म. टा. विशेष प्रतिनिधी, नागपूर
राष्ट्रसंत तुकडोजी महाराज नागपूर विद्यापीठातील सिनेट व विद्वत परिषदेतील नामनिर्देशित सदस्यांच्या नेमणुका अद्याप झालेल्या नसल्याने इच्छुकांमध्ये आता संभ्रम निर्माण झालेला आहे. यापूर्वी विद्वत परिषदेवर झालेल्या नेमणूक अचानक मागे घेण्यात आल्या होत्या. त्यामुळे आता नव्याने कोणाची नावे जाहीर होतील, त्याकडे सर्वांचे लक्ष लागले आहे.
सिनेट व विद्वत परिषदेच्या निवडणुकीत सेक्युलर पॅनलने सर्वाधिक जागा घेतल्या होत्या. तर यंग टीचर्स असोसिएशन दुसऱ्या क्रमांवर आणि शिक्षण मंचाला सात जागा मिळाल्या होत्या. त्यावेळी सेक्युलर पॅनलचे सिनेट व विद्वत परिषदेतील वर्चस्व बघता कुलगुरू डॉ. सिद्धार्थविनायक काणे हे कुलगुरूंच्या अधिकारातील नामनिर्देशित सदस्य म्हणून कोणाची नेमणूक करणार त्याकडे लक्ष लागले होते. निवडणुकीनंतर १८ सदस्यांची यादी तयार करण्यात आली होती. परंतु, त्या यादीत सेक्युलर पॅनल आणि यंग टीचर्सच्या गटातील सदस्यांची नावे होती. त्यामुळे यादीवर आक्षेप घेण्यात आला. तेव्हा अचानक सदर यादीचे परिपत्रक काढण्यात आले नाही. त्यामुळे शिक्षण मंचाच्याच सदस्यांची आता नेमणूक होईल, अशी चर्चाही सुरू झाली होती.
दरम्यान, सिनेट व विद्वत परिषदेतील नामनिर्देशन झाले नसले तरीही कुलगुरूंनी विविध मंडळांतील नेमणूका पूर्ण केल्या आहेत. त्यात विद्यापीठातील पदव्युत्तर विभागातील प्राध्यापकांचीच अधिक संख्या आहे. तर काही अधिकाऱ्यांनी त्यांच्या ओळखीच्या व्यक्तींची वर्णी त्यात लावली असून त्यावर आता काहींनी आक्षेप घेतला आहे. परंतु, राज्य सरकारने प्रत्येक नामनिर्देशनासाठी पात्रता निकष जाहिर केलेले आहेत. त्या निकषांवर पात्र ठरणारी व्यक्ती नियुक्त करण्याचा अधिकार कुलगुरूंना आहे. त्यामुळे नामनिर्दशनात आपले नाव आले नाही म्हणून काहींनी आता आक्षेप घेतला आहे, असा सूर विद्यापीठातील अधिकाऱ्यांनी काढला आहे. मात्र, नामनिर्दशन करताना आपल्याच गटातील सदस्यांची नेमणूक व्हावी, असा आग्रही विद्यापीठाकडे होतो आहे. त्यास्थितीत सिनेट व विद्वत परिषदेवर आता कोणत्या व्यक्तींची निवड होईल, अशी चर्चा विद्यापीठात रंगली आहे.
राष्ट्रसंत तुकडोजी महाराज नागपूर विद्यापीठातील सिनेट व विद्वत परिषदेतील नामनिर्देशित सदस्यांच्या नेमणुका अद्याप झालेल्या नसल्याने इच्छुकांमध्ये आता संभ्रम निर्माण झालेला आहे. यापूर्वी विद्वत परिषदेवर झालेल्या नेमणूक अचानक मागे घेण्यात आल्या होत्या. त्यामुळे आता नव्याने कोणाची नावे जाहीर होतील, त्याकडे सर्वांचे लक्ष लागले आहे.
सिनेट व विद्वत परिषदेच्या निवडणुकीत सेक्युलर पॅनलने सर्वाधिक जागा घेतल्या होत्या. तर यंग टीचर्स असोसिएशन दुसऱ्या क्रमांवर आणि शिक्षण मंचाला सात जागा मिळाल्या होत्या. त्यावेळी सेक्युलर पॅनलचे सिनेट व विद्वत परिषदेतील वर्चस्व बघता कुलगुरू डॉ. सिद्धार्थविनायक काणे हे कुलगुरूंच्या अधिकारातील नामनिर्देशित सदस्य म्हणून कोणाची नेमणूक करणार त्याकडे लक्ष लागले होते. निवडणुकीनंतर १८ सदस्यांची यादी तयार करण्यात आली होती. परंतु, त्या यादीत सेक्युलर पॅनल आणि यंग टीचर्सच्या गटातील सदस्यांची नावे होती. त्यामुळे यादीवर आक्षेप घेण्यात आला. तेव्हा अचानक सदर यादीचे परिपत्रक काढण्यात आले नाही. त्यामुळे शिक्षण मंचाच्याच सदस्यांची आता नेमणूक होईल, अशी चर्चाही सुरू झाली होती.
दरम्यान, सिनेट व विद्वत परिषदेतील नामनिर्देशन झाले नसले तरीही कुलगुरूंनी विविध मंडळांतील नेमणूका पूर्ण केल्या आहेत. त्यात विद्यापीठातील पदव्युत्तर विभागातील प्राध्यापकांचीच अधिक संख्या आहे. तर काही अधिकाऱ्यांनी त्यांच्या ओळखीच्या व्यक्तींची वर्णी त्यात लावली असून त्यावर आता काहींनी आक्षेप घेतला आहे. परंतु, राज्य सरकारने प्रत्येक नामनिर्देशनासाठी पात्रता निकष जाहिर केलेले आहेत. त्या निकषांवर पात्र ठरणारी व्यक्ती नियुक्त करण्याचा अधिकार कुलगुरूंना आहे. त्यामुळे नामनिर्दशनात आपले नाव आले नाही म्हणून काहींनी आता आक्षेप घेतला आहे, असा सूर विद्यापीठातील अधिकाऱ्यांनी काढला आहे. मात्र, नामनिर्दशन करताना आपल्याच गटातील सदस्यांची नेमणूक व्हावी, असा आग्रही विद्यापीठाकडे होतो आहे. त्यास्थितीत सिनेट व विद्वत परिषदेवर आता कोणत्या व्यक्तींची निवड होईल, अशी चर्चा विद्यापीठात रंगली आहे.