म.टा. प्रतिनिधी, नागपूर
२०१८ला निरोप देण्यासाठी आणि २०१९ या नववर्षांचे स्वागत करण्यासाठी आता अवघे दोन दिवस शिल्लक आहेत. त्यामुळे घर, हॉटेल्स, क्लब, शेत यांसारख्या ठिकाणी खास पार्ट्यांचे बेतही अनेकांनी आखले आहेत. नववर्षांच्या स्वागताच्या निमित्ताने खास पेय म्हणून अनेकांकडून मद्याचा वापर करण्यात येतो. कौटुंबिक कार्यक्रम जरी असला तरी मद्याचा वापर होत असल्यास राज्य उत्पादन शुल्क विभागाची परवानगी घेणे आवश्यक आहे. अन्यथा कारागृहाची हवा खाण्याची वेळ येऊ शकते.
नववर्षाच्या स्वागताचा क्षण संस्मरणीय ठरण्यासाठी जय्यत तयारी करण्यात आली आहे. हॉटेल्सकडूनही खास पॅकेज दिले जात आहेत. यासह विविध ठिकाणी मोठमोठ्या पार्ट्यांचेही आयोजन करण्यात आले आहे. नववर्षांच्या पार्ट्या म्हटले की मद्याचा वापर होत असतो. अशी, पार्टी करायची असेल आणि त्यात मद्याचा वापर होत असेल तर त्यासाठी राज्य उत्पादन शुल्क विभागाकडून परवानगी घेणे आवश्यक आहे. मद्य बाळगण्याचा परवाना नसल्यास अशा पार्ट्यांवर कारवाई करण्यात येणार असल्याचे राज्य उत्पादन शुल्क विभागाकडून कळविण्यात आले आहे.
-तर पाच वर्षांपर्यंतची शिक्षा!
कायद्याचे उल्लंघन करून पार्ट्या आयोजित करण्यात येत असतील तर आयोजकाला ३ ते ५ वर्षांपर्यंत शिक्षा आणि २५ हजार ते ५० हजार रुपयांपर्यंतचा दंड आकारण्याची तरतूद कायद्यात आहे. त्यामुळे कायद्याचे पालन करा, असे आवाहन उत्पादन शुल्क विभागाच्या अधीक्षक स्वाती काकडे यांनी केले.
८ पथक ठेवणार नजर
रविवारीही कार्यालय सुरूच राहणार आहे. त्यामुळे रविवारीही परवानगी देण्यात येणार आहे. ज्यांनी परवानगी न घेता मद्यपार्टी केली त्यांच्यावर कारवाई करण्यात येणार असल्याचे उत्पादन शुल्क विभागाकडून सांगण्यात आले. मध्यप्रदेशातून अवैध मद्यसाठी येण्याची शक्यता वर्तविली जात आहे. यावर नजर ठेवण्यासाठी राज्य उत्पादनशुल्क विभागाने ८ पथक तयार केले आहेत.
आजही कार्यालय सुरू
मद्यपार्ट्या करण्यासाठी राज्य उत्पादनशुल्क विभागाची परवानगी घ्यावी लागते. आतापर्यंत नागपूर उत्पादन शुल्क विभागाकडे १५ पेक्षा अधिक अर्ज आले आहे. दोन दिवस बाकी असल्याने या दोन दिवसांत पार्ट्यांची संख्या अधिक वाढू शकते.
असे आकारणार शुल्क
सामाजिक कार्यक्रम, कौटुंबिक कार्यक्रमात मद्याचा वापर होत असेल तर त्यासाठी ३ हजारापासून ते १० हजार रुपयांपर्यंत शुल्क आकारले जाणार आहे. यातही त्या भागातील लोकसंख्या किती आहे, यानुसार शुल्क कमी जास्त आहेत. मात्र व्यावसायिक उद्देशाने कार्यक्रमाचे आयोजन केले असेल तर २० हजार रुपये शुल्क आकारले जाणार आहे. हॉटेलमधील परमीट रूमच्या बाहेर लॉनमध्ये मद्याचा वापर होत असेल तरी त्यांनी स्वतंत्र परवानगी घ्यावी लागेल असे राज्य उत्पादन शुल्क विभागाकडून सांगण्यात आले.
