म. टा. प्रतिनिधी, नागपूर
प्रत्येक पक्षात दिग्गजांची संख्या जास्त आहे. मात्र, कुठे आरक्षणाचा फटका, तर कुठे लढताच येईना, अशी परिस्थिती सावनेर तालुक्यात झाल्याने सर्वच पक्षातील सदस्यांची पंचाईत झाली आहे. विशेष म्हणजे, सत्तापक्ष भाजपमधील सदस्यांनाही फटका बसत आहे.
या तालुक्यात सहा सर्कल आहेत. बडेगाव (खुला प्रवर्ग, महिला), वाकोडी (सर्वसाधारण, महिला), केळवद (सर्वसाधारण महिला), पाटणसावंगी (अनुसूचित जमाती), वलनी (खुला प्रवर्ग) अशी सहा सर्कल आहेत. काँग्रेस आणि भाजपमध्ये थेट लढत आहे. या दोन पक्षांव्यतिरिक्त कोणत्याही पक्षाला गेल्या पंधरा-वीस वर्षांत खाते उघडता आलेले नाही. बडेगाव सर्कलमधून २००२ साली काँग्रेसकडून रेखा डोंगरे, २००७ मध्ये शांताराम मडावी निवडून आले होते. २०१२ साली भाजपचे जिल्हा परिषदेतील गटनेते विजय देशमुख सदस्य आहेत. यंदा महिलेसाठी सर्कल राखीव झाल्याने देशमुख यांच्या पत्नी निवडणूक लढण्याच्या तयारीत आहेत. काँग्रेसकडून सामाजिक कार्यकर्ते अमर सुके यांच्या पत्नी रिंगणात उतरू शकतात. वाकोडी सर्कलमधून २००२ साली भाजपचे अशोक चांदूरकर, २००७ साली मदनकर आणि त्यानंतर २०१२ साली शांताराम मडावी निवडून आले. मदनकर यंदा वलनी सर्कलमधून लढण्यासाठी आग्रही आहेत. पाटनसावंगी सर्कलवरील काँग्रेसची पकड हळूहळू कमी होत आहे. २००२ मध्ये आमदार सुनील केदार यांच्या वहिनी वनिता केदार, २००७ मध्ये भाजपमधून सोनबा मुसळे आणि २०१२ मध्ये सुरेंद्र शेंडे सदस्य म्हणून निवडून आलेत. मात्र, या निवडणुकीत शेंडे लढू शकणार नाहीत. वलनी सर्कलमधून २००२ मध्ये काँग्रेसचे हंसराज सुखदेवे, २००७ मध्ये अशोक चांदूरकर आणि २०१२ मध्ये छाया ढोले निवडून आल्या.
गेडाम भाजपसाठी डोकेदुखी!
सहा सर्कलपैकी केवळ एक सर्कल खुल्या प्रवर्गात आहे. त्यामुळे साऱ्यांनी या सर्कलकडे लक्ष केंद्रित केले आहे. कधी न भटकणारी नेतेमंडळी या सर्कलमध्ये कार्यक्रमांचे आयोजन करीत आहेत. खापरखेडा-चिचोली सर्कलमधून रिपब्लिकन पार्टी ऑफ इंडियाचे दीपक गेडाम जिल्हा परिषदेचे समाजकल्याण सभापती आहेत. गेडाम यांनीही वलनी सर्कलमध्ये प्रचाराचे रणशिंग फुंकले आहेत. त्यामुळे भाजपसाठी गेडाम डोकेदुखी ठरू शकतात.
प्रत्येक पक्षात दिग्गजांची संख्या जास्त आहे. मात्र, कुठे आरक्षणाचा फटका, तर कुठे लढताच येईना, अशी परिस्थिती सावनेर तालुक्यात झाल्याने सर्वच पक्षातील सदस्यांची पंचाईत झाली आहे. विशेष म्हणजे, सत्तापक्ष भाजपमधील सदस्यांनाही फटका बसत आहे.
या तालुक्यात सहा सर्कल आहेत. बडेगाव (खुला प्रवर्ग, महिला), वाकोडी (सर्वसाधारण, महिला), केळवद (सर्वसाधारण महिला), पाटणसावंगी (अनुसूचित जमाती), वलनी (खुला प्रवर्ग) अशी सहा सर्कल आहेत. काँग्रेस आणि भाजपमध्ये थेट लढत आहे. या दोन पक्षांव्यतिरिक्त कोणत्याही पक्षाला गेल्या पंधरा-वीस वर्षांत खाते उघडता आलेले नाही. बडेगाव सर्कलमधून २००२ साली काँग्रेसकडून रेखा डोंगरे, २००७ मध्ये शांताराम मडावी निवडून आले होते. २०१२ साली भाजपचे जिल्हा परिषदेतील गटनेते विजय देशमुख सदस्य आहेत. यंदा महिलेसाठी सर्कल राखीव झाल्याने देशमुख यांच्या पत्नी निवडणूक लढण्याच्या तयारीत आहेत. काँग्रेसकडून सामाजिक कार्यकर्ते अमर सुके यांच्या पत्नी रिंगणात उतरू शकतात. वाकोडी सर्कलमधून २००२ साली भाजपचे अशोक चांदूरकर, २००७ साली मदनकर आणि त्यानंतर २०१२ साली शांताराम मडावी निवडून आले. मदनकर यंदा वलनी सर्कलमधून लढण्यासाठी आग्रही आहेत. पाटनसावंगी सर्कलवरील काँग्रेसची पकड हळूहळू कमी होत आहे. २००२ मध्ये आमदार सुनील केदार यांच्या वहिनी वनिता केदार, २००७ मध्ये भाजपमधून सोनबा मुसळे आणि २०१२ मध्ये सुरेंद्र शेंडे सदस्य म्हणून निवडून आलेत. मात्र, या निवडणुकीत शेंडे लढू शकणार नाहीत. वलनी सर्कलमधून २००२ मध्ये काँग्रेसचे हंसराज सुखदेवे, २००७ मध्ये अशोक चांदूरकर आणि २०१२ मध्ये छाया ढोले निवडून आल्या.
गेडाम भाजपसाठी डोकेदुखी!
सहा सर्कलपैकी केवळ एक सर्कल खुल्या प्रवर्गात आहे. त्यामुळे साऱ्यांनी या सर्कलकडे लक्ष केंद्रित केले आहे. कधी न भटकणारी नेतेमंडळी या सर्कलमध्ये कार्यक्रमांचे आयोजन करीत आहेत. खापरखेडा-चिचोली सर्कलमधून रिपब्लिकन पार्टी ऑफ इंडियाचे दीपक गेडाम जिल्हा परिषदेचे समाजकल्याण सभापती आहेत. गेडाम यांनीही वलनी सर्कलमध्ये प्रचाराचे रणशिंग फुंकले आहेत. त्यामुळे भाजपसाठी गेडाम डोकेदुखी ठरू शकतात.