म. टा. प्रतिनिधी, नागपूर
‘काही बोलायाचे आहे’, ‘दिल्या घेतल्या वचनांची शपथ तुला आहे’ यांसारख्या कवी व संगीतकार यशवंत देव यांच्या अविट गोडीच्या गाण्यांचा दरवळ विदर्भ साहित्य संघाच्या कलादालनात दरवळला.
विदर्भ साहित्य संघ, ग्रंथालय समिती आणि सी. पी. अॅण्ड बेरार महाविद्यालयाच्यावतीने भारतीय ग्रंथालय शास्त्राचे पितामह डॉ. शियाली रामामृत रंगनाथन जन्मदिवस आणि प्रज्ञा भारती आचार्य श्रीधर भास्कर वर्णेकर जन्मशताब्दीनिमित्त तीन दिवसीय कार्यक्रमाचे आयोजन करण्यात आले होते. शुक्रवारी समारोहाच्या तिसऱ्या दिवशी सूरसरिता उपक्रमांतर्गत ‘शब्दप्रधान गायकी’ या ग्रंथावर आधारित कवी व संगीतकार यशवंत देव यांच्या अविट रचनांचा सुगंधी कार्यक्रम सादर
करण्यात आला.
स्मिता जोशी, भाग्यश्री बारस्कर, गिरीश चंद्रिकापुरे, चेतन बालपांडे व मयुरेश काळे यांनी ‘कोटी कोटी रूपे तुझी’, ‘उघडी नयन शंकरा’, ‘वाटेवर काटे’, ‘केळीचे सुकले बाग’, ‘शपथ तुला आहे’, ‘काही बोलायाचे आहे’, ‘तू दूर दू तेथे स्मिता’, ‘भेट तुझी माझी स्मरते’, ‘विसरशील खास’ आणि ‘कुणी जाल का’ अशी एकाहून एक सरस आणि प्रत्येक मराठी मनावर आपला अवीट ठसा उमटविणारी गाणी सादर केली. गायक कलाकारांना तितकीच समर्पक साथ उदय कर्दळे, विजय येल्लुरे, केशव टेकाडे या वाद्यवृंदाकडून लाभली. डॉ. रजनी हुद्दा यांनी कार्यक्रमाचे निवेदन केले. या कार्यक्रमाची संकल्पना दिलीप म्हैसाळकर यांची होती.
तत्पूर्वी, सकाळच्या सत्रात वाचक मेळावा पार पडला. दुपारच्या सत्रात गप्पा-टप्पांचा कार्यक्रम झाला. त्यात ‘ब्लॅक अॅण्ड व्हाइट रेनबो’ या एकपात्री नाटकाच्या सर्वेसर्वा स्मिता माहुरकर व दिग्दर्शक समीर हेजीब यांच्याशी सना पंडीत यांनी गप्पा मारल्या. पती-पत्नीचे नाते सुदृढ असेल तर समाज सुदृढ होतो, हे जाणवल्यामुळे समाजासाठी काहीतरी करण्याच्या प्रेरणेतून या एकपात्रीची निर्मिती झाली, असे माहूरकर म्हणाल्या. ‘दर पाच वर्षांनी आपण घर रिनोव्हेट करतो. पण पती-पत्नीचे नाते कधीच रिनोव्हेट केले जात नाही. ते केले पाहिजे’, असा संदेश देणाऱ्या या नाटकातून मॅजिकल मॅरेजची संकल्पना मांडण्यात आली आहे. नाटकाचे दोन वर्षांत २५ प्रयोग झाल्याचे त्यांनी यावेळी सांगितले. लेखिकेच्या मनातील आणि लिखाणातील सहजता भावल्यामुळे त्याच्या दिग्दर्शनाची बाजू सांभाळल्याचे समीर हेजीब म्हणाले. सायंकाळच्या सत्रात डॉ.पराग घोंगे यांच्या ‘नाट्यशास्त्राच्या अंतरंगात’ हा द्विपात्री प्रयोग सादर करण्यात आला.
