवाई न करण्यासाठी १५ हजार रुपयांची लाच घेणारा, सीताबर्डी पोलिस स्टेशनमधून फरार लाचखोर पंटर रजत सुभाष ठाकूर ...
MT 14 May 2019, 4:00 am