नागपूर : आई रागावल्याने १४ वर्षीय मुलाने मित्राच्या मदतीने अपहरणाचे नाट्य रचले. या नाट्याने काही काळ पोलिसांमध्ये खळबळ उडाली होती. तीन तासांत मुलगा आढळल्याने पोलिसांनी सुटकेचा श्वास सोडला. जरीपटक्यातील कडबी चौक भागात राहणारा १४ वर्षीय मुलगा आठव्या वर्गात शिकतो. शनिवारी सकाळी त्याची आई रागावली. काही वेळाने तो घराबाहेर पडला. कार चालकांनी माझे अपहरण केल्याचे माझ्या आईला सांग, असे तो मित्राला म्हणाला. 'तुमच्या मुलाचे अपहरण झाले आहे,' असे त्याच्या मित्राने आईला सांगितले. आईने पतीला माहिती दिली. याबाबत पोलिसांना कळविण्यात आले. पोलिसांमध्ये खळबळ उडाली. शोध घेतला असता विद्यार्थी आढळून आला. पोलिसांनी व मुलाच्या नातेवाइकांनी सुटकेचा श्वास सोडला.
आई रागावली, मुलाचे अपहरण नाट्य
आई रागावल्याने १४ वर्षीय मुलाने मित्राच्या मदतीने अपहरणाचे नाट्य रचले या नाट्याने काही काळ पोलिसांमध्ये खळबळ उडाली होती...
Maharashtra Times 8 Jul 2018, 4:00 am