लकडगंजमधील खळबळजनक घटना
म. टा. प्रतिनिधी, नागपूर
घरमालकाने भाडेकरू असलेल्या नऊ वर्षीय जुळ्या बहिणींवर अत्याचार केल्याचा खळबळजनक प्रकार लकडगंज भागात उघडकीस आला. पोलिसांनी अत्याचार आणि बाल लैंगिक अत्याचार प्रतिबंधक कायद्यान्वये गुन्हा दाखल करून घरमालकाला अटक केली आहे. भाग्यवान श्यामराव चव्हाण (४८), असे अटकेतील घरमालकाचे नाव आहे. तो इलेक्ट्रिक फिटिंगचे काम करतो. तो पत्नी, मुलगा व मुलीसह राहातो. त्याच्या घरी पीडित मुलीचे कुटुंब राहाते. मुलींचे वडील स्टील पॉलिशचे काम करीत असून आई आईस्क्रिम पार्लरमध्ये काम करते.
गत काही दिवसापासून भाग्यवान घरी होता. घरी कुणी नसताना तो दोघींनी स्वत:च्या घरी बोलवायचा. दोघींची आंघोळ करून त्यांच्याशी अश्लील चाळे करायचा. याबाबत कोणाला सांगितल्यास ठार मारण्याची धमकी देता होता. मंगळवारी सायंकाळीही त्याने दोघींशी अश्लील चाळे केले. त्यांची आंघोळ घातली. पीडित मुलींची आई घरी आली. दोघी आंघोळ केलेल्या दिसल्या. आईने दोघींना विचारणा केली. अन्य पाच वर्षांच्या लहान मुलीने बाजूला राहणाऱ्या काकाने दोघींना आंघोळ घालून देण्याचे सांगितले. त्यानंतर पीडित मुलींनी काका अश्लील चाळे करीत असल्याचे सांगितले. पीडित मुलींसह आईने लकडगंज पोलिस स्टेशन गाठून तक्रार दिली. पोलिसांनी अत्याचाराचा गुन्हा दाखल केला. वरिष्ठ पोलिस निरीक्षक संतोष खांडेकर यांच्या मार्गदर्शनाखाली पोलिसांनी भाग्यवान याला अटक केली.