देसाईगंजमध्ये ८ लाख जप्त

म.टा. प्रतिनिधी, गडचिरोली
जिल्ह्यात नाकाबंदीदरम्यान एका वाहनातुन नेण्यात येणारे सात लाख रुपये पोल‌िसांनी जप्त केले आहेत. येत्या मह‌िन्यात देसाईगंज नगरपालिकेची निवडणूक होत आहे. या पार्श्वभूमीवर पोल‌िसांनी नाकाबंदी केली होती.

ब्रह्मपुरी ते देसाईगंज या रस्त्यावर नाकाबंदीदरम्यान पोल‌िसांना एका वाहनातून एक हजार आणि ५०० रुपयांच्या नोटा असलेली ७ लाख ९२ हजार रुपयांची रक्कम आढळली. ही रक्कम जप्त करुन देसाईगंज पोल‌िस ठाण्यात आणण्यात आली आहे. दरम्यान, अंकूर अग्रवाल या राइस मिल मालकाची ही रक्कम असून त्याने राइस मिलशी संबंधित ही रक्कम असल्याचा दावा पोलिसांसमोर केला आहे. पोल‌िसांनी याबाबतची संपूर्ण कागदपत्रे मागवली असून निवडणूक विभागालाही याची माहिती दिली आहे. एकूणच नगरपरिषद निवडणूक आणि नोटाबंदीच्या पार्श्वभूमीवरील पोल‌िसांच्या नाकेबंदीमुळे अनेकांचे धाबे दणाणले आहेत.