नागपूर : मराठी रंगभूमी दिनानिमित्त अखिल भारतीय मराठी नाट्य परिषदेतर्फे मंगळवारी ५ नोव्हेंबरला विशेष सोहळा आयोजित केला जाणार आहे.
मराठी रंगभूमीच्या क्षेत्रात दिलेल्या उल्लेखनीय योगदानाबद्दल शहरातील नाट्यकलावंत शंतनू ठेंगडी, अकोला येथील काजल राऊत, अमरावती येथील प्रवीण प्रभाकर या विदर्भातील हरहुन्नरी कलावंतांचा गौरवही केला जाणार आहे तसेच मराठी रंगभूमीच्या एकंदर वाटचालीवर सत्कारमूर्तीचे सादरीकरण आणि मराठी रंगभूमीच्या इतिहासावरही प्रकाश टाकला जाणार आहे. महानगर पालिका स्थायी समितीचे अध्यक्ष प्रदीप पोहाणे कार्यक्रमाचे अध्यक्षस्थान भूषविणार आहेत. तर डॉ. प्रा. पराग घोंगे, डॉ. प्रा. संयुक्त थोरात. अ. भा. मराठी नाट्य परिषदेच्या नागपूर शाखेचे अध्यक्ष प्रफुल्ल फरकसे, अ. भा. नाट्य परिषद नागपूर शाखेचे माजी अध्यक्ष प्रमोद भुसारी. ज्येष्ठ नाट्य समीक्षक व अभ्यासक प्रकाश एदलाबादकर हे देखील प्रामुख्याने उपस्थित राहणार आहेत. नंदनवन परिसरातल्या नंदनवन महिला महाविद्यालयात सायंकाळी साडेपाच वाजता हा कार्यक्रम होईल, असे नाट्य परिषदेचे प्रमुख कार्यवाह नरेश गडेकर यांनी कळविले आहे.