म.टा.प्रतिनिधी, नागपूर
भूखंडविक्री प्रकरणात गुन्हा दाखल होऊ नये, म्हणून तडजोडीत पोलिसाला लाचेसाठी मध्यस्थ म्हणून मदत करणारा भाजपचा माजी महापौर देवराव उमरेडकर शुक्रवारी लाचलुचपत प्रतिबंधक विभागाच्या जाळ्यात अलगद अडकला. या घटनेमुळे राजकीय वर्तुळात एकच खळबळ उडाली. पोलिसांसोबत एका राजकीय व्यक्तीने थेट लाच स्वीकारण्याची ही नागपुरातील पहिलीच घटना असल्याची चर्चा आहे. यापूर्वीही या माजी महापौराविरुद्ध काही गुन्हे दाखल आहेत.
माजी महापौर देवराव उमरेडकर व पोलिस शिपाई विजय झोलदेव (५२) अशी आरोपींची नावे आहेत. विजय हा मानकापूर पोलिस ठाण्यात नायक पोलिस शिपाई म्हणून कार्यरत आहे. काही दिवसांपूर्वी मंगलधाम सोसायटी, अमरावती रोड येथील एका रहिवाशाने मौजा गोधनी येथील जमिनीचे विक्रीपत्र केले. हे विक्रीपत्र फसवे होते. याबाबत मानकापूर पोलिस ठाण्यात तक्रारअर्ज प्राप्त झाला.
६ नोव्हेंबरला संबंधितास बयानासाठी मानकापूर ठाण्यात बोलाविण्यात आले. त्यावेळी विजय झोलदेव याच्याकडे तपास होता. झोलदेव याने आलेल्या तक्रारीवर कायदेशीर कारवाई टाळण्यासाठी ४० हजारांच्या लाचेची मागणी केली. मात्र, तडजोडीत ही पहिल्या हप्त्यात ही रक्कम २५ हजार एवढी ठरली.
लाच द्यायची नसल्याने संबंधिताने एसीबीकडे धाव घेतली. त्यानुसार, एसीबीच्या पथकाने शुक्रवारी दुपारी १.३० वाजता सापळा रचला. पोलिस ठाण्याच्या परिसरातील मोकळ्या जागेत उमरेडकर हजर होता. लाचेची रक्कम उमरेडकरने स्वीकारली. त्यानंतर ही रक्कम झोलदेव याला दिली. त्यानंतर झोलदेव दुसऱ्याच्या वाहनावर बसून जात असताना पथकाने लगेच त्याच्यावरही झडप टाकत ताब्यात घेतले. दोघांविरुद्धही मानकापूर पोलिस ठाण्यात भ्रष्टाचार प्रतिबंधक कायद्यांनुसार गुन्हा दाखल करून अटक करण्यात आली.
ही कारवाई एसीबीचे पोलिस अधिक्षक पी. आर. पाटील यांच्या मार्गदर्शनात अप्पर पोलिस अधीक्षक विजय माहुलकर, पोलिस निरीक्षक फाल्गुन घोडमारे, रवी डहाट, मंगेश कळंबे, रितेश तिवारी यांनी बजावली.
धनादेश न वाटल्याने उमरेडकरला शिक्षाही
औटघटकेचे महापौरपद भोगलेला देवराव उमरेडकर याला काही महिन्यांपूर्वीच धनादेश न वटल्याप्रकरणी पाच महिन्यांची शिक्षा सुनावण्यात आली आहे. जातवैधता प्रमाणपत्र सादर न केल्याने त्याचे महापौरपद गेले होते. महापौरपदाचा त्याचा कार्यकाळही वादग्रस्त होता. त्याने २०१३मध्ये एका बँकेकडून कर्ज घेतले होते आणि घर तारण ठेवले होते. त्यानंतरच हेच घर सोडविण्यासाठी त्याने मित्र सुरेश भरडभुंजे यांच्याकडून परत १० लाखांचे दुसरे कर्जही घेतले. या मोबदल्यात उमरेडकरने भरडभुंजे यांना गांधीबाग येथील साधना सहकारी बँकेचा धनादेश दिला. हा धनादेश वटला नाही. भरडभुंजे यांनी पैशांसाठी तगादा लावला. मात्र, पैसे मिळत नसल्याने अखेर त्यांनी कायदेशीर नोटीस पाठवून न्यायालयात धाव घेतली. ७ सप्टेंबर, २०१७ रोजी न्यायदंडाधिकारी पी. सी. फटाले यांनी ‘निगोशिएबल इन्स्ट्रुमेंट अॅक्ट’च्या कलम १३८ अंतर्गत उमरेडकरला दोषी धरले. तसेच पाच महिन्यांची शिक्षाही सुनावली. याप्रकरणीही तो जामिनावर आहे.
