नागपूर : पोलिस आयुक्त डॉ. भूषणकुमार उपाध्याय यांनी कुख्यात गोपी ऊर्फ गोपाल पुरुषोत्तम पराळे (वय २८,रा. श्रीरामनगर,वाठोडा) व त्याच्या टोळीविरुद्ध महाराष्ट्र संघटित गुन्हेगारी नियंत्रण कायद्यान्वये कारवाई केली. वैभाव अशोक तन्नेलवार (वय २८ ,रा.सद् भावनानगर), नितीन माणिकराव देशमुख (वय २८ ,रा. दर्शन कॉलनी), किशोर मुनीराम ठवरे (वय२७ ,रा. खरबी), राहुल ऊर्फ भैरव प्रमोद मेंढेकर (वय २५ ,रा. साईबाबानगर) व अन्य एक अशी कारवाई करण्यात आलेल्यांची नावे आहेत. या टोळीविरुद्ध नंदनवन, सक्करदरा, कन्हान पोलिस स्टेशनमध्ये हत्या, दरोडा, जबरी चोरी, चोरी आदींसह २४ पेक्षा अधिक गुन्हे दाखल आहेत. काही दिवसांपूर्वीच या टोळीने दिघोरीतील रमाश्री बारमध्ये दरोडा टाकला होता. या यावर्षी आतापर्यंत ९ टोळींविरुद्ध मोक्कांतर्गत कारवाई करण्यात आली असून, ३८ गुंडांना कारागृहात स्थानबद्ध करण्यात आले.
कुख्यात गोपी टोळीविरुद्ध मोक्का
पोलिस आयुक्त डॉ भूषणकुमार उपाध्याय यांनी कुख्यात गोपी ऊर्फ गोपाल पुरुषोत्तम पराळे (वय २८,रा...
महाराष्ट्र टाइम्स.कॉम 4 Oct 2019, 4:00 am