म.टा. विशेष प्रतिनिधी, नागपूर
पेट्रोल, डिझेलच्या भाववाढीविरोधात येत्या २६ सप्टेंबर रोजी शहर काँग्रेसच्यावतीने शहीद चौकात आंदोलन करण्यात येणार आहे. शहर अध्यक्ष विकास ठाकरे यांच्या अध्यक्षतेखाली झालेल्या कार्यकारिणीत आंदोलनाचा निर्णय घेण्यात आला.
भाववाढीमुळे सर्वसामान्य त्रस्त झाले आहेत. पेट्रोल, डिझेलचे भाव वाढवून भाजप सरकार जनतेची लूट करत असल्याचा आरोप शहराध्यक्ष विकास ठाकरे यांनी लावला. नोटबंदीचा निर्णय सरकारच्या अंगलट आला. पेट्रोल भाववाढीचा फटका अन्य वस्तुंना बसला आहे. त्यामुळे रोज नवीन मुद्दे उपस्थित करून जनतेचे लक्ष विचलित करण्यात येते, अशी टीका ठाकरे यांनी केली. इंदिरा गांधी यांच्या जन्मशताब्दी समारोपाला सतीश चतुर्वेदी, नितीन राऊत, अनीस अहमद गटाकडून २६ तारखेलाच यवतमाळ येथून प्रारंभ करण्यात येत आहे, हे विशेष.
मेट्रो रेल्वे व सिमेंट रोडच्या कामात कुठेही नियोजन नाही. त्यामुळे शहरात सर्वत्र खड्डे झाले आहेत. एकही रस्ता बरोबर नसल्याने अपघातांचे प्रमाण वाढले. याकडे लक्ष देण्यास राज्यकर्त्यांना वेळ नाही. शहरातील खड्डे आणि गैरसोयी विरोधातही आंदोलन करण्यात येणार आहे.
काँग्रेसने भाववाढी विरोधातील आंदोलनासोबतच डिसेंबरपर्यंत विविध कार्यक्रमांची आखणी केली आहे. २ ऑक्टोबरला गांधी जयंती, १४ नोव्हेंबरला पंडित जवाहरलाल नेहरू जयंती साजरी करण्यात येईल. १९ नोव्हेंबरला इंदिरा गांधी यांच्या जयंतीचा मोठा कार्यक्रम आयोजित करण्यात येणार आहे. तसेच, २६ नोव्हेंबर रोजी संविधान दिवस साजरा करण्यात येईल. पक्षाच्या स्थापना दिनी २८ डिसेंबर रोजी विविध कार्यक्रम आयोजित करण्यात येणार असल्याचे विकास ठाकरे यांनी सांगितले. बैठकीत अतुल कोटेचा, दिनेश बानाबाकोडे, अॅड. अक्षय समर्थ, विवेक निकोसे, रेखा बाराहाते, धरमकुमार पाटील, विलास भालेकर, वीणा बेलगे यांचेही भाषण झाले. यावेळी नाग-विदर्भ चेंबर ऑफ कॉमर्सच्या उपाध्यक्षपदी अविरोध निवड झाल्याबद्दल राजू व्यास यांचा सत्कार करण्यात आला. संचालन डॉ. गजराज हटेवार यांनी केले.
‘सुरेश भट सभागृहाचा मुत्तेमवार यांचा प्रस्ताव ’
कविवर्य सुरेश भट यांच्या नावे शहरात सभागृह असावे, अशी संकल्पना तत्कालीन खासदार विलास मुत्तेमवार यांनी मांडली. यासाठी त्यांनी खासदार निधी देण्याची तयारी दर्शवली. तसे पत्र त्यांनी महापालिकेला दिले होते. मिहान आणि मेट्रो रेल्वे प्रकल्पासाठी त्यांनी केलेल्या प्रयत्नांमुळे आज दोन्ही प्रकल्प उभे होत आहेत. भाजपच्या काळात त्याची प्रगती होत असली तरी, मुत्तेमवार यांचे योगदान आणि त्यांनी केलेले प्रयत्न विसरता येणार नाहीत. त्यामुळे अशा प्रकल्पात त्यांचा उल्लेख करण्यात यावा, अशी मागणी करणारा ठरावही यावेळी संमत करण्यात आला.
