नागपूर : बोगस परीक्षार्थी व मूळ उत्तर पत्रिका बदलवून उत्तीर्ण करणाऱ्या टोळीचा सूत्रधार जुबेर उल्ला खान ऊर्फ जुबेर (रा. झिंगाबाई टाकळी) याच्या घरी जरीपटका पोलिसांनी छापा टाकून उत्तरपत्रिका व होलाग्राम जप्त केले. बुधवारी रात्री पोलिसांनी सूत्रधार जुबेर याला अटक केली. जुबेर सर म्हणून ओळखल्या जाणाऱ्या जुबेर याला पोलिसांनी गुरुवारी न्यायालयात हजर केले. न्यायालयाने त्याची १६ मार्चपर्यंत पोलिस कोठडीत रवानगी केली. पोलिस कोठडीत घेताच जरीपटका पोलिस स्टेशनचे वरिष्ठ पोलिस निरीक्षक पराग पोटे यांच्या नेतृत्वात पोलिसांच्या पथकाने जुबेरच्या घरी छापा टाकला. पोलिसांनी येथून १५ उत्तरप्रत्रिका व आठ होलोग्राम जप्त केले. या प्रकरणात पोलिसांनी अतुल ऊर्फ गुड्डू शिवमोहन अवस्थी, चंद्रकांत ऊर्फ चंदू नीलकंठ मते व अमन मुकेश मोटघरे या तिघांना अटक केली आहे. त्यांचीही १६ मार्चपर्यंत पोलिस कोठडी घेण्यात आली आहे. आता या प्रकरणात अटकेतील आरोपींची संख्या चार झाली असून, आणखीही काही जण पोलिसांच्या रडारवर आले आहेत. जुबेर हा या टोळीचा सूत्रधार आहे. परीक्षा मंडळातील अधिकारी व कर्मचाऱ्यांनी त्याला उत्तरपत्रिका पुरविल्या का? याचाही शोध जरीपटका पोलिस घेत आहेत.
जुबेरच्या घरावर छापा; उत्तरपत्रिका, होलोग्राम जप्त
बोगस परीक्षार्थी व मूळ उत्तर पत्रिका बदलवून उत्तीर्ण करणाऱ्या टोळीचा सूत्रधार जुबेर उल्ला खान ऊर्फ जुबेर (रा...
MT 15 Mar 2019, 4:00 am