म. टा. प्रतिनिधी, नागपूर
मुख्यमंत्री देवेंद्र फडणवीस यांच्यावर येणारे सर्व प्रकारचे विघ्न टळावे, यासाठी भारतीय जनता युवा मोर्चाच्यावतीने येत्या शनिवारी महामृत्युंजय जप व पूर्णाहूती यज्ञ करण्यात येणार आहे.
भाजपच्यावतीने मुख्यमंत्र्यांच्या वाढदिवसाची जय्यत तयारी करण्यात येत आहे. शहर अध्यक्ष सुधाकर कोहळे यांच्या अध्यक्षतेखाली मंगळवारी रात्री झालेल्या बैठकीत तयारीचा आढावा घेण्यात आला. पक्षाच्यावतीने सर्व प्रभागातील दहावी व बारावीच्या विद्यार्थ्यांचा सत्कार करण्यात येणार आहे. याखेरीज विविध आघाड्यांच्यावतीने वेगळे कार्यक्रम असून त्याची माहिती घेण्यात आली. भाजयुमोने सव्वा लाख महामृत्यूंजय जप आणि पूर्णाहूती यज्ञ करण्यात येत असल्याचे जाहीर केले. हिंगणा रोडवरील महादेव मंदिरात जप होईल. अनुसूचित जाती मोर्चाच्यावतीने समाजातील गुणवत्ताप्राप्त विद्यार्थ्यांचा गौरव करण्यात येणार आहे.
उपाध्यक्ष, सचिव यासारख्या पदाधिकाऱ्यांना स्वतः जबाबदारी स्विकारून पुढाकार घ्यावा. स्वतःची जबाबदारी निश्चित करावी, अशी सूचना सुधाकर कोहळे यांनी केली. बैठकीला संदीप जोशी, भोजराज डुंबे, संदीप जाधव, प्रमोद पेंडके, देवेन दस्तुरे, विवेक तरासे, चंदन गोस्वामी उपस्थित होते.
बुथवरून ५० नवमतदार नोंदणी
भाजयुमोच्या माध्यमातून नवमतदारांची नोंदणी करण्यात येणार आहे. जानेवारी २०१९ साली १८ वर्षे पूर्ण करणाऱ्या तरुण-तरुणींची नोंदणीसाठी मोर्चाची टीम सज्ज झाली आहे. मतदार नोंदणीसाठी दोन पासपोर्ट आकाराचे फोटो, ओळखपत्र, आधार कार्ड, वीज बिल आणि ओळखीच्या व्यक्तीचे मतदान कार्ड आवश्यक आहे. प्रत्येक बुथ वरून किमान ५० नवमतदारांची नोंदणी करण्याचे टार्गेट निश्चित करण्यात आले आहे.
मुख्यमंत्री देवेंद्र फडणवीस यांच्यावर येणारे सर्व प्रकारचे विघ्न टळावे, यासाठी भारतीय जनता युवा मोर्चाच्यावतीने येत्या शनिवारी महामृत्युंजय जप व पूर्णाहूती यज्ञ करण्यात येणार आहे.
भाजपच्यावतीने मुख्यमंत्र्यांच्या वाढदिवसाची जय्यत तयारी करण्यात येत आहे. शहर अध्यक्ष सुधाकर कोहळे यांच्या अध्यक्षतेखाली मंगळवारी रात्री झालेल्या बैठकीत तयारीचा आढावा घेण्यात आला. पक्षाच्यावतीने सर्व प्रभागातील दहावी व बारावीच्या विद्यार्थ्यांचा सत्कार करण्यात येणार आहे. याखेरीज विविध आघाड्यांच्यावतीने वेगळे कार्यक्रम असून त्याची माहिती घेण्यात आली. भाजयुमोने सव्वा लाख महामृत्यूंजय जप आणि पूर्णाहूती यज्ञ करण्यात येत असल्याचे जाहीर केले. हिंगणा रोडवरील महादेव मंदिरात जप होईल. अनुसूचित जाती मोर्चाच्यावतीने समाजातील गुणवत्ताप्राप्त विद्यार्थ्यांचा गौरव करण्यात येणार आहे.
उपाध्यक्ष, सचिव यासारख्या पदाधिकाऱ्यांना स्वतः जबाबदारी स्विकारून पुढाकार घ्यावा. स्वतःची जबाबदारी निश्चित करावी, अशी सूचना सुधाकर कोहळे यांनी केली. बैठकीला संदीप जोशी, भोजराज डुंबे, संदीप जाधव, प्रमोद पेंडके, देवेन दस्तुरे, विवेक तरासे, चंदन गोस्वामी उपस्थित होते.
बुथवरून ५० नवमतदार नोंदणी
भाजयुमोच्या माध्यमातून नवमतदारांची नोंदणी करण्यात येणार आहे. जानेवारी २०१९ साली १८ वर्षे पूर्ण करणाऱ्या तरुण-तरुणींची नोंदणीसाठी मोर्चाची टीम सज्ज झाली आहे. मतदार नोंदणीसाठी दोन पासपोर्ट आकाराचे फोटो, ओळखपत्र, आधार कार्ड, वीज बिल आणि ओळखीच्या व्यक्तीचे मतदान कार्ड आवश्यक आहे. प्रत्येक बुथ वरून किमान ५० नवमतदारांची नोंदणी करण्याचे टार्गेट निश्चित करण्यात आले आहे.