म. टा. विशेष प्रतिनिधी, नागपूर
व्हॅलेंटाइन सप्ताहामुळे तरुणाईचा उत्साह, जोश एकेका दिवसाच्या महत्त्वानुसार बदलत आहे. चॉकलेट असो किंवा प्रॉमिस डे, प्रत्येक दिवसाचे महत्त्व लक्षात घेऊन त्याचे अनुभव घेण्यात येत असताना राजकारणीदेखील मागे नाहीत. महापालिका निवडणुकीचे निमित्त साधून अनेकांनी शुक्रवारीच ‘प्रॉमिस’ करून टाकले. ते कितपत पूर्ण होईल माहिती नाही.
व्हॅलेंटाइन सप्ताहातील आणखी महत्त्वाचा दिवस म्हणजे ‘प्रॉमिस डे’ आज, शनिवारी आहे. अद्याप एकाही प्रमुख पक्षाने जाहीरनामा प्रकाशित केलेला नाही. सर्व प्रभागांमध्ये प्रचाराला सुरुवात झाली असली तरी, स्थानिक पातळीवर मौखिक आश्वासनांवरच उमेदवारांचा भर आहे. गेल्या काही निवडणुकांपासून नागपूरला आंतरराष्ट्रीय नकाशावर नेण्याचे आश्वासन अनेक पक्षांच्या नेत्यांनी दिले. विशेषतः भाजप व काँग्रेसने शहराचा चेहरामोहरा बदलवून आंतरराष्ट्रीय शहर करण्याचे आश्वासन दिले. गेल्या काही महिन्यातील कामांचा अपवाद वगळता त्या दिशेने ठोस प्रयत्न झाले नाही. अपघातमुक्त शहर करण्याची घोषणा केंद्रीय मंत्री नितीन गडकरी यांनी केली. परंतु, शहरात अपघातांचे प्रमाण कमी झाले नाही. त्यात भर म्हणजे संपूर्ण शहर खोदून ठेवले. मेट्रो रेल्वे, सिमेंट रोड, केबल्सची कामे अशी अनेक कामे एकाचवेळी करण्याची जाग प्रशासनाला आताच आली. एकीकडे धूळ आणि दुसरीकडे वाहतुकीची कोंडी अशी कसरत नागरिकांना करावी लागत आहे.
‘प्रॉमिस डे’ला राजकारण्यांकडून कोणती आश्वासने मिळतात, हा औत्सुक्याचा विषय असला तरी, अद्याप जाहिरनाम्यांचा मुहूर्त निघालेला नाही. त्यामुळे विविध पक्षांच्या जादुच्या पेटाऱ्यातून भुरळ कशी घातली याकडे सर्वांचे लक्ष लागले आहे.
नागनदीच्या काठावरती...
एकट्या नाग नदीचा विचार केल्यास मुख्यमंत्री देवेंद्र फडणवीस व केंद्रीय मंत्री नितीन गडकरी यांच्यासाठी ती जिव्हाळ्याची आहे. महापौर असतानापासून मुख्यमंत्र्यांनी नाग नदीचा अभ्यास केला. गडकरी यांना केंद्रात तीन वर्षे होण्यास काही महिने आहेत. यानंतरही नदीची स्थिती ‘जैसे थे’ आहे. यावरून आश्वासने व कामाच्या वेगाची कल्पना करता येईल. गरिबांना स्वस्त घरे, स्वच्छता, अतिक्रमणाचा विळखा, अवैध बांधकाम, प्रदूषण, अनेक मार्गांवर होणारी वाहतुकीची कोंडी, हॉकर्सचे प्रश्न, फूटपाथ कुणाचा आणि सत्ता परिवर्तनानंतरही बंद न झालेली टक्केवारी यावर कोणते वचन मिळते आणि त्याची पूर्तता केव्हा होईल, असा प्रश्न नागरिकांना पडला आहे.
व्हॅलेंटाइन सप्ताहामुळे तरुणाईचा उत्साह, जोश एकेका दिवसाच्या महत्त्वानुसार बदलत आहे. चॉकलेट असो किंवा प्रॉमिस डे, प्रत्येक दिवसाचे महत्त्व लक्षात घेऊन त्याचे अनुभव घेण्यात येत असताना राजकारणीदेखील मागे नाहीत. महापालिका निवडणुकीचे निमित्त साधून अनेकांनी शुक्रवारीच ‘प्रॉमिस’ करून टाकले. ते कितपत पूर्ण होईल माहिती नाही.
व्हॅलेंटाइन सप्ताहातील आणखी महत्त्वाचा दिवस म्हणजे ‘प्रॉमिस डे’ आज, शनिवारी आहे. अद्याप एकाही प्रमुख पक्षाने जाहीरनामा प्रकाशित केलेला नाही. सर्व प्रभागांमध्ये प्रचाराला सुरुवात झाली असली तरी, स्थानिक पातळीवर मौखिक आश्वासनांवरच उमेदवारांचा भर आहे. गेल्या काही निवडणुकांपासून नागपूरला आंतरराष्ट्रीय नकाशावर नेण्याचे आश्वासन अनेक पक्षांच्या नेत्यांनी दिले. विशेषतः भाजप व काँग्रेसने शहराचा चेहरामोहरा बदलवून आंतरराष्ट्रीय शहर करण्याचे आश्वासन दिले. गेल्या काही महिन्यातील कामांचा अपवाद वगळता त्या दिशेने ठोस प्रयत्न झाले नाही. अपघातमुक्त शहर करण्याची घोषणा केंद्रीय मंत्री नितीन गडकरी यांनी केली. परंतु, शहरात अपघातांचे प्रमाण कमी झाले नाही. त्यात भर म्हणजे संपूर्ण शहर खोदून ठेवले. मेट्रो रेल्वे, सिमेंट रोड, केबल्सची कामे अशी अनेक कामे एकाचवेळी करण्याची जाग प्रशासनाला आताच आली. एकीकडे धूळ आणि दुसरीकडे वाहतुकीची कोंडी अशी कसरत नागरिकांना करावी लागत आहे.
‘प्रॉमिस डे’ला राजकारण्यांकडून कोणती आश्वासने मिळतात, हा औत्सुक्याचा विषय असला तरी, अद्याप जाहिरनाम्यांचा मुहूर्त निघालेला नाही. त्यामुळे विविध पक्षांच्या जादुच्या पेटाऱ्यातून भुरळ कशी घातली याकडे सर्वांचे लक्ष लागले आहे.
नागनदीच्या काठावरती...
एकट्या नाग नदीचा विचार केल्यास मुख्यमंत्री देवेंद्र फडणवीस व केंद्रीय मंत्री नितीन गडकरी यांच्यासाठी ती जिव्हाळ्याची आहे. महापौर असतानापासून मुख्यमंत्र्यांनी नाग नदीचा अभ्यास केला. गडकरी यांना केंद्रात तीन वर्षे होण्यास काही महिने आहेत. यानंतरही नदीची स्थिती ‘जैसे थे’ आहे. यावरून आश्वासने व कामाच्या वेगाची कल्पना करता येईल. गरिबांना स्वस्त घरे, स्वच्छता, अतिक्रमणाचा विळखा, अवैध बांधकाम, प्रदूषण, अनेक मार्गांवर होणारी वाहतुकीची कोंडी, हॉकर्सचे प्रश्न, फूटपाथ कुणाचा आणि सत्ता परिवर्तनानंतरही बंद न झालेली टक्केवारी यावर कोणते वचन मिळते आणि त्याची पूर्तता केव्हा होईल, असा प्रश्न नागरिकांना पडला आहे.