म. टा. प्रतिनिधी, नागपूर
अपघाती, संशयास्पद मृत्यू झाल्यानंतर कारण शोधण्यासाठी शवविच्छेदन केले जाते. परंतु, त्याचा अहवाल मिळविण्यासाठी नातेवाइकांना पोलिस ठाण्याचे उंबरठे झिजवावे लागतात. ही बाब हेरून इंदिरा गांधी शासकीय वैद्यकीय महाविद्यालय व रुग्णालयाने (मेयो) शवविच्छेदनाचे स्टेटस ऑनलाइन उपलब्ध करून दिले. त्यामुळे नातेवाईक सुलभरित्या अहवालाची प्रत काढू शकतात. शिवाय, पोलिस ठाण्यातील चकरादेखील थांबल्या आहेत. मेयोचा हा आदर्श पुण्याच्या ससून हॉस्पिटलने स्वीकारला. मात्र, मेडिकलसहित राज्यातील १४ वैद्यकीय महाविद्यालय व रुग्णालय, जिल्हा रुग्णालयांनी अद्याप अशी कोणतीही पावले उचललेली नाहीत.
उपराजधानीत दरवर्षी सहा हजार मृतदेहांचे शवविच्छेदन केले जाते. यातील सुमारे दोन हजार शवविच्छेदन मेयोत होतात. तर साडेतीन ते चार हजार शवविच्छेदन एकट्या मेडिकलमध्ये होतात. मेयोच्या न्यायवैद्यकशास्त्र विभागप्रमूख डॉ. प्रदीप दीक्षित यांनी कौशल्यपणाला लावत शवविच्छेदन अहवाल मिळवण्यासाठी ऑनलाइनची सोय उपलब्ध करून दिली. यामुळ गैरप्रकारालाही आळा बसला आहे. शवविच्छेदनाची माहिती मेयोच्या वेबसाइटवर टाकणे सुरू
झाले आहे. दर आठवड्याच्या मंगळवारी हा साप्ताहिक अहवाल मेयोच्या वेबसाइटवर प्रकाशित होतो. यात प्रामुख्याने शवचिकित्सा नंबर, तारीख, संबंधित पोलिस ठाणे, मृतकाचे नाव, वय, अहवाल तयार आहे का, पोलिसांना तो सुपूर्द करण्यात आला आहे का, यासह अनोळखी इसम असल्यास त्याचे छायाचित्र प्रकाशित केले जाते. या सोयीमुळे पोलिस आणि नातेवाइकांची डोकेदुखी वाचली आहे. शिवाय, कामातही पारदर्शकता आल्याने घरबसल्या आपल्या आप्ताचे शवविच्छेदन ‘स्टेटस’ नातेवाइकांना कळत आहे. शवविच्छेदनाचे स्टेटस ऑनलाइन करणारे मेयो राज्यातील पहिले रुग्णालय ठरले. याचे श्रेय डॉ. दीक्षित यांना जाते. याचा आदर्श डोळ्यांसमोर ठेवून पुण्यातील ससून रुग्णालयाने हाच पॅटर्न राबविला. मात्र, जे मेयोने करून दाखविले ते अद्याप मेडिकलला शक्य झालेले नाही.
अपघाती, संशयास्पद मृत्यू झाल्यानंतर कारण शोधण्यासाठी शवविच्छेदन केले जाते. परंतु, त्याचा अहवाल मिळविण्यासाठी नातेवाइकांना पोलिस ठाण्याचे उंबरठे झिजवावे लागतात. ही बाब हेरून इंदिरा गांधी शासकीय वैद्यकीय महाविद्यालय व रुग्णालयाने (मेयो) शवविच्छेदनाचे स्टेटस ऑनलाइन उपलब्ध करून दिले. त्यामुळे नातेवाईक सुलभरित्या अहवालाची प्रत काढू शकतात. शिवाय, पोलिस ठाण्यातील चकरादेखील थांबल्या आहेत. मेयोचा हा आदर्श पुण्याच्या ससून हॉस्पिटलने स्वीकारला. मात्र, मेडिकलसहित राज्यातील १४ वैद्यकीय महाविद्यालय व रुग्णालय, जिल्हा रुग्णालयांनी अद्याप अशी कोणतीही पावले उचललेली नाहीत.
उपराजधानीत दरवर्षी सहा हजार मृतदेहांचे शवविच्छेदन केले जाते. यातील सुमारे दोन हजार शवविच्छेदन मेयोत होतात. तर साडेतीन ते चार हजार शवविच्छेदन एकट्या मेडिकलमध्ये होतात. मेयोच्या न्यायवैद्यकशास्त्र विभागप्रमूख डॉ. प्रदीप दीक्षित यांनी कौशल्यपणाला लावत शवविच्छेदन अहवाल मिळवण्यासाठी ऑनलाइनची सोय उपलब्ध करून दिली. यामुळ गैरप्रकारालाही आळा बसला आहे. शवविच्छेदनाची माहिती मेयोच्या वेबसाइटवर टाकणे सुरू
झाले आहे. दर आठवड्याच्या मंगळवारी हा साप्ताहिक अहवाल मेयोच्या वेबसाइटवर प्रकाशित होतो. यात प्रामुख्याने शवचिकित्सा नंबर, तारीख, संबंधित पोलिस ठाणे, मृतकाचे नाव, वय, अहवाल तयार आहे का, पोलिसांना तो सुपूर्द करण्यात आला आहे का, यासह अनोळखी इसम असल्यास त्याचे छायाचित्र प्रकाशित केले जाते. या सोयीमुळे पोलिस आणि नातेवाइकांची डोकेदुखी वाचली आहे. शिवाय, कामातही पारदर्शकता आल्याने घरबसल्या आपल्या आप्ताचे शवविच्छेदन ‘स्टेटस’ नातेवाइकांना कळत आहे. शवविच्छेदनाचे स्टेटस ऑनलाइन करणारे मेयो राज्यातील पहिले रुग्णालय ठरले. याचे श्रेय डॉ. दीक्षित यांना जाते. याचा आदर्श डोळ्यांसमोर ठेवून पुण्यातील ससून रुग्णालयाने हाच पॅटर्न राबविला. मात्र, जे मेयोने करून दाखविले ते अद्याप मेडिकलला शक्य झालेले नाही.