‘काही बोलायाचे आहे’, ‘दिल्या घेतल्या वचनांची शपथ तुला आहे’ यांसारख्या कवी व संगीतकार यशवंत देव यांच्या अविट गोडीच्या गाण्यांचा दरवळ विदर्भ साहित्य संघाच्या कलादालनात दरवळला.
विदर्भ साहित्य संघ, ग्रंथालय समिती आणि सी. पी. अॅण्ड बेरार महाविद्यालयाच्यावतीने भारतीय ग्रंथालय शास्त्राचे पितामह डॉ. शियाली रामामृत रंगनाथन जन्मदिवस आणि प्रज्ञा भारती आचार्य श्रीधर भास्कर वर्णेकर जन्मशताब्दीनिमित्त तीन दिवसीय कार्यक्रमाचे आयोजन करण्यात आले होते. शुक्रवारी समारोहाच्या तिसऱ्या दिवशी सूरसरिता उपक्रमांतर्गत ‘शब्दप्रधान गायकी’ या ग्रंथावर आधारित कवी व संगीतकार यशवंत देव यांच्या अविट रचनांचा सुगंधी कार्यक्रम सादर
करण्यात आला.
स्मिता जोशी, भाग्यश्री बारस्कर, गिरीश चंद्रिकापुरे, चेतन बालपांडे व मयुरेश काळे यांनी ‘कोटी कोटी रूपे तुझी’, ‘उघडी नयन शंकरा’, ‘वाटेवर काटे’, ‘केळीचे सुकले बाग’, ‘शपथ तुला आहे’, ‘काही बोलायाचे आहे’, ‘तू दूर दू तेथे स्मिता’, ‘भेट तुझी माझी स्मरते’, ‘विसरशील खास’ आणि ‘कुणी जाल का’ अशी एकाहून एक सरस आणि प्रत्येक मराठी मनावर आपला अवीट ठसा उमटविणारी गाणी सादर केली. गायक कलाकारांना तितकीच समर्पक साथ उदय कर्दळे, विजय येल्लुरे, केशव टेकाडे या वाद्यवृंदाकडून लाभली. डॉ. रजनी हुद्दा यांनी कार्यक्रमाचे निवेदन केले. या कार्यक्रमाची संकल्पना दिलीप म्हैसाळकर यांची होती.
तत्पूर्वी, सकाळच्या सत्रात वाचक मेळावा पार पडला. दुपारच्या सत्रात गप्पा-टप्पांचा कार्यक्रम झाला. त्यात ‘ब्लॅक अॅण्ड व्हाइट रेनबो’ या एकपात्री नाटकाच्या सर्वेसर्वा स्मिता माहुरकर व दिग्दर्शक समीर हेजीब यांच्याशी सना पंडीत यांनी गप्पा मारल्या. पती-पत्नीचे नाते सुदृढ असेल तर समाज सुदृढ होतो, हे जाणवल्यामुळे समाजासाठी काहीतरी करण्याच्या प्रेरणेतून या एकपात्रीची निर्मिती झाली, असे माहूरकर म्हणाल्या. ‘दर पाच वर्षांनी आपण घर रिनोव्हेट करतो. पण पती-पत्नीचे नाते कधीच रिनोव्हेट केले जात नाही. ते केले पाहिजे’, असा संदेश देणाऱ्या या नाटकातून मॅजिकल मॅरेजची संकल्पना मांडण्यात आली आहे. नाटकाचे दोन वर्षांत २५ प्रयोग झाल्याचे त्यांनी यावेळी सांगितले. लेखिकेच्या मनातील आणि लिखाणातील सहजता भावल्यामुळे त्याच्या दिग्दर्शनाची बाजू सांभाळल्याचे समीर हेजीब म्हणाले. सायंकाळच्या सत्रात डॉ.पराग घोंगे यांच्या ‘नाट्यशास्त्राच्या अंतरंगात’ हा द्विपात्री प्रयोग सादर करण्यात आला.