म.टा. प्रतिनिधी, नागपूर
उराशी डॉक्टर होण्याचे स्वप्न बाळगून सातासमुद्रापार मॉस्कोला गेलेल्या विद्यार्थ्यांची करोनामुळे चांगलीच कोंडी झाली होती. तिथे राहावे तर संसर्गाची भीती आणि घरी परतावे म्हटले तर आंतरराष्ट्रीय विमानांची उड्डाणे बंद. अशाप्रसंगी केवळ व्हिडीओ कॉलवरून दररोज ख्यालीखुशाली विचारली जायची. मायदेशी कधी परतणार, असा एकच प्रश्न मनात होता. ही प्रतीक्षा बुधवारी मध्यरात्री संपली आणि मॉस्को येथे अडकलेले दोनशेपैकी १४५ विद्यार्थी नागपुरात परतले. त्यावेळी विद्यार्थी आणि त्यांच्या पालकांचे डोळे पाणावले होते. ममतेचा बांध फुटला होता, पण स्वत:ला सावरत पालकांनी या विद्यार्थ्यांना पुढील सात दिवस संस्थात्मक विलगीकरणासाठी (इन्स्टिट्युशनल क्वारन्टाइन) जाऊ दिले.
रशियातील मॉस्को येथे एमबीबीएस अभ्यासक्रमाला शिकणारे विदर्भातील दोनशे विद्यार्थी लॉकडाउनमुळे तेथेच अडकले होते. या विद्यार्थ्यांना भारतात परत आणण्यात यावे, यासाठी पालकांनी राष्ट्रवादी काँग्रेसचे आमदार प्रकाश गजभिये यांच्याशी संपर्क साधला. त्यानुसार गजभियेंनी मुख्यमंत्री उद्धव ठाकरे, गृहमंत्री अनिल देशमुख आणि खासदार सुप्रिया सुळे यांच्याकडे मागणी रेटून धरली. सरकारने दखल घेत रशियात अडकलेल्या भारतीय विद्यार्थ्यांना परत आणण्यासाठी वंदे भारत अभियानांतर्गत विशेष विमान पाठविण्याची तयारी दर्शविली. नियोजित वेळापत्रकानुसार, मॉस्को येथून एअर इंडियाचे विमान नागपूरच्या डॉ. बाबासाहेब आंबेडकर आंतरराष्ट्रीय विमानतळावर रात्री १२.१५ वाजता पोहोचले. त्यातून १४५ विद्यार्थी आले. यापैकी २५ विद्यार्थी मध्य प्रदेश, ४० विद्यार्थी छत्तीसगड येथील आहेत. तर उर्वरित नागपूर, बुलडाणा, अमरावती, अकोला, यवतमाळ, वर्धा, गडचिरोली, चंद्रपूर, गोंदिया व भंडारा या जिल्ह्यातील आहेत. या सर्व विद्यार्थ्यांच्या आगमनप्रसंगी आमदार प्रकाश गजभिये, उपजिल्हाधिकारी शेखर घाडगे, आरोग्य उपसंचालक कार्यालयाचे डॉ. सुधीर वाठ, मनोज नागपूरकर, कार्तिक सातपुते, संकेत नागपूरकर, गणेश पावडे, पंकज बोंद्रे, विजय गजभिये आदी उपस्थित होते.
हॉटेलमध्ये विलगीकरण
मॉस्कोहून आलेल्या सर्व विद्यार्थ्यांची वैद्यकीय तपासणी करण्यात आली. त्यांना हॉटेल सेंटर पॉइंट आणि हॉटेल प्राइड येथे विलगीकरणात ठेवण्यात आले आहे. हॉटेलमध्ये सात दिवस विलगीकरणात राहिल्यानंतर सात दिवस घरी विलगीकरणात राहणे अनिवार्य आहे. विदर्भातील अन्य विद्यार्थी दुसऱ्या टप्प्यात २३ जून रोजी येणार आहेत.