पेट्रोल, डिझेलच्या भाववाढीविरोधात येत्या २६ सप्टेंबर रोजी शहर काँग्रेसच्यावतीने शहीद चौकात आंदोलन करण्यात येणार आहे. शहर अध्यक्ष विकास ठाकरे यांच्या अध्यक्षतेखाली झालेल्या कार्यकारिणीत आंदोलनाचा निर्णय घेण्यात आला.
भाववाढीमुळे सर्वसामान्य त्रस्त झाले आहेत. पेट्रोल, डिझेलचे भाव वाढवून भाजप सरकार जनतेची लूट करत असल्याचा आरोप शहराध्यक्ष विकास ठाकरे यांनी लावला. नोटबंदीचा निर्णय सरकारच्या अंगलट आला. पेट्रोल भाववाढीचा फटका अन्य वस्तुंना बसला आहे. त्यामुळे रोज नवीन मुद्दे उपस्थित करून जनतेचे लक्ष विचलित करण्यात येते, अशी टीका ठाकरे यांनी केली. इंदिरा गांधी यांच्या जन्मशताब्दी समारोपाला सतीश चतुर्वेदी, नितीन राऊत, अनीस अहमद गटाकडून २६ तारखेलाच यवतमाळ येथून प्रारंभ करण्यात येत आहे, हे विशेष.
मेट्रो रेल्वे व सिमेंट रोडच्या कामात कुठेही नियोजन नाही. त्यामुळे शहरात सर्वत्र खड्डे झाले आहेत. एकही रस्ता बरोबर नसल्याने अपघातांचे प्रमाण वाढले. याकडे लक्ष देण्यास राज्यकर्त्यांना वेळ नाही. शहरातील खड्डे आणि गैरसोयी विरोधातही आंदोलन करण्यात येणार आहे.
काँग्रेसने भाववाढी विरोधातील आंदोलनासोबतच डिसेंबरपर्यंत विविध कार्यक्रमांची आखणी केली आहे. २ ऑक्टोबरला गांधी जयंती, १४ नोव्हेंबरला पंडित जवाहरलाल नेहरू जयंती साजरी करण्यात येईल. १९ नोव्हेंबरला इंदिरा गांधी यांच्या जयंतीचा मोठा कार्यक्रम आयोजित करण्यात येणार आहे. तसेच, २६ नोव्हेंबर रोजी संविधान दिवस साजरा करण्यात येईल. पक्षाच्या स्थापना दिनी २८ डिसेंबर रोजी विविध कार्यक्रम आयोजित करण्यात येणार असल्याचे विकास ठाकरे यांनी सांगितले. बैठकीत अतुल कोटेचा, दिनेश बानाबाकोडे, अॅड. अक्षय समर्थ, विवेक निकोसे, रेखा बाराहाते, धरमकुमार पाटील, विलास भालेकर, वीणा बेलगे यांचेही भाषण झाले. यावेळी नाग-विदर्भ चेंबर ऑफ कॉमर्सच्या उपाध्यक्षपदी अविरोध निवड झाल्याबद्दल राजू व्यास यांचा सत्कार करण्यात आला. संचालन डॉ. गजराज हटेवार यांनी केले.
‘सुरेश भट सभागृहाचा मुत्तेमवार यांचा प्रस्ताव ’
कविवर्य सुरेश भट यांच्या नावे शहरात सभागृह असावे, अशी संकल्पना तत्कालीन खासदार विलास मुत्तेमवार यांनी मांडली. यासाठी त्यांनी खासदार निधी देण्याची तयारी दर्शवली. तसे पत्र त्यांनी महापालिकेला दिले होते. मिहान आणि मेट्रो रेल्वे प्रकल्पासाठी त्यांनी केलेल्या प्रयत्नांमुळे आज दोन्ही प्रकल्प उभे होत आहेत. भाजपच्या काळात त्याची प्रगती होत असली तरी, मुत्तेमवार यांचे योगदान आणि त्यांनी केलेले प्रयत्न विसरता येणार नाहीत. त्यामुळे अशा प्रकल्पात त्यांचा उल्लेख करण्यात यावा, अशी मागणी करणारा ठरावही यावेळी संमत करण्यात आला.