म.टा. प्रतिनिधी, नागपूर
पतंजलीचा फूड पार्क असो वा विमानतळ विकासाची निविदा अथवा टाल कंपनीचा जागतिक विस्तार, यांसारख्या विकासात्मक घडामोडी मिहानमध्ये जलद होत असतानाच आता कोरियन सरकार स्मार्ट सिटी उभी करण्यासाठी इच्छुक आहे. यासंदर्भात तेथील सरकारच्या पायाभूत सुविधा व परिवहन मंत्रालयाने अलीकडेच प्रकल्पाला भेट दिली.
मिहान-सेझ प्रकल्पाचा विकास तब्बल १४ वर्षांपासून होत आहे. अद्यापही त्याची म्हणावी तशी फळे मिळालेली नाहीत. पण २०१६ हे वर्ष मिहानसाठी चांगले ठरले आहे. १०२ हेक्टरवरील फूड पार्क, विमानतळ विकसासाठी निविदा आणि सर्वात महत्त्वाचे म्हणजे अलीकडे टालचा मान्यवरांच्या उपस्थितीत झालेला भव्य कार्यक्रम. यामुळे मिहान-सेझ प्रकल्प विलंब झाला तरी अपेक्षापूर्तीकडे जात असल्याची हलकी चिन्हे दिसू लागली आहेत. अशा सर्व पार्श्वभूमीवर थेट कोरियन सरकारने अलीकडेच प्रकल्पाचा दौरा केला.
कोरिया सरकारच्या पायाभूत सुविधा व परिवहन मंत्रालयात हाउसिंग कॉर्पोरेशन हा विभाग आहे. त्या विभागाचे व्यवस्थापकीय संचालक ली की योल व संचालक सोन यंग हून यांनी मिहान-सेझला भेट दिली. स्क्रीनयुग या कोरियन बहुराष्ट्रीय कंपनीचे संस्थापक सीईओ आशिष एस.के. व दीपक घाडगे यांनी या भेटीचे समन्वयन केले. मिहानला विकसित करणाऱ्या एमएडीसीचे व्यवस्थापकीय संचालक विश्वास पाटील यांनी त्यांच्याशी दौऱ्यादरम्यान संवाद साधला. या शिष्टमंडळाने संपूर्ण प्रकल्पाचा दौरा केला. त्यामध्ये विविध पायाभूत सुविधांची पाहणी केली. तसेच आगामी विमानतळ विकासाच्या निविदेचीदेखील माहिती कोरियन्सने घेतली. सर्व पाहणी केल्यानंतर हे शिष्टमंडळ स्मार्ट सिटीसारखी योजना अथवा त्या संबंधीची गुंतवणूक मिहानमध्ये करण्यास उत्सुक असल्याचे दिसून आले. पण यासंदर्भातील निर्णय अहवाल मंत्रालयाला सादर केल्यानंतरच घेतला जाईल, असे त्यांनी सांगितले.
मिहान इंडिया लिमिटेडचे महाव्यवस्थापक (विमानतळ) आबिद रुही, वरिष्ठ विमानतळ संचालक व्ही. एस. मुळेकर, एमएडीसीचे तांत्रिक सल्लागार एस. व्ही. चहांदे, मुख्य अभियंता एस. के. चॅटर्जी, एमएडीसीचे मार्केटिंग व्यवस्थापक अतुल ठाकरे, कार्यकारी अभियंता ललित इंगळे, अधीक्षक अभियंता रजनी लोणारे, उप जिल्हाधिकारी (भूसंपादन) अशोक चौधरी, मिहान इंडियाचे कंपनी सचिव रंजन ठाकूर व जनसंपर्क अधिकारी दीपक जोशी यावेळी उपस्थित होते.
पतंजलीचा फूड पार्क असो वा विमानतळ विकासाची निविदा अथवा टाल कंपनीचा जागतिक विस्तार, यांसारख्या विकासात्मक घडामोडी मिहानमध्ये जलद होत असतानाच आता कोरियन सरकार स्मार्ट सिटी उभी करण्यासाठी इच्छुक आहे. यासंदर्भात तेथील सरकारच्या पायाभूत सुविधा व परिवहन मंत्रालयाने अलीकडेच प्रकल्पाला भेट दिली.
मिहान-सेझ प्रकल्पाचा विकास तब्बल १४ वर्षांपासून होत आहे. अद्यापही त्याची म्हणावी तशी फळे मिळालेली नाहीत. पण २०१६ हे वर्ष मिहानसाठी चांगले ठरले आहे. १०२ हेक्टरवरील फूड पार्क, विमानतळ विकसासाठी निविदा आणि सर्वात महत्त्वाचे म्हणजे अलीकडे टालचा मान्यवरांच्या उपस्थितीत झालेला भव्य कार्यक्रम. यामुळे मिहान-सेझ प्रकल्प विलंब झाला तरी अपेक्षापूर्तीकडे जात असल्याची हलकी चिन्हे दिसू लागली आहेत. अशा सर्व पार्श्वभूमीवर थेट कोरियन सरकारने अलीकडेच प्रकल्पाचा दौरा केला.
कोरिया सरकारच्या पायाभूत सुविधा व परिवहन मंत्रालयात हाउसिंग कॉर्पोरेशन हा विभाग आहे. त्या विभागाचे व्यवस्थापकीय संचालक ली की योल व संचालक सोन यंग हून यांनी मिहान-सेझला भेट दिली. स्क्रीनयुग या कोरियन बहुराष्ट्रीय कंपनीचे संस्थापक सीईओ आशिष एस.के. व दीपक घाडगे यांनी या भेटीचे समन्वयन केले. मिहानला विकसित करणाऱ्या एमएडीसीचे व्यवस्थापकीय संचालक विश्वास पाटील यांनी त्यांच्याशी दौऱ्यादरम्यान संवाद साधला. या शिष्टमंडळाने संपूर्ण प्रकल्पाचा दौरा केला. त्यामध्ये विविध पायाभूत सुविधांची पाहणी केली. तसेच आगामी विमानतळ विकासाच्या निविदेचीदेखील माहिती कोरियन्सने घेतली. सर्व पाहणी केल्यानंतर हे शिष्टमंडळ स्मार्ट सिटीसारखी योजना अथवा त्या संबंधीची गुंतवणूक मिहानमध्ये करण्यास उत्सुक असल्याचे दिसून आले. पण यासंदर्भातील निर्णय अहवाल मंत्रालयाला सादर केल्यानंतरच घेतला जाईल, असे त्यांनी सांगितले.
मिहान इंडिया लिमिटेडचे महाव्यवस्थापक (विमानतळ) आबिद रुही, वरिष्ठ विमानतळ संचालक व्ही. एस. मुळेकर, एमएडीसीचे तांत्रिक सल्लागार एस. व्ही. चहांदे, मुख्य अभियंता एस. के. चॅटर्जी, एमएडीसीचे मार्केटिंग व्यवस्थापक अतुल ठाकरे, कार्यकारी अभियंता ललित इंगळे, अधीक्षक अभियंता रजनी लोणारे, उप जिल्हाधिकारी (भूसंपादन) अशोक चौधरी, मिहान इंडियाचे कंपनी सचिव रंजन ठाकूर व जनसंपर्क अधिकारी दीपक जोशी यावेळी उपस्थित होते.