म.टा. विशेष प्रतिनिधी, नागपूर
भारतात कुत्रा हा सर्वाधिक लोकप्रिय पाळीव प्राणी असला तरी जगात मांजरींची संख्या कुत्र्यांपेक्षा अधिक आहे. एकट्या नागपूर शहरात पाळलेल्या मांजरी जवळपास अडीच हजार आहेत.
दरवर्षी ८ ऑगस्ट हा जागतिकस्तरावर मांजर दिन म्हणून साजरा होतो. मांजरप्रेमींमध्ये मांजरींविषयी जागरुकता निर्माण करणे, हा यामागील उद्देश आहे. कुत्रा जसा प्राचीन काळापासून माणसाचा मित्र आहे, त्याचप्रमाणे मांजरही माणसाच्या सहवासातच राहात आली आहे. जगातला पहिला ‘कॅट शो’ १८७१ साली लंडनमध्ये झाला होता. नागपुरातील पशुवैद्यकतज्ज्ञ डॉ. हेमंत जैन यांनी दिलेल्या माहितीनुसार, भारतात कुत्रा मोठ्या प्रमाणात पाळला जातो, हे खरे आहे. पण, जगभरात मांजर सर्वाधिक पाळली जाते. जगात जवळपास १० कोटी २० लाख मांजरी आहेत आणि त्यातील ५० टक्के मांजरी अमेरिकेत आहेत. कुत्रा चावून रॅबिज झाल्याने मृत्यू होण्याच्या घटना अनेकदा घडतात, पण कुत्र्यांच्या तुलनेत मांजर चावल्याने रॅबिज होऊन मृत्यू येणाऱ्यांचे प्रमाण जगात सर्वाधिक आहे. पण, काही कुत्रे जसे स्वतःहून हल्ला करतात, तशी मांजर कधीच करीत नाही. कुठूनतरी मांजर आली की मग तिला रोज दूध, पोळी वगैरे देऊन तिचे पालनपोषण केले जाते. पण, मुद्दाम मांजर पाळणाऱ्यांची संख्याही मोठी आहे. नागपुरात अशा २५०० पाळीव मांजरी आहेत. अनेकजण मांजर विकत घेऊन ती पाळतात. बाजारात २ हजार ते २० हजार रुपयांपर्यंतच्या मांजरी मिळतात.
नियमित लसीकरण हवे
अनेकजण मांजरीच्या आरोग्याविषयी मात्र उदासीन असतात. मांजरीचे लसीकरण नियमित होणे आवश्यक आहे. त्यामुळे तिची प्रकृती चांगली राहतेच, शिवाय माणसांवरही अनिष्ट परिणाम होत नाही. त्याचप्रमाणे महिन्यातून एकदा तिला जंतनाशक औषध द्यावे लागते. मांजरीचे आणखी एक वैशिष्ट्य म्हणजे ती स्वच्छता पाळणारी आहे. ती घरात घाण करणार नाही. बाहेर जाऊन शौच केल्यानंतर त्यावर माती टाकून मगच ती घरात येते.
चिकन, मासे विशेष प्रिय
जगात वेगवेगळ्या रंगाच्या मांजरी आढळतात. यातील पांढऱ्या मांजरी ५० टक्के बहिऱ्या असतात. चिकन, मासे हे तिचे आवडते खाद्य, पण बहुतांश भारतीय घरांत तिला दूध दिले जाते. मांजर पाळा पण ती पाळताना तिच्या आणि आपल्याही आरोग्याची काळजी घ्या, असे आवाहन डॉ. हेमंत जैन यांनी मांजर दिनानिमित्त केले आहे.
भारतात कुत्रा हा सर्वाधिक लोकप्रिय पाळीव प्राणी असला तरी जगात मांजरींची संख्या कुत्र्यांपेक्षा अधिक आहे. एकट्या नागपूर शहरात पाळलेल्या मांजरी जवळपास अडीच हजार आहेत.
दरवर्षी ८ ऑगस्ट हा जागतिकस्तरावर मांजर दिन म्हणून साजरा होतो. मांजरप्रेमींमध्ये मांजरींविषयी जागरुकता निर्माण करणे, हा यामागील उद्देश आहे. कुत्रा जसा प्राचीन काळापासून माणसाचा मित्र आहे, त्याचप्रमाणे मांजरही माणसाच्या सहवासातच राहात आली आहे. जगातला पहिला ‘कॅट शो’ १८७१ साली लंडनमध्ये झाला होता. नागपुरातील पशुवैद्यकतज्ज्ञ डॉ. हेमंत जैन यांनी दिलेल्या माहितीनुसार, भारतात कुत्रा मोठ्या प्रमाणात पाळला जातो, हे खरे आहे. पण, जगभरात मांजर सर्वाधिक पाळली जाते. जगात जवळपास १० कोटी २० लाख मांजरी आहेत आणि त्यातील ५० टक्के मांजरी अमेरिकेत आहेत. कुत्रा चावून रॅबिज झाल्याने मृत्यू होण्याच्या घटना अनेकदा घडतात, पण कुत्र्यांच्या तुलनेत मांजर चावल्याने रॅबिज होऊन मृत्यू येणाऱ्यांचे प्रमाण जगात सर्वाधिक आहे. पण, काही कुत्रे जसे स्वतःहून हल्ला करतात, तशी मांजर कधीच करीत नाही. कुठूनतरी मांजर आली की मग तिला रोज दूध, पोळी वगैरे देऊन तिचे पालनपोषण केले जाते. पण, मुद्दाम मांजर पाळणाऱ्यांची संख्याही मोठी आहे. नागपुरात अशा २५०० पाळीव मांजरी आहेत. अनेकजण मांजर विकत घेऊन ती पाळतात. बाजारात २ हजार ते २० हजार रुपयांपर्यंतच्या मांजरी मिळतात.
नियमित लसीकरण हवे
अनेकजण मांजरीच्या आरोग्याविषयी मात्र उदासीन असतात. मांजरीचे लसीकरण नियमित होणे आवश्यक आहे. त्यामुळे तिची प्रकृती चांगली राहतेच, शिवाय माणसांवरही अनिष्ट परिणाम होत नाही. त्याचप्रमाणे महिन्यातून एकदा तिला जंतनाशक औषध द्यावे लागते. मांजरीचे आणखी एक वैशिष्ट्य म्हणजे ती स्वच्छता पाळणारी आहे. ती घरात घाण करणार नाही. बाहेर जाऊन शौच केल्यानंतर त्यावर माती टाकून मगच ती घरात येते.
चिकन, मासे विशेष प्रिय
जगात वेगवेगळ्या रंगाच्या मांजरी आढळतात. यातील पांढऱ्या मांजरी ५० टक्के बहिऱ्या असतात. चिकन, मासे हे तिचे आवडते खाद्य, पण बहुतांश भारतीय घरांत तिला दूध दिले जाते. मांजर पाळा पण ती पाळताना तिच्या आणि आपल्याही आरोग्याची काळजी घ्या, असे आवाहन डॉ. हेमंत जैन यांनी मांजर दिनानिमित्त केले आहे.