लॉकडाऊन: दारू न मिळाल्याने युवकाची आत्महत्या

नागपूर: नागपूरमधील अंबाझरी भागात एका ३० वर्षीय युवकाने दारू न मिळाल्याने आपली जीवनयात्रा संपवली आहे. सध्या लॉकडाऊनमुळे दारूची दुकाने बंद असल्याने दारू मिळत नव्हती. त्यामुळेच मनस्थिती बिघडलेल्या या युवकाने स्वत:ला पेटवून घेऊन आत्महत्या केली. विकास असे मृताचे नाव आहे. धक्कादायक म्हणजे दारू न मिळाल्याने आतापर्यंत नागपुरात पाच जणांनी आत्महत्येचे टोकाचे पाऊल उचलले आहे.

'क्वीन'वर नजर; पॅरोलवर सुटताच डॅडीचा नवा 'गेम'

पोलिसांकडून मिळालेल्या माहितीनुसार, विकास हा ऑटोचालक होता. तो सासऱ्यांकडे राहायचा. त्याला दारूचे व्यसन होते. लॉकडाऊनमुळे त्याला दारू मिळाली नाही. त्यामुळे त्याचे मानसिक संतुलन बिघडले. त्यातूनच २९ मार्च रोजी मध्यरात्री त्याने अंगावर पेट्रोल टाकून स्वत:ला जाळून घेतले. त्याला तातडीने मेयो हॉस्पिटलमध्ये दाखल करण्यात आले. मात्र तो गंभीररित्या भाजलेला असल्याने उपचारादरम्यान त्याचा मृत्यू झाला. मृत्यूपूर्वी दिलेल्या जबाबात त्याने दारू न मिळाल्याने जाळून घेतल्याचे म्हटले आहे. अंबाझरी पोलिसांनी याप्रकरणी आकस्मिक मृत्यूची नोंद करून तपास सुरू केला आहे.

लॉकडाऊनः सोशल मीडियावर 'हे' इमोजी हिट

दरम्यान, उपराजधानीत बार फोडण्याचे प्रकारही घडत आहेत. मंगळवारी मध्यरात्री चोरट्यांनी दारूसाठी आनंद बार अँड रेस्टॉरेंटच्या दरवाजाचे कुलूप तोडून बारमधील दारूच्या बाटल्या चोरी केल्या होत्या. याचप्रमाणे सावनेर येथील गोविंद शेटे याच्या मालकीच्या गोविंद बारचे शटर तोडून चोरट्यांनी ४० हजार रुपयांचा मद्यसाठा चोरी केला होता. त्याआधी चोरट्याने एमआयडीसीतील देशी दारूचे दुकान फोडून दारूच्या ३३ पेट्या लंपास केल्या होत्या.

९ मिनिटं वीज गेली तरी परिणाम नाही: बावनकुळे