-तिरखुरी ते बाह्मणीच्या जंगलात संयुक्त शोधमोहीम
म.टा. वृत्तसेवा, गोंदिया
माओवादग्रस्त असलेल्या अर्जुनी मोरगाव तालुक्यातील केशोरी पोलिस ठाण्यांतर्गंत सी-६० पथकाने बुधवारी सायंकाळच्या सुमारास संयुक्त शोधमोहीम राबविली. या मोहिमेदरम्यान तिरखुरी ते बाह्मणीच्या जंगलात माओवाद्यांनी लपवून ठेवलेल्या दोन भरमार रायफल जप्त केल्या आहेत.
पोलिस अधीक्षक मंगेश शिंदे व अतिरिक्त पोलिस अधीक्षक अतुल कुलकर्णी, उपविभागीय पोलिस अधिकारी जालंदर नालकुल यांच्या मार्गदर्शनात नक्षल अभियान पथक नवेगावबांधचे पोलिस निरीक्षक बन्सू कोडापे, सी-६० पथकाचे पोलिस उपनिरिक्षक नरेश उरकुंडे व मलखांबे यांच्या पथकांनी संयुक्त शोधमोहीम सुरू केली होती. जंगलात शोध मोहीम सुरू असताना पथकाला वापरात असलेल्या दोन भरमार रायफल आढळून आल्या. केशोरी पोलिस ठाण्यात बेकायदेशीर हालचाली प्रतिबंधक कायद्यांतर्गंत गुन्हा दाखल करण्यात आला आहे.