म. टा. प्रतिनिधी, नागपूर
महापालिकेच्यावतीने करोनाबाधितांसाठी सुरू असलेल्या विलगीकरण केंद्रावर कार्यरत असलेल्या ६४ सुरक्षारक्षकांना कामावरून काढून टाकण्याच्या निषेधार्थ जय जवान जय किसान संघटनेच्यावतीने शुक्रवारी महापालिका मुख्यालयासमोर निदर्शने करण्यात आली. या सर्व सुरक्षारक्षकांना सोमवारपर्यंत कामावर परत न घेतल्यास महापालिकेसमोर बेमुदत उपोषण करण्याचा इशारा संघटनेचे अध्यक्ष प्रशांत पवार यांनी यावेळी दिला.
महापालिकेत गेल्या २० वर्षांपासून सुपर सीक्युरिटी, किशोर सीक्युरिटी, युनिटी सीक्युरिटी या सुरक्षारक्षक एजन्सीजद्वारे २९० सुरक्षारक्षकांची नियुक्ती करण्यात आली होती. नियमानुसार, या एजन्सीद्वारे कामगारांच्या बँक खात्यांमध्ये किमान वेतनानुसार १४ हजार ८२४ रुपये जमा करण्यात येतात. मात्र, एजन्सीचे सुपरवायझरद्वारे अर्धा पगार रोख रकमेच्या स्वरूपात परत घेतला जातो. रक्कम दिली नाही तर कामावरून कमी करण्याची धमकी दिली जाते. यासंदर्भात संघटनेतर्फे जुलै महिन्यात महापालिका आयुक्त तुकाराम मुंढे यांना निवेदन देण्यात आले. मात्र, अचानकपणे १ ऑगस्टपासून नव्या एजन्सीद्वारे निविदा प्रक्रिया दाखवत तिन्ही एजन्सीजच्या ६४ सुरक्षारक्षकांना कामावरून कमी करण्यात आले.
महापालिकेच्यावतीने करोनाबाधितांसाठी सुरू असलेल्या विलगीकरण केंद्रावर कार्यरत असलेल्या ६४ सुरक्षारक्षकांना कामावरून काढून टाकण्याच्या निषेधार्थ जय जवान जय किसान संघटनेच्यावतीने शुक्रवारी महापालिका मुख्यालयासमोर निदर्शने करण्यात आली. या सर्व सुरक्षारक्षकांना सोमवारपर्यंत कामावर परत न घेतल्यास महापालिकेसमोर बेमुदत उपोषण करण्याचा इशारा संघटनेचे अध्यक्ष प्रशांत पवार यांनी यावेळी दिला.
महापालिकेत गेल्या २० वर्षांपासून सुपर सीक्युरिटी, किशोर सीक्युरिटी, युनिटी सीक्युरिटी या सुरक्षारक्षक एजन्सीजद्वारे २९० सुरक्षारक्षकांची नियुक्ती करण्यात आली होती. नियमानुसार, या एजन्सीद्वारे कामगारांच्या बँक खात्यांमध्ये किमान वेतनानुसार १४ हजार ८२४ रुपये जमा करण्यात येतात. मात्र, एजन्सीचे सुपरवायझरद्वारे अर्धा पगार रोख रकमेच्या स्वरूपात परत घेतला जातो. रक्कम दिली नाही तर कामावरून कमी करण्याची धमकी दिली जाते. यासंदर्भात संघटनेतर्फे जुलै महिन्यात महापालिका आयुक्त तुकाराम मुंढे यांना निवेदन देण्यात आले. मात्र, अचानकपणे १ ऑगस्टपासून नव्या एजन्सीद्वारे निविदा प्रक्रिया दाखवत तिन्ही एजन्सीजच्या ६४ सुरक्षारक्षकांना कामावरून कमी करण्यात आले.