म.टा. प्रतिनिधी, नागपूर
जखमी झाल्यानंतर वेळीच मदत न मिळाल्याने महालेखाकार कार्यालयातील परिविक्षाधीन लेखापालाचा तडफडून मृत्यू झाला. ही हृदयद्रावक घटना शनिवारी पहाटे सदरमधील वॉकर स्ट्रीट भागात उघडकीस आली. एखाद्याला उपचारासाठी मदत न मिळाल्याने मृत्यू झाल्याची नागपुरातील अलीकडच्या काळातील ही पहिलीच घटना होय. भूपेश सतबिरसिंग मीर (३५, रा. गुडगाव, हरयाणा)असे मृताचे नाव आहे.
गतवर्षी भूपेश यांनी केंद्र सरकारच्या लेखाधिकारी पदाची परीक्षा उत्तीर्ण केली. त्यांची केंद्रीय सार्वजनिक बांधकाम विभागात झाली. बांधकाम विभागात रुजू होण्यापूर्वी सर्वांना नागपुरातील महालेखाकार कार्यालयात प्रशिक्षणासाठी पाठविण्यात येते. नागपुरात आल्यापासून ते अन्य परीविक्षाधीन अधिकाऱ्यांसह महालेखाकार कार्यालयाच्या अधिकारी निवासस्थानात राहात होते. शुक्रवारी अखेरची परीक्षा होती. त्यानंतर सर्वांना बांधकाम विभागात नियुक्ती होणार होती. परीक्षा झाल्याने सर्वांनी पार्टी केली. भूपेश हे रात्री मोटरसायकलने (एचआर-२६-बीबी-५८३३) पानठेल्यावर जाण्यासाठी निघाले. याचदरम्यान ते खाली पडले. जखमी झाल्याने तडफडत होते. मदतीसाठी समारे शंभर फूट अंतरापर्यंत चालत गेले. मात्र, त्यांना मदत मिळाली नाही. तडफडून त्यांचा मृत्यू झाला. पहाटे ५ वाजताच्या सुमारास एका नागरिकाने पोलिस नियंत्रण कक्षाला माहिती दिली. नियंत्रण कक्षाने सदर पोलिसांना कळविले. माहिती मिळताच सदर पोलिस स्टेशनचे वरिष्ठ पोलिस निरीक्षक मनोज सिडाम यांच्यासह पोलिसांचा ताफा तेथे पोहोचला. दरम्यान, तूर्त पोलिसांनी मृत्यूची नोंद केली आहे. भूपेश यांचे वडील हरयाणा पोलिस दलात पोलिस निरीक्षक आहेत. भूपेश अविवाहित होते. त्यांना दोन भाऊ आहेत. ते सायंकाळी नातेवाइक नागपुरात पोहोचले. भूपेश यांचे पार्थिव घेऊन हरियाणाला रवाना झाले.
अधिकाऱ्यांचा वादही आला समोर
शुक्रवारी रात्री ९.३० वाजताच्या सुमारास पार्टीदरम्यान अधिकाऱ्यांचा अन्य एका अधिकाऱ्यासोबत वाद झाला होता. त्यांच्यात हाणामारी झाली. त्यानंतर दोन्ही गट सदर पोलिस स्टेशनमध्ये धडकले. सरकारी कर्मचारी असल्याने दोन्ही गटाने प्रकरण सामोपचाराने मिटविले.
१०० रुपये व दारूने घात केला
पार्टीदरम्यान भूपेश यांनी भरपूर मद्यप्राशन केले होते. मद्य प्यायल्यानंतर त्यांना सिगारेटचे व्यसन होते. त्यासाठी त्यांनी मित्राकडून १०० रुपये उसने घेतले. मोटरसायकलने ते सिगारेट पिण्यासाठी जात होते. मात्र मध्येच अपघात झाला अन् जखमी होऊन त्यांचा मृत्यू झाला. दारुनेही त्यांचा घात केला.
