Nagpur Bjp Registers Brem Corporators As Their Part
तरीही बरिएमंची भाजपसोबत नोंदणी
भाजपच्या ‘कमळ’ चिन्हावर निवडणूक लढवून विजयी झालेल्या बहुजन रिपब्लिकन एकता मंचच्या दोन नगरसेवकांना आता वेगळे नांदायचे आहे. निवडणूक आयोगाकडे बरिएमंच्या दोन नगरसेवकांची स्वतंत्र नोंदणी करण्यास हरकत नसावी, असे पत्र मंचच्या नेत्या सुलेखा कुंभारे यांनी नितीन गडकरींना दिले. भाजपने मात्र त्या दोन्ही नगरसेवकांची नोंदणी भाजपच्या गटातच केली.
Maharashtra Times1 Mar 2017, 4:30 am
म. टा. प्रतिनिधी, नागपूर
महाराष्ट्र टाइम्स.कॉमतरीही बरिएमंची भाजपसोबत नोंदणी
भाजपच्या ‘कमळ’ चिन्हावर निवडणूक लढवून विजयी झालेल्या बहुजन रिपब्लिकन एकता मंचच्या दोन नगरसेवकांना आता वेगळे नांदायचे आहे. निवडणूक आयोगाकडे बरिएमंच्या दोन नगरसेवकांची स्वतंत्र नोंदणी करण्यास हरकत नसावी, असे पत्र मंचच्या नेत्या सुलेखा कुंभारे यांनी नितीन गडकरींना दिले. भाजपने मात्र त्या दोन्ही नगरसेवकांची नोंदणी भाजपच्या गटातच केली.
भाजप पुरस्कृत बरिएमंचे उमेदवार वंदना भगत या प्रभाग क्र.३३ व नागेश सहारे हे प्रभाग क्र.३० येथून निवडून आले आहेत. या दोघांची उमेदवारीही बरिएमंच्या कोट्यातून भाजपने दिली. मात्र, या दोन्ही उमेदवारांना भाजपचे एबी फॉर्म असल्याने निवडणूक चिन्ह ‘कमळ’ मिळाले. त्यामुळे काही तांत्रिक अडचणी निर्माण झाल्या. कुंभारे यांनी गडकरी व इतरांना पाठविलेल्या पत्रात ‘बरिएमंचे उमेदवार’, असा उल्लेख करावा, असा स्पष्ट उल्लेख केला आहे. बरिएमंने यापूर्वीच्या विधानसभा निवडणुकीत भाजपला समर्थन दिले. शाहू-फुले-आंबेडकर यांच्या विचारांच्या अस्तित्वाकरिता बहुजन रिपब्लिकन एकता मंचची स्थापना करण्यात आली. आंबेडकरी चळवळीतील आपले विचार कायम ठेवून भाजपच्या विजयासाठी बरिएमं सोबत होती. अशा परिस्थितीत बरिएमंचे स्वतंत्र अस्तित्व कायम असावे, यासाठीची ही धडपड होती. तसा प्रयत्नही करण्यात आला. शिवाय, वंदना भगत व नागेश सहारे यांचा या नोंदणीत ‘बरिएमंचे उमेदवार’ असा उल्लेखही नाही. त्यामुळे भाजपने हा प्रयत्न संपुष्टात आणला. गट नोंदणीत भाजपची नोंदणी करताना बरिएमं, असा साधा उल्लेखही नाही. दरम्यान, गेल्यावेळी अपक्षांच्या गटात बरिएमंचचा समावेश होता. राहुल तेलंग यांच्या रूपात एक नगरसेवक होता. आता हे दोन्ही उमेदवार गटाच्या नोंदणीनुसार तांत्रिकदृष्ट्या भाजपचेच असतील. त्यामुळे मंचाची स्वतंत्रतेची शेवटची धडपडही व्यर्थ गेली.
‘भाजप’ची गट नोंदणी मंगळवारी सकाळी भाजप व समर्थित बरिएमंचचे दोन्ही, असे १०८ नगरसेवक मनपा मुख्यालयातील सत्तापक्ष नेत्यांच्या कक्षात गोळा झाले. यावेळी नवनिर्वाचीत नगरसेवक-नगरसेविकांना काही सूचना करण्यात आल्या. गट नोंदणीच्या अर्जावर सर्वांची स्वाक्षरी व पत्ते सोबतच त्यांचे विजयाचे प्रमाणपत्रही घेण्यात आले. ‘आघाडी’म्हणून नोंदणी नसल्याने सर्व नगरसेवकांना विभागीय आयुक्तांकडे जाण्याची गरज नाही. त्यामुळे गट नोंदणीची जबाबदारी महापौर प्रवीण दटके, सत्तापक्ष नेते दयाशंकर तिवारी, संदीप जोशी यांच्यावर सोपविण्यात आली. मनपातील बैठकीत शहराध्यक्ष सुधाकर कोहळे, आमदार सुधाकर देशमुख, आमदार प्रा. अनिल सोले, महापौर प्रवीण दटके, आमदार विकास कुंभारे, दयाशंकर तिवारी, संदीप जोशी व सर्व नवनिर्वाचीत नगरसेवक-नगरसेविका उपस्थित होते.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.