म. टा. प्रतिनिधी, नागपूर
राष्ट्रीय स्वयंसेवक संघाचे सरसंघचालक डॉ. मोहन भागवत यांच्या वाढदिवसानिमित्त केंद्रीय रस्ते वाहतूक मंत्री नितीन गडकरी यांनी मंगळवारी संघ मुख्यालयात भेट घेऊन अभिष्टचिंतन केले. अमेरिकेत शिकागो येथे झालेल्या विश्व हिंदू संमेलनात सहभागी होऊन सरसंघचालक सोमवारी परतले. हिंदू संमेलन आणि भाजपच्या राष्ट्रीय कार्यकारिणीनंतर सरसंघचालकांची भेट घेणाऱ्या भाजप नेत्यांमध्ये गडकरी पहिले नेते आहेत. उभय नेत्यांमध्ये सुमारे पाऊण तास चर्चा झाली.