म. टा. विशेष प्रतिनिधी, नागपूर
अजनी येथे दिवाळीच्या फटाके उडवण्यावरून यादव कुटुंबीयांमध्ये झालल्या हाणामारीप्रकरणी गुन्हा दाखल करण्यात आलेल्या महाराष्ट्र कामगार कल्याण मंडळाचे अध्यक्ष मुन्ना यादव यांनी अटकपूर्व जामिनासाठी पुन्हा एकदा मुंबई उच्च न्यायालयाच्या नागपूर खंडपीठात धाव घेतली आहे. यापूर्वी न्ययालयाने अंतरिम अटकपूर्व जामीन देण्यास नकार दिला होता. त्यामुळे यादव यांनी अर्ज मागे घेतला होता.
अजनी परिसरात राहणाऱ्या मुन्ना यादवचा मुलगा करण यादव हा फटाके फोडत होता. तेव्हा मंजू यादवने त्याला हटकले. त्यावरून दोन्ही कुटुंबीयात वाद झाला. तर मुन्ना यादव, त्याची पत्नी लक्ष्मी यादव, मुले करण व अर्जुन आणि बाला यादव यांनी मंजू यादव, पापा यादव आणि सत्यनारायण यादव यांच्यावर प्राणघातक हल्ला करून बेदम मारहाण केली, असा गुन्हा धंतोली पोलिस ठाण्यात दाखल करण्यात आला आहे. याप्रकरणी भादंविच्या कलम ३०७ आणि इतर कलमांतर्गत गुन्हे दाखल करण्यात आले होते.
दरम्यान, पोलिसांनी याप्रकरणी आता आरोपपत्र दाखल केले आहे. त्यात हत्येचा प्रयत्नाचा गुन्हा गाळण्यात आला असून कलम ३२६ अन्वये आरोपपत्र दाखल केले आहे. त्यामुळे यास्थितीत अटकपूर्व जामीन देण्यात यावा, अशी विनंती मुन्ना यादव याने दाखल केलेल्या अर्जात केली आहे. त्यावर न्या. विनय देशपांडे यांच्या एकलपीठासमोर सुनावणी झाली. तेव्हा अर्जावर उत्तर सादर करण्याचा आदेश राज्य सरकार व तपास अधिकाऱ्यांना देण्यात आला आहे. सरकारला दोन एप्रिलपर्यंत उत्तर देण्याची मुदत दिली आहे. यादव यांच्यातर्फे वरिष्ठ अधिवक्ता सुबोध धर्माधिकारी व अॅड. उदय डबले यांनी बाजू मांडली.
अजनी येथे दिवाळीच्या फटाके उडवण्यावरून यादव कुटुंबीयांमध्ये झालल्या हाणामारीप्रकरणी गुन्हा दाखल करण्यात आलेल्या महाराष्ट्र कामगार कल्याण मंडळाचे अध्यक्ष मुन्ना यादव यांनी अटकपूर्व जामिनासाठी पुन्हा एकदा मुंबई उच्च न्यायालयाच्या नागपूर खंडपीठात धाव घेतली आहे. यापूर्वी न्ययालयाने अंतरिम अटकपूर्व जामीन देण्यास नकार दिला होता. त्यामुळे यादव यांनी अर्ज मागे घेतला होता.
अजनी परिसरात राहणाऱ्या मुन्ना यादवचा मुलगा करण यादव हा फटाके फोडत होता. तेव्हा मंजू यादवने त्याला हटकले. त्यावरून दोन्ही कुटुंबीयात वाद झाला. तर मुन्ना यादव, त्याची पत्नी लक्ष्मी यादव, मुले करण व अर्जुन आणि बाला यादव यांनी मंजू यादव, पापा यादव आणि सत्यनारायण यादव यांच्यावर प्राणघातक हल्ला करून बेदम मारहाण केली, असा गुन्हा धंतोली पोलिस ठाण्यात दाखल करण्यात आला आहे. याप्रकरणी भादंविच्या कलम ३०७ आणि इतर कलमांतर्गत गुन्हे दाखल करण्यात आले होते.
दरम्यान, पोलिसांनी याप्रकरणी आता आरोपपत्र दाखल केले आहे. त्यात हत्येचा प्रयत्नाचा गुन्हा गाळण्यात आला असून कलम ३२६ अन्वये आरोपपत्र दाखल केले आहे. त्यामुळे यास्थितीत अटकपूर्व जामीन देण्यात यावा, अशी विनंती मुन्ना यादव याने दाखल केलेल्या अर्जात केली आहे. त्यावर न्या. विनय देशपांडे यांच्या एकलपीठासमोर सुनावणी झाली. तेव्हा अर्जावर उत्तर सादर करण्याचा आदेश राज्य सरकार व तपास अधिकाऱ्यांना देण्यात आला आहे. सरकारला दोन एप्रिलपर्यंत उत्तर देण्याची मुदत दिली आहे. यादव यांच्यातर्फे वरिष्ठ अधिवक्ता सुबोध धर्माधिकारी व अॅड. उदय डबले यांनी बाजू मांडली.