म.टा. प्रतिनिधी, नागपूर
पत्नीवर गोळीबार करून तिला ठार मारल्यानंतर पतीनेही गोळी झाडून आत्महत्या केली. अनैतिक संबंधातून ही थरारक घटना दत्तात्रयनगर भागात मंगळवारी रात्री घडली. मीना नागपुरे (वय ४०) व रवींद्र हरिराम नागपुरे (वय ४७) अशी मृतकांची नावे आहेत.
पोलिसांनी दिलेल्या माहितीनुसार, मानेवाडा मार्गावर रवींद्र यांचे इंद्रायणी फर्निचर नावाची दुकान आहे. रवींद्र यांचे परिसरात राहणाऱ्या एका महिलेसोबत अनैतिक संबंध होते. त्यामुळे रवींद्र यांनी कुटुंब व व्यापाराकडे दुर्लक्ष केले. रवींद्र यांच्या अनैतिक संबंधामुळे मीना या मुलगा अनिकेत याच्यासह दत्तात्रयनगर येथील भाड्याच्या घरात वेगळ्या राहात होत्या. तर लहान मुलगा रिवांश हा रवींद्र यांच्या भावाकडे राहतो. एप्रिल महिन्यात रवींद्र यांनी घर गहाण ठेऊन बँकेतून ५० लाखांचे कर्ज घेतले. कर्जाचे हप्ते न दिल्याने बँकेचे अधिकारी मीना यांच्या घरी आले. यावेळी रवींद्र यांनी ५० लाखांचे कर्ज काढल्याचे मीना यांना कळले. अनैतिक संबंध, वरून ५० लाखांचे कर्ज यामुळे रवींद्र व मीना यांच्यात सतत वाद होत होते. मंगळवारी रात्री १०.४५ वाजताच्या सुमारास रवींद्र हे मीना यांच्याकडे आले. अनिकेतला ५०० रुपये देत बाहेर जेवण करण्यास जायला सांगितले. 'शिकवणीवर्गाचे शुल्क भरण्यासाठी सात हजार रुपये देत नाहीत व जेवायला ५०० रुपये देता', असे अनिकेत हा रवींद्र यांना म्हणाला. त्यानंतर रवींद्र यांनी अनिकेतला दहा हजार रुपये दिले. अनिकेत घराबाहेर गेला. रवींद्र यांनी मीना यांच्या दिशेने पिस्तूल रोखून गोळी झाली. गोळी मीना यांच्या छातीत घुसली. आरडाओरड करीत कशाबशा मीना घराबाहेर आल्या. दरवाजा बाहेरून बंद केला. रवींद्र यांनी गोळी झाडल्याचे मीना यांनी अनिकेत याला सांगितले. आवाजाने नागरिकांनी धाव घेतली. याचदरम्यान रवींद्र यांनीही स्वत:वर गोळी झाडली. घटनेची माहिती मिळताच सक्करदरा पोलिसांचा ताफा तेथे पोहोचला. पोलिसांनी दोघांना मेडिकलमध्ये दाखल केले. डॉक्टरांनी तपासून मीना यांना मृत घोषित केले. पहाटे ३ वाजताच्या सुमारास उपचारादरम्यान रवींद्र यांचाही मृत्यू झाला. याप्रकरणी सक्करदरा पोलिसांनी हत्येचा गुन्हा दाखल केला आहे.
पत्नीवर गोळीबार करून तिला ठार मारल्यानंतर पतीनेही गोळी झाडून आत्महत्या केली. अनैतिक संबंधातून ही थरारक घटना दत्तात्रयनगर भागात मंगळवारी रात्री घडली. मीना नागपुरे (वय ४०) व रवींद्र हरिराम नागपुरे (वय ४७) अशी मृतकांची नावे आहेत.
पोलिसांनी दिलेल्या माहितीनुसार, मानेवाडा मार्गावर रवींद्र यांचे इंद्रायणी फर्निचर नावाची दुकान आहे. रवींद्र यांचे परिसरात राहणाऱ्या एका महिलेसोबत अनैतिक संबंध होते. त्यामुळे रवींद्र यांनी कुटुंब व व्यापाराकडे दुर्लक्ष केले. रवींद्र यांच्या अनैतिक संबंधामुळे मीना या मुलगा अनिकेत याच्यासह दत्तात्रयनगर येथील भाड्याच्या घरात वेगळ्या राहात होत्या. तर लहान मुलगा रिवांश हा रवींद्र यांच्या भावाकडे राहतो. एप्रिल महिन्यात रवींद्र यांनी घर गहाण ठेऊन बँकेतून ५० लाखांचे कर्ज घेतले. कर्जाचे हप्ते न दिल्याने बँकेचे अधिकारी मीना यांच्या घरी आले. यावेळी रवींद्र यांनी ५० लाखांचे कर्ज काढल्याचे मीना यांना कळले. अनैतिक संबंध, वरून ५० लाखांचे कर्ज यामुळे रवींद्र व मीना यांच्यात सतत वाद होत होते. मंगळवारी रात्री १०.४५ वाजताच्या सुमारास रवींद्र हे मीना यांच्याकडे आले. अनिकेतला ५०० रुपये देत बाहेर जेवण करण्यास जायला सांगितले. 'शिकवणीवर्गाचे शुल्क भरण्यासाठी सात हजार रुपये देत नाहीत व जेवायला ५०० रुपये देता', असे अनिकेत हा रवींद्र यांना म्हणाला. त्यानंतर रवींद्र यांनी अनिकेतला दहा हजार रुपये दिले. अनिकेत घराबाहेर गेला. रवींद्र यांनी मीना यांच्या दिशेने पिस्तूल रोखून गोळी झाली. गोळी मीना यांच्या छातीत घुसली. आरडाओरड करीत कशाबशा मीना घराबाहेर आल्या. दरवाजा बाहेरून बंद केला. रवींद्र यांनी गोळी झाडल्याचे मीना यांनी अनिकेत याला सांगितले. आवाजाने नागरिकांनी धाव घेतली. याचदरम्यान रवींद्र यांनीही स्वत:वर गोळी झाडली. घटनेची माहिती मिळताच सक्करदरा पोलिसांचा ताफा तेथे पोहोचला. पोलिसांनी दोघांना मेडिकलमध्ये दाखल केले. डॉक्टरांनी तपासून मीना यांना मृत घोषित केले. पहाटे ३ वाजताच्या सुमारास उपचारादरम्यान रवींद्र यांचाही मृत्यू झाला. याप्रकरणी सक्करदरा पोलिसांनी हत्येचा गुन्हा दाखल केला आहे.