म.टा. विशेष प्रतिनिधी, नागपूर
बसपाच्या सर्वेसर्वा मायावती यांनी महाराष्ट्रातील प्रभारींमध्ये केलेल्या बदलानंतर पक्ष पदाधिकाऱ्यांमध्येही मोठ्या प्रमाणात बदल करण्यात येत आहेत. त्यानुसार नगरसेवक जितेंद्र घोडेस्वार यांच्याकडे प्रदेश महासचिव बनविण्यात आले आहे. त्यांनाच नागपूर जिल्हा 'इंचार्ज' करण्यात आले आहे. उषा बौद्ध यांनाही प्रदेश महासचिव करण्यात आले. शहराध्यक्ष पदाची जबाबदारी महेश सहारे यांच्याकडे देण्यात आली आहे. जिल्हाध्यक्षपदी पुन्हा विलास सोमकुंवर यांची नियुक्ती करण्यात आली आहे.
पक्षाचे राष्ट्रीय महासचिव व प्रदेश प्रभारी रामअचल राजभर, खासदार डॉ. अशोक सिद्धार्थ, प्रदेशाध्यक्ष सुरेश साखरे यांच्या निर्देशाप्रमाणे प्रदेश महासचिव व झोन समन्वयक मंगेश ठाकरे, जितेंद्र म्हैसकर, प्रदेश महासचिव प्रा. भाऊ गोंडाणे यांनी जिल्हा, भाईचारा व शहर कार्यकारिणीची घोषणा केली. यानुसार नागपूर जिल्हा कार्यकरिणी�&x1f490;जिल्हा भाईचार कमेटीची जबाबदारी नगरसेवक मोहम्मद इब्राहीम टेलर यांच्याकडे देण्यात आली. आदिवासी भाईचारा संदीप खडसन, चर्मकार भाईचारा अमित सिंह, हलबा भाईचारा गोपाल खंबाळकर, गोवारी भाईचारा भगवान गोंडे, तेली भाईचारा राजू चांदेकर, कलार भाईचारा सुरेश आदमने, वाल्मिकी भाईचारा धनराज घडयाळ, ब्राह्मण भाईचारा कमेटीवर त्रिभुवन तिवारी यांची नियुक्ती करण्यात आली.
अशी आहे शहर कार्यकारिणी
शहर कार्यकारिणीत उपाध्यक्षपदी माजी नगरसेवक अभिषेक शंभरकर, महासचिव नितीन शिंगाडे, कोषाध्यक्ष विनोद मेश्राम, सचिव सुरेन्द्र डोंगरे, सदस्यांत मुकेश मेश्राम, चंद्रशेखर भंडारे, सुनंदा नितनवरे, शशांक डोंगरे, उमेश मेश्राम, कुलदीप लोखंडे यांचा समावेश करण्यात आला.