म. टा. प्रतिनिधी, नागपूर
जगातील सगळ्या देशांच्या राजधान्यांची नावे आठवतात का? किमान सगळे देश तरी सांगू शकाल का? बरे, ते ही जाऊ द्या. भारताच्या आजवरच्या राष्ट्रपतींची नावे क्रमाने सांगू शकाल का? बहुतेकांचे उत्तर नाही, असेच येणार. पण, अक्षराच्या शब्दकोशात ‘नाही’ हा शब्दच नाही. किंबहुना, अक्षरा काळबांडे हिचा मेंदू हाच एक स्वतंत्र कोश आहे, असे म्हटले तर वावगे ठरणार नाही.
पहिल्या वर्गात शिकणाऱ्या अक्षरा काळबांडे हिला अनोख्या स्मरणशक्तीची देणगी लाभली आहे. तिच्या वयाच्याच नव्हे तर मोठ्या माणसांनाही जे सांगणे जमणार नाही, अशी प्रचंड माहिती ती अगदी सहजपणे सांगून जाते. मुख्य म्हणजे यातील कुठलीही गोष्ट तिने पाठ केलेली नाही. स्मरणतंत्राचा वापर करून तिने या गोष्टी लक्षात ठेवल्या आहेत.तिच्या या गुणाचे कौतुक होत आहे.
अक्षराचे शिक्षक वडील प्रशांत आणि प्रीती काळबांडे यांच्या प्रयत्नांमधून अक्षराने हे कौशल्य हस्तगत केले आहे.
‘वयाच्या चौथ्या वर्षी अक्षराच्या या क्षमतेची जाणीव झाली. काही सोप्या गोष्टी तसेच विविध देशांच्या राजधान्यांची नावे तिच्या आईने शिकवली. तेव्हापासून आजतागायत तिने अनेक गोष्टी आत्मसात केल्या आहेत. त्यासाठी सोपी तंत्रे तिला शिकवली.
कोणतीही गोष्ट चित्रांच्या स्वरुपात शिकवली की ती लवकर लक्षात राहते. शिवाय, गंमतीशीर गोष्टींचा उपयोग करूनही अनेक बाबी स्मरणात ठेवता येऊ शकतात. या तंत्राचा उपयोग करून तिने अनेक गोष्टी आत्मसात केल्या आहेत,’ असे प्रशांत काळबांडे यांनी सांगितले.
या स्मरणतंत्राचा लाभ तिला तिच्या अभ्यासातही झाला आहे. येत्या काळात स्मरणशक्तीच्या विक्रमासाठी प्रयत्न करणार असल्याचे, प्रीती काळबांडे म्हणाल्या.
अक्षराच्या स्मरणात...
भारताच्या राष्ट्रपतींची
क्रमवार नावे
शंभर देशांच्या राजधान्यांची नावे
भारतातील विविध प्रसिद्ध गोष्टींची नावे
जगातील प्रसिद्ध गोष्टींची नावे
जगातील अनेक
आश्चर्यकारक गोष्टी
भारतातील आश्चर्ये, नृत्यप्रकार
विविध वैज्ञानक शोधांच्या जनकांची नावे
जगातील सगळ्या देशांच्या राजधान्यांची नावे आठवतात का? किमान सगळे देश तरी सांगू शकाल का? बरे, ते ही जाऊ द्या. भारताच्या आजवरच्या राष्ट्रपतींची नावे क्रमाने सांगू शकाल का? बहुतेकांचे उत्तर नाही, असेच येणार. पण, अक्षराच्या शब्दकोशात ‘नाही’ हा शब्दच नाही. किंबहुना, अक्षरा काळबांडे हिचा मेंदू हाच एक स्वतंत्र कोश आहे, असे म्हटले तर वावगे ठरणार नाही.
पहिल्या वर्गात शिकणाऱ्या अक्षरा काळबांडे हिला अनोख्या स्मरणशक्तीची देणगी लाभली आहे. तिच्या वयाच्याच नव्हे तर मोठ्या माणसांनाही जे सांगणे जमणार नाही, अशी प्रचंड माहिती ती अगदी सहजपणे सांगून जाते. मुख्य म्हणजे यातील कुठलीही गोष्ट तिने पाठ केलेली नाही. स्मरणतंत्राचा वापर करून तिने या गोष्टी लक्षात ठेवल्या आहेत.तिच्या या गुणाचे कौतुक होत आहे.
अक्षराचे शिक्षक वडील प्रशांत आणि प्रीती काळबांडे यांच्या प्रयत्नांमधून अक्षराने हे कौशल्य हस्तगत केले आहे.
‘वयाच्या चौथ्या वर्षी अक्षराच्या या क्षमतेची जाणीव झाली. काही सोप्या गोष्टी तसेच विविध देशांच्या राजधान्यांची नावे तिच्या आईने शिकवली. तेव्हापासून आजतागायत तिने अनेक गोष्टी आत्मसात केल्या आहेत. त्यासाठी सोपी तंत्रे तिला शिकवली.
कोणतीही गोष्ट चित्रांच्या स्वरुपात शिकवली की ती लवकर लक्षात राहते. शिवाय, गंमतीशीर गोष्टींचा उपयोग करूनही अनेक बाबी स्मरणात ठेवता येऊ शकतात. या तंत्राचा उपयोग करून तिने अनेक गोष्टी आत्मसात केल्या आहेत,’ असे प्रशांत काळबांडे यांनी सांगितले.
या स्मरणतंत्राचा लाभ तिला तिच्या अभ्यासातही झाला आहे. येत्या काळात स्मरणशक्तीच्या विक्रमासाठी प्रयत्न करणार असल्याचे, प्रीती काळबांडे म्हणाल्या.
अक्षराच्या स्मरणात...
भारताच्या राष्ट्रपतींची
क्रमवार नावे
शंभर देशांच्या राजधान्यांची नावे
भारतातील विविध प्रसिद्ध गोष्टींची नावे
जगातील प्रसिद्ध गोष्टींची नावे
जगातील अनेक
आश्चर्यकारक गोष्टी
भारतातील आश्चर्ये, नृत्यप्रकार
विविध वैज्ञानक शोधांच्या जनकांची नावे