म.टा. प्रतिनिधी, नागपूर
गेल्या १ जुलैपासून लागू झालेल्या जीएसटीसंबंधी संभ्रम अद्यापही संपलेला नाही. या जीएसटीबाबत आता खोके विक्रेत्यांनादेखील चिंता आहे. यासाठीच त्यांच्या पश्चिम भारतीय असोसिएशनची कार्यशाळा अलीकडेच नागपुरात झाली. ज्येष्ठ चार्टर्ड अकाउंटंट्स जुल्फेश शाह यांनी त्यात मार्गदर्शन केले.
वेस्टर्न इंडिया कॉरिगेटेड मॅन्युफॅक्चरर्स असोसिएशन (विस्मा) ही विविध पॅकिंगसाठी लागणारे खोके तयार करणाऱ्या उत्पादकांची संघटना आहे. त्यांनी इन्स्टिट्युट ऑफ चार्टर्ड अकाउंटंट्स ऑफ इंडियाच्या (आयसीएआय) सहकार्याने अलीकडेच जीएसटीबाबत कार्यशाळा घेतली. आयसीएआयच्या राष्ट्रीय जनसंपर्क समितीचे सदस्य जुल्फेश शाह यांनी त्यात सांगितले की, ‘जीएसटीमध्ये अनेक अडथळे आहेत. पण हा वस्तू व सेवा कर उद्योग क्षेत्रासाठी दीर्घकालिन उपयोगातील आहे. सुयोग्य नियोजन, माहितीचे योग्य संकलन, योग्य पावत्या आणि व्यावसायिक मार्गदर्शन असल्यास जीएसटी भरणे अवघड नाही. जीएसटी हा कर अनेक विकसित देशांमध्ये यशस्वी ठरला आहे. यामुळेच भारतातदेखील याचे सकारात्मक परिणाम नक्कीच दिसतील.’
सीए रितेश मेहता यांनी जीएसटीतील विविध तरतुदींची माहिती दिली. इनपूट टॅक्स क्रेडिट, कर परतावा, एका राज्यातून दुसऱ्या राज्यातील कर, विविध अर्ज, लॉजिस्टिक्स आदींची त्यांनी माहिती दिली. विस्माच्या मुंबई येथील मुख्यालयाचे अध्यक्ष दिनू शेट्टी यांनी या कायद्यातील विविध अडचणी मांडल्या. आयसीएआय नागपूर शाखेचे अध्यक्ष संदीप जोतवानी यांनी सांगितले की, ‘करदात्यांचे सेवादाते या नात्याने आयसीएआय विविध उद्योग समूहांशी जीएसटीबाबत चर्चा करीत आहे. हा त्याचाच एक भाग आहे. सर्वच उद्योगांच्या जीएसटी संदर्भात अडचणी असल्यास दूर केल्या जातील.’
विस्माचे कार्याध्यक्ष सुनील गुप्ता, सचिव शैझाद शेख, विदर्भ संयोजक अल्केश सराफ, विदर्भ सचिव राजेश किनारीवाला, विन्सेंट मथायस, अशोक व्यास, विनोद चौधरी, अशोक बालानी, भरत पटेल, योगेश शाह, रोहित बाबुना, अनिल लोया, परेश वाणी आदी यावेळी उपस्थित होते.
गेल्या १ जुलैपासून लागू झालेल्या जीएसटीसंबंधी संभ्रम अद्यापही संपलेला नाही. या जीएसटीबाबत आता खोके विक्रेत्यांनादेखील चिंता आहे. यासाठीच त्यांच्या पश्चिम भारतीय असोसिएशनची कार्यशाळा अलीकडेच नागपुरात झाली. ज्येष्ठ चार्टर्ड अकाउंटंट्स जुल्फेश शाह यांनी त्यात मार्गदर्शन केले.
वेस्टर्न इंडिया कॉरिगेटेड मॅन्युफॅक्चरर्स असोसिएशन (विस्मा) ही विविध पॅकिंगसाठी लागणारे खोके तयार करणाऱ्या उत्पादकांची संघटना आहे. त्यांनी इन्स्टिट्युट ऑफ चार्टर्ड अकाउंटंट्स ऑफ इंडियाच्या (आयसीएआय) सहकार्याने अलीकडेच जीएसटीबाबत कार्यशाळा घेतली. आयसीएआयच्या राष्ट्रीय जनसंपर्क समितीचे सदस्य जुल्फेश शाह यांनी त्यात सांगितले की, ‘जीएसटीमध्ये अनेक अडथळे आहेत. पण हा वस्तू व सेवा कर उद्योग क्षेत्रासाठी दीर्घकालिन उपयोगातील आहे. सुयोग्य नियोजन, माहितीचे योग्य संकलन, योग्य पावत्या आणि व्यावसायिक मार्गदर्शन असल्यास जीएसटी भरणे अवघड नाही. जीएसटी हा कर अनेक विकसित देशांमध्ये यशस्वी ठरला आहे. यामुळेच भारतातदेखील याचे सकारात्मक परिणाम नक्कीच दिसतील.’
सीए रितेश मेहता यांनी जीएसटीतील विविध तरतुदींची माहिती दिली. इनपूट टॅक्स क्रेडिट, कर परतावा, एका राज्यातून दुसऱ्या राज्यातील कर, विविध अर्ज, लॉजिस्टिक्स आदींची त्यांनी माहिती दिली. विस्माच्या मुंबई येथील मुख्यालयाचे अध्यक्ष दिनू शेट्टी यांनी या कायद्यातील विविध अडचणी मांडल्या. आयसीएआय नागपूर शाखेचे अध्यक्ष संदीप जोतवानी यांनी सांगितले की, ‘करदात्यांचे सेवादाते या नात्याने आयसीएआय विविध उद्योग समूहांशी जीएसटीबाबत चर्चा करीत आहे. हा त्याचाच एक भाग आहे. सर्वच उद्योगांच्या जीएसटी संदर्भात अडचणी असल्यास दूर केल्या जातील.’
विस्माचे कार्याध्यक्ष सुनील गुप्ता, सचिव शैझाद शेख, विदर्भ संयोजक अल्केश सराफ, विदर्भ सचिव राजेश किनारीवाला, विन्सेंट मथायस, अशोक व्यास, विनोद चौधरी, अशोक बालानी, भरत पटेल, योगेश शाह, रोहित बाबुना, अनिल लोया, परेश वाणी आदी यावेळी उपस्थित होते.