म. टा. विशेष प्रतिनिधी, नागपूर
महापालिका निवडणुकीसाठी अपेक्षेहून अधिक इच्छुकांनी दावेदारी केल्याने उद्भवणाऱ्या संभाव्य असंतोषाला रोखण्यासाठी भाजपकडून ब्रेन वॉशिंग सुरू झाले आहे. पहिल्या टप्प्यात निम्मे अर्ज मागे घेऊन अंतिम टप्प्यात ५०० इच्छुकांची यादी मुख्यमंत्री कार्यालय व गडकरी यांच्या वाड्यावर सादर करण्यात येणार आहे.
भाजपच्या उमेदवारीसाठी तीन हजार दोन इच्छुकांनी दावा केला. त्यामुळे पक्षासमोर बंडाचे संकट आले. संघभूमीत कार्यकर्त्यांनी भाजपचा झेंडा सोडून बंडाचा झेंडा घेतल्यास पक्षावर नामुष्की येईल व त्याचा फटका बसू शकतो, या धास्तीतून डॅमेज कंट्रोलसाठी नेते सरसावले आहेत. बहुतांश इच्छुक दावेदारांचा थेटे वाडा किंवा धरमपेठेतील बंगल्यावर संपर्क असल्याने इतर नेत्यांना विशेष भाव नाही. त्यातून पक्षाला मार्ग काढायचा आहे.
एकेका जागेवर पाच ते दहा दावेदार आहे. काही ठिकाणी २० ते ५० दावेदारांनी नेत्यांची डोकेदुखी वाढवली आहे. अशा स्थितीतून मार्ग काढण्याची जबाबदारी नेत्यांवर आली. विधानसभा मतदारसंघनिहाय मेळावे घेऊन इच्छुकांना माघार घेण्यासाठी मन वळवण्यात येत आहे. पहिल्यांदाच संधी मिळत नाही, गिरीश व्यास कसे अनेक वर्षे नगरसेवक होते, कशा निष्ठा कायम ठेवल्या, सुधाकर देशमुख यांनी पक्षात प्रवेश केल्यानंतर संयम ठेवला, आमदारकीसाठी घाई केली नाही, अशी त्यागाची उदाहरणे मांडून सर्वांना संधी मिळेल, निष्ठेने काम करा, घाई करू नका, असा दिलासा देण्यात येत आहे. आतापर्यंत पाच विधानसभा मतदारसंघातील इच्छुकांची समजूत काढण्यात आली. आज, शुक्रवारी मध्य नागपुरातील इच्छुकांशी चर्चा करण्यात येईल. या ब्रेन वॉशिंगमधून किमान निम्म्या दावेदारांनी स्वेच्छेने माघार घेण्यासाठी युद्ध पातळीवर प्रयत्न करण्यात येत आहेत.
दीड हजार इच्छुकांची यादी झाल्यावर त्यातून आणखी एक हजार अर्ज बाद ठरवून फक्त ५०० दावेदारांची यादी करण्यात येईल. संघ मुख्यालय व वाडा असलेला प्रभाग आणि रमणा मारोती प्रभागात तब्बल ५७ दावेदार असल्याने पक्षासमोर मोठा पेच आहे. बर्डी-धरमपेठ प्रभागात मुख्यमंत्र्यांचे विश्वासू संजय बंगाले, माजी नगरसेवक संजय हेजीब, माजी उपमहापौर मुन्ना पोकुलवार यांच्यासह ५७ इच्छुक दावेदार आहेत. बंगाले यांनी गेल्यावेळी अनिल सोले यांच्यासाठी शंकरनगर प्रभाग सोडला. त्यातून त्यांची दावेदारी हेजीब व पोकुलवार यांच्यासाठी आव्हान आहे. पोकुलवार यांना वाड्यावरून शब्द मिळाल्याचा दावा करण्यात येत आहे. अशीच परिस्थिती प्रभागात आहे. प्रतापनगर प्रभागतही अनेक दावेदार समोर आले आहेत. त्यामुळे काही प्रभागातील यादीच वाड्यावर ठेवण्यात येणार असल्याची माहिती पक्षातील सूत्रांनी दिली.
भाजपचे ६४ नगरसेवक असून मुन्ना पोकुलवार, सतीश होले व हरिश डिकोंडवार संलग्न झाले आहेत. अनिल सोले विधान परिषदेत गेले. आणखी दोन-चार नगरसेवकांचा पत्ता साफ होण्याची शक्यता आहे. सुमारे ६० जुनेच चेहरे राहतील. उर्वरितमधून सुमारे ३० नावे जवळपास निश्चित मानली जात आहे. रामगिरी किंवा वाड्यावरून वेळेवर आलेल्या नावांचा विचार करावा लागणार आहे. या पार्श्वभूमीवर निवडणूक प्रमुख आमदार अनिल सोले, आमदार गिरीश व्यास, आमदार सुधाकर देशमुख, शहर अध्यक्ष सुधाकर कोहळे यांच्यासह २३ सदस्यांचे संपूर्ण पॅनल डॅमेज कंट्रोलच्या कामाला लागले आहेत.
