अ‍ॅपशहर

आणखी एक भूम‌ाफिया एसआयटीच्या जाळ्यात

नागपूर : बनावट दस्तऐवज तयार करून एकच प्लॉट अनेकांना विकणारा आणखी एक भूमाफिया गुन्हे शाखेच्या एसआयटीच्या जाळ्यात अडकला आहे. बापूराव चंपतराव कराळे ( ६५, रा. अयोध्यानगर) असे अटकेतील भूमाफियाचे नाव आहे. वासुदेव पोहाणे (७१, रा. सोमलवाडा) यांच्या तक्रारीवरून ही कारवाई करण्यात आली.

Maharashtra Times 20 Jul 2017, 4:30 am
नागपूर : बनावट दस्तऐवज तयार करून एकच प्लॉट अनेकांना विकणारा आणखी एक भूमाफिया गुन्हे शाखेच्या एसआयटीच्या जाळ्यात अडकला आहे. बापूराव चंपतराव कराळे ( ६५, रा. अयोध्यानगर) असे अटकेतील भूमाफियाचे नाव आहे. वासुदेव पोहाणे (७१, रा. सोमलवाडा) यांच्या तक्रारीवरून ही कारवाई करण्यात आली.
महाराष्ट्र टाइम्स.कॉम nagpur another land mafia arrested
आणखी एक भूम‌ाफिया एसआयटीच्या जाळ्यात


डिसेंबर १९९०मध्ये वासुदेव पोहाणे यांनी चिचभुवन येथील ओम शांती गृहनिर्माण सोसायटीतील दोन प्लॉटचे अगवान मडावी यांच्याकडून विक्रीपत्र केले. बापूराव याने म्युटेशन करण्यासाठी पोहाणे यांच्याकडून दस्तऐवज घेतले. दस्तऐवज परत केले नाही. जानेवारी २००८मध्ये दोन्ही प्लॉट मालती राऊत नावाच्या महिलेला विकले. त्यानंतर याच भूखंडाचे प्रजापती ब्रह्मकुमारीलाही बक्षीसपत्र करून दिले. पोलिस उपायुक्त संभाजी कदम व सहायक पोलिस आयुक्त सोमनाथ वाघचौरे यांच्या मार्गदर्शनाखाली सहायक पोलिस निरीक्षक डी.जे.चोपडे यांनी गुन्हा दाखल करून बापूराव याला अटक केली. त्याच्याविरुद्ध ९७ तक्रारी आहेत. चंद्रपूर येथेही त्याच्याविरुद्ध फसवणुकीचे गुन्हे दाखल आहेत.

दिलीप ग्वालबंशीचा साथीदार गजाआड
मोक्काप्रकरणात फरार असलेला व भूखंडमाफिया दिलीप ग्वालबंशी याचा साथीदाराला एसआयटीने अटक केली आहे. जॉन अन्थोनी स्वामी, असे अटकेतील आरोपीचे नाव आहे. जॉनने दिलीपच्या इशाऱ्यावरून अनेक भूखंडावर ताबा‌ मिळविला होता. मोक्काची कारवाई होताच जॉन फरार झाला होता. एसआयटीने त्याला अटक केली. सहायक पोलिस आयुक्त सोमनाथ वाघचौरे यांनी जॉनला बुधवारी न्यायालयात हजर केले. न्यायालयाने जॉनची २० जुलैपर्यंत पोलिस कोठडीत रवानगी केली.

महत्वाचे लेख

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
ताज्या बातम्यांसह अपडेट राहण्यासाठी लाइक करा Maharashtra Times फेसबुकपेज