२०१८ला निरोप देण्यासाठी आणि २०१९ या नववर्षांचे स्वागत करण्यासाठी आता अवघे दोन दिवस शिल्लक आहेत. त्यामुळे घर, हॉटेल्स, क्लब, शेत यांसारख्या ठिकाणी खास पार्ट्यांचे बेतही अनेकांनी आखले आहेत. नववर्षांच्या स्वागताच्या निमित्ताने खास पेय म्हणून अनेकांकडून मद्याचा वापर करण्यात येतो. कौटुंबिक कार्यक्रम जरी असला तरी मद्याचा वापर होत असल्यास राज्य उत्पादन शुल्क विभागाची परवानगी घेणे आवश्यक आहे. अन्यथा कारागृहाची हवा खाण्याची वेळ येऊ शकते.
नववर्षाच्या स्वागताचा क्षण संस्मरणीय ठरण्यासाठी जय्यत तयारी करण्यात आली आहे. हॉटेल्सकडूनही खास पॅकेज दिले जात आहेत. यासह विविध ठिकाणी मोठमोठ्या पार्ट्यांचेही आयोजन करण्यात आले आहे. नववर्षांच्या पार्ट्या म्हटले की मद्याचा वापर होत असतो. अशी, पार्टी करायची असेल आणि त्यात मद्याचा वापर होत असेल तर त्यासाठी राज्य उत्पादन शुल्क विभागाकडून परवानगी घेणे आवश्यक आहे. मद्य बाळगण्याचा परवाना नसल्यास अशा पार्ट्यांवर कारवाई करण्यात येणार असल्याचे राज्य उत्पादन शुल्क विभागाकडून कळविण्यात आले आहे.
-तर पाच वर्षांपर्यंतची शिक्षा!
कायद्याचे उल्लंघन करून पार्ट्या आयोजित करण्यात येत असतील तर आयोजकाला ३ ते ५ वर्षांपर्यंत शिक्षा आणि २५ हजार ते ५० हजार रुपयांपर्यंतचा दंड आकारण्याची तरतूद कायद्यात आहे. त्यामुळे कायद्याचे पालन करा, असे आवाहन उत्पादन शुल्क विभागाच्या अधीक्षक स्वाती काकडे यांनी केले.
८ पथक ठेवणार नजर
रविवारीही कार्यालय सुरूच राहणार आहे. त्यामुळे रविवारीही परवानगी देण्यात येणार आहे. ज्यांनी परवानगी न घेता मद्यपार्टी केली त्यांच्यावर कारवाई करण्यात येणार असल्याचे उत्पादन शुल्क विभागाकडून सांगण्यात आले. मध्यप्रदेशातून अवैध मद्यसाठी येण्याची शक्यता वर्तविली जात आहे. यावर नजर ठेवण्यासाठी राज्य उत्पादनशुल्क विभागाने ८ पथक तयार केले आहेत.
आजही कार्यालय सुरू
मद्यपार्ट्या करण्यासाठी राज्य उत्पादनशुल्क विभागाची परवानगी घ्यावी लागते. आतापर्यंत नागपूर उत्पादन शुल्क विभागाकडे १५ पेक्षा अधिक अर्ज आले आहे. दोन दिवस बाकी असल्याने या दोन दिवसांत पार्ट्यांची संख्या अधिक वाढू शकते.
असे आकारणार शुल्क
सामाजिक कार्यक्रम, कौटुंबिक कार्यक्रमात मद्याचा वापर होत असेल तर त्यासाठी ३ हजारापासून ते १० हजार रुपयांपर्यंत शुल्क आकारले जाणार आहे. यातही त्या भागातील लोकसंख्या किती आहे, यानुसार शुल्क कमी जास्त आहेत. मात्र व्यावसायिक उद्देशाने कार्यक्रमाचे आयोजन केले असेल तर २० हजार रुपये शुल्क आकारले जाणार आहे. हॉटेलमधील परमीट रूमच्या बाहेर लॉनमध्ये मद्याचा वापर होत असेल तरी त्यांनी स्वतंत्र परवानगी घ्यावी लागेल असे राज्य उत्पादन शुल्क विभागाकडून सांगण्यात आले.