उराशी डॉक्टर होण्याचे स्वप्न बाळगून सातासमुद्रापार मॉस्कोला गेलेल्या विद्यार्थ्यांची करोनामुळे चांगलीच कोंडी झाली होती. तिथे राहावे तर संसर्गाची भीती आणि घरी परतावे म्हटले तर आंतरराष्ट्रीय विमानांची उड्डाणे बंद. अशाप्रसंगी केवळ व्हिडीओ कॉलवरून दररोज ख्यालीखुशाली विचारली जायची. मायदेशी कधी परतणार, असा एकच प्रश्न मनात होता. ही प्रतीक्षा बुधवारी मध्यरात्री संपली आणि मॉस्को येथे अडकलेले दोनशेपैकी १४५ विद्यार्थी नागपुरात परतले. त्यावेळी विद्यार्थी आणि त्यांच्या पालकांचे डोळे पाणावले होते. ममतेचा बांध फुटला होता, पण स्वत:ला सावरत पालकांनी या विद्यार्थ्यांना पुढील सात दिवस संस्थात्मक विलगीकरणासाठी (इन्स्टिट्युशनल क्वारन्टाइन) जाऊ दिले.
रशियातील मॉस्को येथे एमबीबीएस अभ्यासक्रमाला शिकणारे विदर्भातील दोनशे विद्यार्थी लॉकडाउनमुळे तेथेच अडकले होते. या विद्यार्थ्यांना भारतात परत आणण्यात यावे, यासाठी पालकांनी राष्ट्रवादी काँग्रेसचे आमदार प्रकाश गजभिये यांच्याशी संपर्क साधला. त्यानुसार गजभियेंनी मुख्यमंत्री उद्धव ठाकरे, गृहमंत्री अनिल देशमुख आणि खासदार सुप्रिया सुळे यांच्याकडे मागणी रेटून धरली. सरकारने दखल घेत रशियात अडकलेल्या भारतीय विद्यार्थ्यांना परत आणण्यासाठी वंदे भारत अभियानांतर्गत विशेष विमान पाठविण्याची तयारी दर्शविली. नियोजित वेळापत्रकानुसार, मॉस्को येथून एअर इंडियाचे विमान नागपूरच्या डॉ. बाबासाहेब आंबेडकर आंतरराष्ट्रीय विमानतळावर रात्री १२.१५ वाजता पोहोचले. त्यातून १४५ विद्यार्थी आले. यापैकी २५ विद्यार्थी मध्य प्रदेश, ४० विद्यार्थी छत्तीसगड येथील आहेत. तर उर्वरित नागपूर, बुलडाणा, अमरावती, अकोला, यवतमाळ, वर्धा, गडचिरोली, चंद्रपूर, गोंदिया व भंडारा या जिल्ह्यातील आहेत. या सर्व विद्यार्थ्यांच्या आगमनप्रसंगी आमदार प्रकाश गजभिये, उपजिल्हाधिकारी शेखर घाडगे, आरोग्य उपसंचालक कार्यालयाचे डॉ. सुधीर वाठ, मनोज नागपूरकर, कार्तिक सातपुते, संकेत नागपूरकर, गणेश पावडे, पंकज बोंद्रे, विजय गजभिये आदी उपस्थित होते.
हॉटेलमध्ये विलगीकरण
मॉस्कोहून आलेल्या सर्व विद्यार्थ्यांची वैद्यकीय तपासणी करण्यात आली. त्यांना हॉटेल सेंटर पॉइंट आणि हॉटेल प्राइड येथे विलगीकरणात ठेवण्यात आले आहे. हॉटेलमध्ये सात दिवस विलगीकरणात राहिल्यानंतर सात दिवस घरी विलगीकरणात राहणे अनिवार्य आहे. विदर्भातील अन्य विद्यार्थी दुसऱ्या टप्प्यात २३ जून रोजी येणार आहेत.