म.टा.प्रतिनिधी, नागपूर
चाचण्यांची संख्या, बेडची उपलब्धता, रुग्णवाहिका, कोव्हिड केअर सेंटर आणि इतर बाबी समाधानकारक असल्या तरी पुढील काही दिवसांत आणखी रुग्णांची संख्या वाढण्याची शक्यता आहे. त्याची चिंता न करता रुग्णांना उपचार मिळवून देणे, त्यांचे कॉन्टॅक्ट ट्रेसिंग आणि इतर सर्व बाबींचे व्यवस्थापन कसे करता येईल, याकडे लक्ष द्या, अशी सूचना माजी मुख्यमंत्री व विधानसभेचे विरोधी पक्षनेते देवेंद्र फडणवीस यांनी सोमवारी महापालिकेला केली. तसेच कोव्हिड संदर्भातील महापालिकेच्या कार्यात अजून सुधारणा आवश्यक असल्याचेही त्यांनी स्पष्ट केले.
करोना परिस्थितीचा आढावा घेण्यासाठी फडणवीस नागपुरात आले होते. यावेळी महापालिकेच्या मुख्यालयात झालेल्या बैठकीत त्यांनी महापालिका प्रशासनाला विविध सूचना केल्या. एक हजार किंवा त्याहून अधिक बेडचे व्यवस्थापन करताना अनेक अडचणी येण्याची शक्यता आहे. अशाठिकाणी रुग्णांना योग्य सेवा मिळणे शक्य होणार नाही. त्यामुळे इतक्या मोठ्या हॉस्पिटलऐवजी २०० ते ३०० बेडची लहान रुग्णालये उभारण्यात यावीत, असे मत त्यांनी व्यक्त केले. शहरातील रिकाम्या इमारतींचा वापर करता आल्यास त्यादृष्टीने विचार करण्यात यावा, याठिकाणी रुग्णांना चांगली सेवा देणे सोयीचे ठरू शकते, असेही त्यांनी यावेळी सुचवले. बैठकीला महापौर संदीप जोशी, आयुक्त राधाकृष्णन बी., माजी मंत्री चंद्रशेखर बावनकुळे, आमदार गिरीश व्यास, नागो गाणार, कृष्णा खोपडे, विकास कुंभारे, उपमहापौर मनीषा कोठे, स्थायी समिती सभापती विजय ऊर्फ पिंटू झलके, सत्तापक्षनेते संदीप जाधव, ज्येष्ठ नगरसेवक दयाशंकर तिवारी, अतिरिक्त आयुक्त जलज शर्मा, राम जोशी, संजय निपाणे, उपायुक्त निर्भय जैन, प्रभारी उपायुक्त अमोल चौरपगार, वैद्यकीय आरोग्य अधिकारी डॉ. संजय चिलकर, वैद्यकीय अधिकारी डॉ. भावना सोनकुसळे, टाटा ट्रस्टचे डॉ. टिकेश बिसेन आदी उपस्थित होते.
बेडच्या उपलब्धतेचे 'एसएमएस' पाठवा!
रुग्ण पॉझिटिव्ह आल्यानंतर ते मनपाच्या नियंत्रण कक्षात बेडच्या उपलब्धतेसाठी फोन करतात. त्यांची संबंधित रुग्णालयांची माहिती दिली जाते. प्रत्यक्षात हॉस्पिटलमध्ये गेल्यानंतर त्यांना परत पाठविण्याचा प्रकार घडतो. यावर उपाय म्हणून 'एसएमएस' प्रणाली अमलात आणावी, अशीही सूचना फडणवीस यांनी केली.
चाचण्यांची संख्या, बेडची उपलब्धता, रुग्णवाहिका, कोव्हिड केअर सेंटर आणि इतर बाबी समाधानकारक असल्या तरी पुढील काही दिवसांत आणखी रुग्णांची संख्या वाढण्याची शक्यता आहे. त्याची चिंता न करता रुग्णांना उपचार मिळवून देणे, त्यांचे कॉन्टॅक्ट ट्रेसिंग आणि इतर सर्व बाबींचे व्यवस्थापन कसे करता येईल, याकडे लक्ष द्या, अशी सूचना माजी मुख्यमंत्री व विधानसभेचे विरोधी पक्षनेते देवेंद्र फडणवीस यांनी सोमवारी महापालिकेला केली. तसेच कोव्हिड संदर्भातील महापालिकेच्या कार्यात अजून सुधारणा आवश्यक असल्याचेही त्यांनी स्पष्ट केले.
करोना परिस्थितीचा आढावा घेण्यासाठी फडणवीस नागपुरात आले होते. यावेळी महापालिकेच्या मुख्यालयात झालेल्या बैठकीत त्यांनी महापालिका प्रशासनाला विविध सूचना केल्या. एक हजार किंवा त्याहून अधिक बेडचे व्यवस्थापन करताना अनेक अडचणी येण्याची शक्यता आहे. अशाठिकाणी रुग्णांना योग्य सेवा मिळणे शक्य होणार नाही. त्यामुळे इतक्या मोठ्या हॉस्पिटलऐवजी २०० ते ३०० बेडची लहान रुग्णालये उभारण्यात यावीत, असे मत त्यांनी व्यक्त केले. शहरातील रिकाम्या इमारतींचा वापर करता आल्यास त्यादृष्टीने विचार करण्यात यावा, याठिकाणी रुग्णांना चांगली सेवा देणे सोयीचे ठरू शकते, असेही त्यांनी यावेळी सुचवले. बैठकीला महापौर संदीप जोशी, आयुक्त राधाकृष्णन बी., माजी मंत्री चंद्रशेखर बावनकुळे, आमदार गिरीश व्यास, नागो गाणार, कृष्णा खोपडे, विकास कुंभारे, उपमहापौर मनीषा कोठे, स्थायी समिती सभापती विजय ऊर्फ पिंटू झलके, सत्तापक्षनेते संदीप जाधव, ज्येष्ठ नगरसेवक दयाशंकर तिवारी, अतिरिक्त आयुक्त जलज शर्मा, राम जोशी, संजय निपाणे, उपायुक्त निर्भय जैन, प्रभारी उपायुक्त अमोल चौरपगार, वैद्यकीय आरोग्य अधिकारी डॉ. संजय चिलकर, वैद्यकीय अधिकारी डॉ. भावना सोनकुसळे, टाटा ट्रस्टचे डॉ. टिकेश बिसेन आदी उपस्थित होते.
बेडच्या उपलब्धतेचे 'एसएमएस' पाठवा!
रुग्ण पॉझिटिव्ह आल्यानंतर ते मनपाच्या नियंत्रण कक्षात बेडच्या उपलब्धतेसाठी फोन करतात. त्यांची संबंधित रुग्णालयांची माहिती दिली जाते. प्रत्यक्षात हॉस्पिटलमध्ये गेल्यानंतर त्यांना परत पाठविण्याचा प्रकार घडतो. यावर उपाय म्हणून 'एसएमएस' प्रणाली अमलात आणावी, अशीही सूचना फडणवीस यांनी केली.