जखमी झाल्यानंतर वेळीच मदत न मिळाल्याने महालेखाकार कार्यालयातील परिविक्षाधीन लेखापालाचा तडफडून मृत्यू झाला. ही हृदयद्रावक घटना शनिवारी पहाटे सदरमधील वॉकर स्ट्रीट भागात उघडकीस आली. एखाद्याला उपचारासाठी मदत न मिळाल्याने मृत्यू झाल्याची नागपुरातील अलीकडच्या काळातील ही पहिलीच घटना होय. भूपेश सतबिरसिंग मीर (३५, रा. गुडगाव, हरयाणा)असे मृताचे नाव आहे.
गतवर्षी भूपेश यांनी केंद्र सरकारच्या लेखाधिकारी पदाची परीक्षा उत्तीर्ण केली. त्यांची केंद्रीय सार्वजनिक बांधकाम विभागात झाली. बांधकाम विभागात रुजू होण्यापूर्वी सर्वांना नागपुरातील महालेखाकार कार्यालयात प्रशिक्षणासाठी पाठविण्यात येते. नागपुरात आल्यापासून ते अन्य परीविक्षाधीन अधिकाऱ्यांसह महालेखाकार कार्यालयाच्या अधिकारी निवासस्थानात राहात होते. शुक्रवारी अखेरची परीक्षा होती. त्यानंतर सर्वांना बांधकाम विभागात नियुक्ती होणार होती. परीक्षा झाल्याने सर्वांनी पार्टी केली. भूपेश हे रात्री मोटरसायकलने (एचआर-२६-बीबी-५८३३) पानठेल्यावर जाण्यासाठी निघाले. याचदरम्यान ते खाली पडले. जखमी झाल्याने तडफडत होते. मदतीसाठी समारे शंभर फूट अंतरापर्यंत चालत गेले. मात्र, त्यांना मदत मिळाली नाही. तडफडून त्यांचा मृत्यू झाला. पहाटे ५ वाजताच्या सुमारास एका नागरिकाने पोलिस नियंत्रण कक्षाला माहिती दिली. नियंत्रण कक्षाने सदर पोलिसांना कळविले. माहिती मिळताच सदर पोलिस स्टेशनचे वरिष्ठ पोलिस निरीक्षक मनोज सिडाम यांच्यासह पोलिसांचा ताफा तेथे पोहोचला. दरम्यान, तूर्त पोलिसांनी मृत्यूची नोंद केली आहे. भूपेश यांचे वडील हरयाणा पोलिस दलात पोलिस निरीक्षक आहेत. भूपेश अविवाहित होते. त्यांना दोन भाऊ आहेत. ते सायंकाळी नातेवाइक नागपुरात पोहोचले. भूपेश यांचे पार्थिव घेऊन हरियाणाला रवाना झाले.
अधिकाऱ्यांचा वादही आला समोर
शुक्रवारी रात्री ९.३० वाजताच्या सुमारास पार्टीदरम्यान अधिकाऱ्यांचा अन्य एका अधिकाऱ्यासोबत वाद झाला होता. त्यांच्यात हाणामारी झाली. त्यानंतर दोन्ही गट सदर पोलिस स्टेशनमध्ये धडकले. सरकारी कर्मचारी असल्याने दोन्ही गटाने प्रकरण सामोपचाराने मिटविले.
१०० रुपये व दारूने घात केला
पार्टीदरम्यान भूपेश यांनी भरपूर मद्यप्राशन केले होते. मद्य प्यायल्यानंतर त्यांना सिगारेटचे व्यसन होते. त्यासाठी त्यांनी मित्राकडून १०० रुपये उसने घेतले. मोटरसायकलने ते सिगारेट पिण्यासाठी जात होते. मात्र मध्येच अपघात झाला अन् जखमी होऊन त्यांचा मृत्यू झाला. दारुनेही त्यांचा घात केला.