म.टा. प्रतिनिधी, नागपूर
पाकिस्तानी सैन्याने शस्त्रसंधीचा भंग करून केलेल्या हल्ल्यात शहीद झालेले भंडारा जिल्ह्यातील पवनी येथील मेजर प्रफुल्ल अंबादास मोहरकर यांच्या पार्थिवावर शासकीय इतमामात अंत्यसंस्कार करण्यात आले. शहीद मेजर प्रफुल्ल मोहरकर यांना निरोप देण्यासाठी पंचक्रोशीतून जनसागर लोटला होता.
शहीद मेजर प्रफुल्ल अंबादास मोहरकर यांचे पार्थिव रविवारी सोनेगाव एअरफोर्स स्टेशनला आयएएफ एएन ३२ या विमानाने सायंकाळी आणण्यात आले. पालकमंत्री चंद्रशेखर बावनकुळे यांच्यासह सैन्य दलातील आणि प्रशासनातील वरिष्ठ अधिकाऱ्यांच्या उपस्थितीत मोहरकर यांना सलामी देण्यात आली. शहीद मोहरकर यांच्या पत्नी अबोली मोहरकर यावेळी उपस्थित होत्या.
जम्मू-काश्मिरातील राजौरी जिल्ह्यातील केरी क्षेत्रात नियंत्रण रेषेवर पाकिस्तानी लष्कराने शस्त्रसंधीचा भंग करून भारतीय लष्कराच्या गस्ती पथकावर केलेल्या गोळीबारात एका मेजर दर्जाच्या अधिकाऱ्यासह चार जवानांना वीरमरण आले होते. शहिदांमध्ये भंडारा जिल्ह्यातील पवनी येथील मेजर प्रफुल्ल अंबादास मोहरकर या महाराष्ट्राच्या वीरपुत्राचाही समावेश आहे. शस्त्रसंधीचे पुन्हा एकदा उल्लंघन करत पाकिस्तानी सैनिकांनी केरी सेक्टरमध्ये गस्त घालत असलेल्या भारतीय जवानांवर गोळीबार केला. या धुमश्चक्रीत पाकिस्तानी सैन्याचा मुकाबला करताना शनिवारी सायंकाळी मेजर प्रफुल्ल मोहरकर शहीद झाले. प्रफुल्ल हे पवनी तालुक्यातील जुनोनाचे मूळ रहिवासी होते. त्यांचे आई-वडील शिक्षक-शिक्षिका असल्याने पवनीत राहिले. आठ वर्षांपूर्वी शहीद मोहरकर भारतीय सैन्यात लेफ्टनंट म्हणून रुजू झाले होते. त्यानंतर पदोन्नती होऊन प्रफुल्ल मोहरकर मेजर पदावर पोहोचले. चार वर्षापूर्वी मोहरकर विवाहबद्ध झाले होते.
VIDEO: शहीद जवान मेजर प्रफुल्ल मोहरकर यांना अखेरचा निरोप pic.twitter.com/tIzvK1Mfsl — maharashtratimes.com (@mataonline) December 25, 2017
पाकिस्तानी सैन्याने शस्त्रसंधीचा भंग करून केलेल्या हल्ल्यात शहीद झालेले भंडारा जिल्ह्यातील पवनी येथील मेजर प्रफुल्ल अंबादास मोहरकर यांच्या पार्थिवावर शासकीय इतमामात अंत्यसंस्कार करण्यात आले. शहीद मेजर प्रफुल्ल मोहरकर यांना निरोप देण्यासाठी पंचक्रोशीतून जनसागर लोटला होता.
शहीद मेजर प्रफुल्ल अंबादास मोहरकर यांचे पार्थिव रविवारी सोनेगाव एअरफोर्स स्टेशनला आयएएफ एएन ३२ या विमानाने सायंकाळी आणण्यात आले. पालकमंत्री चंद्रशेखर बावनकुळे यांच्यासह सैन्य दलातील आणि प्रशासनातील वरिष्ठ अधिकाऱ्यांच्या उपस्थितीत मोहरकर यांना सलामी देण्यात आली. शहीद मोहरकर यांच्या पत्नी अबोली मोहरकर यावेळी उपस्थित होत्या.
जम्मू-काश्मिरातील राजौरी जिल्ह्यातील केरी क्षेत्रात नियंत्रण रेषेवर पाकिस्तानी लष्कराने शस्त्रसंधीचा भंग करून भारतीय लष्कराच्या गस्ती पथकावर केलेल्या गोळीबारात एका मेजर दर्जाच्या अधिकाऱ्यासह चार जवानांना वीरमरण आले होते. शहिदांमध्ये भंडारा जिल्ह्यातील पवनी येथील मेजर प्रफुल्ल अंबादास मोहरकर या महाराष्ट्राच्या वीरपुत्राचाही समावेश आहे. शस्त्रसंधीचे पुन्हा एकदा उल्लंघन करत पाकिस्तानी सैनिकांनी केरी सेक्टरमध्ये गस्त घालत असलेल्या भारतीय जवानांवर गोळीबार केला. या धुमश्चक्रीत पाकिस्तानी सैन्याचा मुकाबला करताना शनिवारी सायंकाळी मेजर प्रफुल्ल मोहरकर शहीद झाले. प्रफुल्ल हे पवनी तालुक्यातील जुनोनाचे मूळ रहिवासी होते. त्यांचे आई-वडील शिक्षक-शिक्षिका असल्याने पवनीत राहिले. आठ वर्षांपूर्वी शहीद मोहरकर भारतीय सैन्यात लेफ्टनंट म्हणून रुजू झाले होते. त्यानंतर पदोन्नती होऊन प्रफुल्ल मोहरकर मेजर पदावर पोहोचले. चार वर्षापूर्वी मोहरकर विवाहबद्ध झाले होते.
VIDEO: शहीद जवान मेजर प्रफुल्ल मोहरकर यांना अखेरचा निरोप pic.twitter.com/tIzvK1Mfsl — maharashtratimes.com (@mataonline) December 25, 2017