भूखंडविक्री प्रकरणात गुन्हा दाखल होऊ नये, म्हणून तडजोडीत पोलिसाला लाचेसाठी मध्यस्थ म्हणून मदत करणारा भाजपचा माजी महापौर देवराव उमरेडकर शुक्रवारी लाचलुचपत प्रतिबंधक विभागाच्या जाळ्यात अलगद अडकला. या घटनेमुळे राजकीय वर्तुळात एकच खळबळ उडाली. पोलिसांसोबत एका राजकीय व्यक्तीने थेट लाच स्वीकारण्याची ही नागपुरातील पहिलीच घटना असल्याची चर्चा आहे. यापूर्वीही या माजी महापौराविरुद्ध काही गुन्हे दाखल आहेत.
माजी महापौर देवराव उमरेडकर व पोलिस शिपाई विजय झोलदेव (५२) अशी आरोपींची नावे आहेत. विजय हा मानकापूर पोलिस ठाण्यात नायक पोलिस शिपाई म्हणून कार्यरत आहे. काही दिवसांपूर्वी मंगलधाम सोसायटी, अमरावती रोड येथील एका रहिवाशाने मौजा गोधनी येथील जमिनीचे विक्रीपत्र केले. हे विक्रीपत्र फसवे होते. याबाबत मानकापूर पोलिस ठाण्यात तक्रारअर्ज प्राप्त झाला.
६ नोव्हेंबरला संबंधितास बयानासाठी मानकापूर ठाण्यात बोलाविण्यात आले. त्यावेळी विजय झोलदेव याच्याकडे तपास होता. झोलदेव याने आलेल्या तक्रारीवर कायदेशीर कारवाई टाळण्यासाठी ४० हजारांच्या लाचेची मागणी केली. मात्र, तडजोडीत ही पहिल्या हप्त्यात ही रक्कम २५ हजार एवढी ठरली.
लाच द्यायची नसल्याने संबंधिताने एसीबीकडे धाव घेतली. त्यानुसार, एसीबीच्या पथकाने शुक्रवारी दुपारी १.३० वाजता सापळा रचला. पोलिस ठाण्याच्या परिसरातील मोकळ्या जागेत उमरेडकर हजर होता. लाचेची रक्कम उमरेडकरने स्वीकारली. त्यानंतर ही रक्कम झोलदेव याला दिली. त्यानंतर झोलदेव दुसऱ्याच्या वाहनावर बसून जात असताना पथकाने लगेच त्याच्यावरही झडप टाकत ताब्यात घेतले. दोघांविरुद्धही मानकापूर पोलिस ठाण्यात भ्रष्टाचार प्रतिबंधक कायद्यांनुसार गुन्हा दाखल करून अटक करण्यात आली.
ही कारवाई एसीबीचे पोलिस अधिक्षक पी. आर. पाटील यांच्या मार्गदर्शनात अप्पर पोलिस अधीक्षक विजय माहुलकर, पोलिस निरीक्षक फाल्गुन घोडमारे, रवी डहाट, मंगेश कळंबे, रितेश तिवारी यांनी बजावली.
धनादेश न वाटल्याने उमरेडकरला शिक्षाही
औटघटकेचे महापौरपद भोगलेला देवराव उमरेडकर याला काही महिन्यांपूर्वीच धनादेश न वटल्याप्रकरणी पाच महिन्यांची शिक्षा सुनावण्यात आली आहे. जातवैधता प्रमाणपत्र सादर न केल्याने त्याचे महापौरपद गेले होते. महापौरपदाचा त्याचा कार्यकाळही वादग्रस्त होता. त्याने २०१३मध्ये एका बँकेकडून कर्ज घेतले होते आणि घर तारण ठेवले होते. त्यानंतरच हेच घर सोडविण्यासाठी त्याने मित्र सुरेश भरडभुंजे यांच्याकडून परत १० लाखांचे दुसरे कर्जही घेतले. या मोबदल्यात उमरेडकरने भरडभुंजे यांना गांधीबाग येथील साधना सहकारी बँकेचा धनादेश दिला. हा धनादेश वटला नाही. भरडभुंजे यांनी पैशांसाठी तगादा लावला. मात्र, पैसे मिळत नसल्याने अखेर त्यांनी कायदेशीर नोटीस पाठवून न्यायालयात धाव घेतली. ७ सप्टेंबर, २०१७ रोजी न्यायदंडाधिकारी पी. सी. फटाले यांनी ‘निगोशिएबल इन्स्ट्रुमेंट अॅक्ट’च्या कलम १३८ अंतर्गत उमरेडकरला दोषी धरले. तसेच पाच महिन्यांची शिक्षाही सुनावली. याप्रकरणीही तो जामिनावर आहे.