महापालिका निवडणुकीसाठी अपेक्षेहून अधिक इच्छुकांनी दावेदारी केल्याने उद्भवणाऱ्या संभाव्य असंतोषाला रोखण्यासाठी भाजपकडून ब्रेन वॉशिंग सुरू झाले आहे. पहिल्या टप्प्यात निम्मे अर्ज मागे घेऊन अंतिम टप्प्यात ५०० इच्छुकांची यादी मुख्यमंत्री कार्यालय व गडकरी यांच्या वाड्यावर सादर करण्यात येणार आहे.
भाजपच्या उमेदवारीसाठी तीन हजार दोन इच्छुकांनी दावा केला. त्यामुळे पक्षासमोर बंडाचे संकट आले. संघभूमीत कार्यकर्त्यांनी भाजपचा झेंडा सोडून बंडाचा झेंडा घेतल्यास पक्षावर नामुष्की येईल व त्याचा फटका बसू शकतो, या धास्तीतून डॅमेज कंट्रोलसाठी नेते सरसावले आहेत. बहुतांश इच्छुक दावेदारांचा थेटे वाडा किंवा धरमपेठेतील बंगल्यावर संपर्क असल्याने इतर नेत्यांना विशेष भाव नाही. त्यातून पक्षाला मार्ग काढायचा आहे.
एकेका जागेवर पाच ते दहा दावेदार आहे. काही ठिकाणी २० ते ५० दावेदारांनी नेत्यांची डोकेदुखी वाढवली आहे. अशा स्थितीतून मार्ग काढण्याची जबाबदारी नेत्यांवर आली. विधानसभा मतदारसंघनिहाय मेळावे घेऊन इच्छुकांना माघार घेण्यासाठी मन वळवण्यात येत आहे. पहिल्यांदाच संधी मिळत नाही, गिरीश व्यास कसे अनेक वर्षे नगरसेवक होते, कशा निष्ठा कायम ठेवल्या, सुधाकर देशमुख यांनी पक्षात प्रवेश केल्यानंतर संयम ठेवला, आमदारकीसाठी घाई केली नाही, अशी त्यागाची उदाहरणे मांडून सर्वांना संधी मिळेल, निष्ठेने काम करा, घाई करू नका, असा दिलासा देण्यात येत आहे. आतापर्यंत पाच विधानसभा मतदारसंघातील इच्छुकांची समजूत काढण्यात आली. आज, शुक्रवारी मध्य नागपुरातील इच्छुकांशी चर्चा करण्यात येईल. या ब्रेन वॉशिंगमधून किमान निम्म्या दावेदारांनी स्वेच्छेने माघार घेण्यासाठी युद्ध पातळीवर प्रयत्न करण्यात येत आहेत.
दीड हजार इच्छुकांची यादी झाल्यावर त्यातून आणखी एक हजार अर्ज बाद ठरवून फक्त ५०० दावेदारांची यादी करण्यात येईल. संघ मुख्यालय व वाडा असलेला प्रभाग आणि रमणा मारोती प्रभागात तब्बल ५७ दावेदार असल्याने पक्षासमोर मोठा पेच आहे. बर्डी-धरमपेठ प्रभागात मुख्यमंत्र्यांचे विश्वासू संजय बंगाले, माजी नगरसेवक संजय हेजीब, माजी उपमहापौर मुन्ना पोकुलवार यांच्यासह ५७ इच्छुक दावेदार आहेत. बंगाले यांनी गेल्यावेळी अनिल सोले यांच्यासाठी शंकरनगर प्रभाग सोडला. त्यातून त्यांची दावेदारी हेजीब व पोकुलवार यांच्यासाठी आव्हान आहे. पोकुलवार यांना वाड्यावरून शब्द मिळाल्याचा दावा करण्यात येत आहे. अशीच परिस्थिती प्रभागात आहे. प्रतापनगर प्रभागतही अनेक दावेदार समोर आले आहेत. त्यामुळे काही प्रभागातील यादीच वाड्यावर ठेवण्यात येणार असल्याची माहिती पक्षातील सूत्रांनी दिली.
भाजपचे ६४ नगरसेवक असून मुन्ना पोकुलवार, सतीश होले व हरिश डिकोंडवार संलग्न झाले आहेत. अनिल सोले विधान परिषदेत गेले. आणखी दोन-चार नगरसेवकांचा पत्ता साफ होण्याची शक्यता आहे. सुमारे ६० जुनेच चेहरे राहतील. उर्वरितमधून सुमारे ३० नावे जवळपास निश्चित मानली जात आहे. रामगिरी किंवा वाड्यावरून वेळेवर आलेल्या नावांचा विचार करावा लागणार आहे. या पार्श्वभूमीवर निवडणूक प्रमुख आमदार अनिल सोले, आमदार गिरीश व्यास, आमदार सुधाकर देशमुख, शहर अध्यक्ष सुधाकर कोहळे यांच्यासह २३ सदस्यांचे संपूर्ण पॅनल डॅमेज कंट्रोलच्या कामाला लागले आहेत.