म.टा. प्रतिनिधी, नागपूर
काँग्रेसच्या शहर कार्यकारिणीवरून उत्तर नागपुरातील पदाधिकाऱ्यांनी राजीनाम्याची तयारी दर्शवल्यानंतर, पूर्व आणि दक्षिण नागपुरातील सुमारे ७० पदाधिकारी व प्रमुख कार्यकर्त्यांची माजी पालकमंत्री सतीश चतुर्वेदी यांच्याकडे तीव्र नाराजी व्यक्त केली. या गुप्त बैठकीने अन्य गटाच्या भुवया उंचावल्या आहेत.
गेल्या आठवड्यात कार्यकारिणी जाहीर झाल्यापासून संधी मिळालेले आणि न मिळालेल्यांमधील असंतोष खदखदत आहे. एकाच विधानसभा मतदारसंघावर फोकस करण्यात आल्याचा आक्षेप असून अनेक पदाधिकाऱ्यांची पदावनती केल्याची नाराजीदेखील आहे. या पार्श्वभूमीवर माजी मंत्री नितीन राऊत यांच्या उत्तर नागपुरातील असंतुष्ट समर्थकांनी राजीनाम्याचा पवित्रा घेतला. त्यावरून आरोप-प्रत्यारोप झाले. ही चर्चा सुरू असतानाच शनिवारी दुपारी सतीश चतुर्वेदी यांच्या बंगल्यावर सुमारे ७० पदाधिकारी हजर झाले. कार्यकारिणी जाहीर झाली तेव्हा चतुर्वेदी नागपुरात नव्हते. आता बेंगळुरूवरून परतल्यानंतर त्यांचे आभार व्यक्त करण्यासाठी कार्यकर्ते आल्याचा दावा त्यांच्या समर्थकांनी केला असला तरी, प्रत्यक्षात कार्यकारिणीवरू असंतोष व्यक्त करण्यासाठी ही बैठक होती, असे समजते. यापूर्वीच्या कार्यकारिणीत सरचिटणीससारखे पद भूषवणाऱ्या अनेक पदाधिकाऱ्यांची पदावनती करण्यात आली. नेत्यांचे विरोधक असलेल्या कार्यकर्त्यांची कार्यकारिणीत वर्णी लागली. हसनबाग, सतरंजीपूरा, नंदनवन झोपडपट्टीतून एकही प्रतिनिधी नाही.
मुख्यमंत्र्यांचा मतदारसंघ असलेल्या दक्षिण-पश्चिमसारख्या क्षेत्रात पाहिजे तसे बळ आलेली नाही. यावरही तीव्र नाराजी यावेळी व्यक्त करण्यात आली. एकीकडे ऐक्य आणि दिलजमाईच्या गोष्टी नेत्यांकडून सुरू असताना कार्यकारिणी जाहीर होताच पोळा फुटला आहे. महापालिका निवडणुकांना अद्याप वेळ असला तरी, या असंतोषाचा फटका बसण्याची शक्यता सूत्रांनी व्यक्त केली. दरम्यान, या नाराजीवर शहर अध्यक्ष विकास ठाकरे यांचे समर्थकही सरसावले असल्याची चर्चा आहे. जशाच तसे उत्तर देण्यात येईल, अशी तयारी सुरू झाल्याचे समजते.
काँग्रेसच्या शहर कार्यकारिणीवरून उत्तर नागपुरातील पदाधिकाऱ्यांनी राजीनाम्याची तयारी दर्शवल्यानंतर, पूर्व आणि दक्षिण नागपुरातील सुमारे ७० पदाधिकारी व प्रमुख कार्यकर्त्यांची माजी पालकमंत्री सतीश चतुर्वेदी यांच्याकडे तीव्र नाराजी व्यक्त केली. या गुप्त बैठकीने अन्य गटाच्या भुवया उंचावल्या आहेत.
गेल्या आठवड्यात कार्यकारिणी जाहीर झाल्यापासून संधी मिळालेले आणि न मिळालेल्यांमधील असंतोष खदखदत आहे. एकाच विधानसभा मतदारसंघावर फोकस करण्यात आल्याचा आक्षेप असून अनेक पदाधिकाऱ्यांची पदावनती केल्याची नाराजीदेखील आहे. या पार्श्वभूमीवर माजी मंत्री नितीन राऊत यांच्या उत्तर नागपुरातील असंतुष्ट समर्थकांनी राजीनाम्याचा पवित्रा घेतला. त्यावरून आरोप-प्रत्यारोप झाले. ही चर्चा सुरू असतानाच शनिवारी दुपारी सतीश चतुर्वेदी यांच्या बंगल्यावर सुमारे ७० पदाधिकारी हजर झाले. कार्यकारिणी जाहीर झाली तेव्हा चतुर्वेदी नागपुरात नव्हते. आता बेंगळुरूवरून परतल्यानंतर त्यांचे आभार व्यक्त करण्यासाठी कार्यकर्ते आल्याचा दावा त्यांच्या समर्थकांनी केला असला तरी, प्रत्यक्षात कार्यकारिणीवरू असंतोष व्यक्त करण्यासाठी ही बैठक होती, असे समजते. यापूर्वीच्या कार्यकारिणीत सरचिटणीससारखे पद भूषवणाऱ्या अनेक पदाधिकाऱ्यांची पदावनती करण्यात आली. नेत्यांचे विरोधक असलेल्या कार्यकर्त्यांची कार्यकारिणीत वर्णी लागली. हसनबाग, सतरंजीपूरा, नंदनवन झोपडपट्टीतून एकही प्रतिनिधी नाही.
मुख्यमंत्र्यांचा मतदारसंघ असलेल्या दक्षिण-पश्चिमसारख्या क्षेत्रात पाहिजे तसे बळ आलेली नाही. यावरही तीव्र नाराजी यावेळी व्यक्त करण्यात आली. एकीकडे ऐक्य आणि दिलजमाईच्या गोष्टी नेत्यांकडून सुरू असताना कार्यकारिणी जाहीर होताच पोळा फुटला आहे. महापालिका निवडणुकांना अद्याप वेळ असला तरी, या असंतोषाचा फटका बसण्याची शक्यता सूत्रांनी व्यक्त केली. दरम्यान, या नाराजीवर शहर अध्यक्ष विकास ठाकरे यांचे समर्थकही सरसावले असल्याची चर्चा आहे. जशाच तसे उत्तर देण्यात येईल, अशी तयारी सुरू झाल्याचे समजते.