म.टा. प्रतिनिधी, नागपूर
मारहाण करून तिघांनी कापड व्यापाऱ्याकडील सात लाखांची रोख लुटली. ही घटना देशपांडे लेआउट येथे घडली.
जयप्रकाश पाटणी (वय ४६, रा. पेठ वॉर्ड, ब्रह्मपुरी, जि. चंद्रपूर) यांनी दिलेल्या तक्रारीवरून नंदनवन पोलिसांनी फसवणूक व जबरी चोरीचा गुन्हा दाखल करीत शेख एजाज शेख आमद (वय ५५, रा. परतवाडा, जि. अमरावती) याला अटक केली. राजू काल्या ऊर्फ दीपक चौधरी व पप्पू अवस्थी (वय ५५, रा. जनगाडे चौक) हे दोघे फरार आहेत.
पाटणी यांचे ब्रह्मपुरी येथे कापडाचे दुकान आहे. २३ डिसेंबरला नागभीड येथे काल्या व पप्पू हे पाटणी तसेच त्यांच्या मित्राला भेटले. दोघांनी पाटणी यांना दामदुप्पटचे आमिष दाखविले. पाटणी यांनी त्यांना दोन लाख रुपये दिले. एवढी कमी रक्कम का दिली, अशी विचारणा करीत दोघांनी त्यांना नागपुरात बोलाविले. २८ डिसेंबरला पाटणी नागपुरात आले. त्यांनी दोन लाख रुपयांचा परतावा मागितला. तिघांनी पाटणी यांना मारहाण केली. त्यांच्या कारमधील सात लाखांची रोख घेऊन तिघेही पसार झाले. पाटणी यांनी नंदनवन पोलिसांत तक्रार केली. पोलिसांनी फसवणूक, जबरी चोरीसह विविध कलमान्वये गुन्हा दाखल करीत एजाजला अटक केली. पप्पू अवस्थीविरुद्ध फसवणुकीचे गुन्हे दाखल आहेत. राजू काल्याही गुन्हेगार असल्याची माहिती पोलिसांनी दिली. एजाजची २९ जानेवारीपर्यंत पोलिस कोठडी घेण्यात आली आहे.
मारहाण करून तिघांनी कापड व्यापाऱ्याकडील सात लाखांची रोख लुटली. ही घटना देशपांडे लेआउट येथे घडली.
जयप्रकाश पाटणी (वय ४६, रा. पेठ वॉर्ड, ब्रह्मपुरी, जि. चंद्रपूर) यांनी दिलेल्या तक्रारीवरून नंदनवन पोलिसांनी फसवणूक व जबरी चोरीचा गुन्हा दाखल करीत शेख एजाज शेख आमद (वय ५५, रा. परतवाडा, जि. अमरावती) याला अटक केली. राजू काल्या ऊर्फ दीपक चौधरी व पप्पू अवस्थी (वय ५५, रा. जनगाडे चौक) हे दोघे फरार आहेत.
पाटणी यांचे ब्रह्मपुरी येथे कापडाचे दुकान आहे. २३ डिसेंबरला नागभीड येथे काल्या व पप्पू हे पाटणी तसेच त्यांच्या मित्राला भेटले. दोघांनी पाटणी यांना दामदुप्पटचे आमिष दाखविले. पाटणी यांनी त्यांना दोन लाख रुपये दिले. एवढी कमी रक्कम का दिली, अशी विचारणा करीत दोघांनी त्यांना नागपुरात बोलाविले. २८ डिसेंबरला पाटणी नागपुरात आले. त्यांनी दोन लाख रुपयांचा परतावा मागितला. तिघांनी पाटणी यांना मारहाण केली. त्यांच्या कारमधील सात लाखांची रोख घेऊन तिघेही पसार झाले. पाटणी यांनी नंदनवन पोलिसांत तक्रार केली. पोलिसांनी फसवणूक, जबरी चोरीसह विविध कलमान्वये गुन्हा दाखल करीत एजाजला अटक केली. पप्पू अवस्थीविरुद्ध फसवणुकीचे गुन्हे दाखल आहेत. राजू काल्याही गुन्हेगार असल्याची माहिती पोलिसांनी दिली. एजाजची २९ जानेवारीपर्यंत पोलिस कोठडी घेण्यात आली आहे.